Mahindra Vision S: మహీంద్రా విజన్ ఎస్ డీజిల్ ఆటోమేటిక్, ఇంటీరియర్ డిజైన్ లీక్!

Mahindra Vision S Interior Leaked: మహీంద్రా నుంచి క్రేజీ కార్లు అందుబాటులోకి రాబోతున్నాయి. గత సంవత్సరం, రాబోయే సంవత్సరాల్లో ఉత్పత్తిలోకి రాబోతున్న అనేక కాన్సెప్ట్ కార్లను మహీంద్రా వెల్లడించింది. వీటిలో, విజన్ ఎస్ ఎస్ యూవీని మరోసారి పరీక్షించడం కనిపించింది. తాజాగా ఈ కారుకు సంబంధించిన ఇంటీరియర్‌ వివరాలు లీక్ అయ్యాయి. సోషల్ మీడియాలో ఈ కారుకు సంబంధించిన ఇంటీరియర్ ఫోటోలు వైరల్ అవుతున్నాయి.

ఇంటీరియర్ డిజైన్ ఎలా ఉందంటే?

మహీంద్రా విజన్ ఎస్ డీజిల్ ఆటోమేటిక్ కారుకు సంబంధించి లీక్ అయిన ఇంటీరియర్ ఫోటోల్లో.. కొత్త విజన్ ఎస్ మోడల్ కాన్సెప్ట్ కారు నుంచి పలు డిజైన్ అంశాలను తీసుకున్నట్లు కనిపిస్తుంది. డాష్‌బోర్డ్‌ పై నిలువుగా ఉన్న ఎయిర్ వెంట్స్, పలు ఫంక్షన్లను కంట్రోల్ చేయడానికి అనేక బటన్లతో కూడిన సెంటర్ కన్సోల్, లేటెస్ట్ సీటు డిజైన్ ఉన్నాయి. కొన్ని తేడాలలో ట్రెడిషనల్ త్రీ స్పోక్ స్టీరింగ్ వీల్, మాన్యువల్ హ్యాండ్‌ బ్రేక్ లివర్, ఫాబ్రిక్ అప్హోల్స్టరీ ఉన్నాయి. వీటిలో ఎక్కువ భాగం ఈ కారును మిడ్ స్పెక్ వెర్షన్ గా సూచించే ఫీచర్లు ఉన్నాయి. మిగతా చోట్ల, ఇది ఐదుగురు ప్రయాణీకులు వెళ్లేలా అడ్జెస్ట్ చేసే హెడ్‌ రెస్ట్‌లు, 60:40 స్ప్లిట్ రియర్ సీట్లు, పెద్ద పనోరమిక్ సన్‌ రూఫ్‌ ను కూడా కలిగి ఉన్నట్లు కనిపిస్తోంది.

మహీంద్రా విజన్ ఎస్ డీజిల్ ఆటోమేటిక్ స్పెసిఫికేషన్లు

రాబోయే మహీంద్రా విజన్ ఎస్ కీలకమైన ఎక్స్ టీరియర్ ను గమనిస్తే, ఇంటిగ్రేటెడ్ LED DRLలతో కూడిన రౌండ్ హెడ్‌ ల్యాంప్ క్లస్టర్ డిజైన్, ప్రొజెక్టర్ హెడ్‌ లైట్లు, కొత్త గ్రిల్, ముందు బంపర్‌ పై అమర్చిన టర్న్ ఇండికేటర్లు, వెనుక బంపర్‌పై రిఫ్లెక్టర్లు, నిలువుగా ఉంచబడిన టెయిల్ లైట్లు, హై మౌంట్ స్టాప్ లాంప్, టెయిల్‌ గేట్‌ పై స్పేర్ వీల్‌ను మౌంట్ చేసే అవకాశం ఉంది.

ఈ కారులో హుడ్ కింద, మహీంద్రా విజన్ ఎస్ SUV మాన్యువల్, ఆటోమేటిక్ ట్రాన్స్‌ మిషన్‌ లతో జత చేయబడిన పెట్రోల్, డీజిల్ ఇంజిన్లతో అందించబడుతుందని భావిస్తున్నారు. తాజాగా ఫోటోలు ఇదే విషయాన్ని వెల్లడిస్తున్నాయి. డీజిల్ అవతార్‌ లోని ఆటోమేటిక్ వెర్షన్, గేర్ లివర్, ఫ్యూయెల్ ఫిల్లర్ క్యాప్ పక్కన ఉన్న AdBlue ఫిల్లర్ రెండింటిని కలుపుతుంది. త్వరలోనే ఈ కారుకు సంబంధించిన పూర్తి వివరాలను వెల్లడించనుంది. అయితే, ఈ లీక్ అయిన ఫోటోల గురించి మహీంద్రా కంపెనీ నుంచి ఎలాంటి ప్రకటన రాలేదు. కానీ, ప్రముఖ ఆటో వెబ్ సైట్లలోనూ ఈ కార్లు ఇంటీరియర్ లీకేజీ ఫోటోలు దర్శనం ఇస్తున్నాయి.