Pilotless Electric Air Taxis: నగర ప్రయాణాలు ట్రాఫిక్ ఇబ్బందులతో ఎంత నరకంగా ఉంటాయో ప్రత్యేకంగా చెప్పాల్సిన అవసరం లేదు. మెట్రో రైళ్లు ఉన్నప్పటికీ, ట్రాఫిక్ గంటల సమయం ఇట్టే కరిగిపోతోంది. ఈ సమస్యకు త్వరలోనే చెక్ పడబోతోంది. ఎగిరే ట్యాక్సీలు రాబోతున్నాయి. విద్యుత్ తో నడిచే ఈ ట్యాక్సీలు ప్రయాణీకులను నిమిషాల వ్యవధిలోనే గమ్యస్థానాలకు చేర్చబోతున్నాయి. ఇంతకీ ఈ ట్యాక్సీలు ఎలా పని చేస్తాయంటే?
విద్యుత్తో నడిచే ఈ ఫ్లయింగ్ ట్యాక్సీలను చైనా షెన్ జెన్ నగరంలో ఉన్న జీరోగ్ అనే సంస్థ తయారు చేస్తోంది. ప్రయాణీకులను ఒక చోటు నుంచి మరోచోటుకి వేగంగా తీసుకెళ్లడానికి ప్రత్యేకంగా eVTOL ఫ్లయింగ్ ట్యాక్సీలను డెవలప్ చేసతోంది. eVTOL అంటే ఎలక్ట్రిక్ వెర్టికల్ టేకాఫ్ అండ్ ల్యాండింగ్ వెహికల్స్. ఇవి రన్ వే అవసరం లేకుండానే నేల మీది నుంచి నేరుగా పైకి ఎగిరి, తిరిగి అదేలా కిందికి దిగుతాయి. కొత్త తరహా ట్యాక్సీలు పూర్తిగా ఆటోమేటిక్గా పనిచేస్తాయి. అంటే, పైలట్ అవసరం లేకుండానే ఇవి ప్రయాణిస్తాయి. ముందుగానే ప్రోగ్రామ్ చేసిన మార్గాల్లో సురక్షితంగా ప్రయాణీకులను తీసుకెళ్తాయి. అనుకున్న గమ్యస్థానానికి చేర్చుతాయి. ఇది భవిష్యత్తులో రవాణా వ్యవస్థను పూర్తిగా మార్చే అవకాశం ఉంది.
ఈ ప్లయింగ్ ట్యాక్సీలు మల్టీఫుల్ రోటర్లతో రూపొందించబడ్డాయి. ఒకటి లేదంటే రెండు ప్రొపెల్లర్లు కాకుండా, అనేక చిన్న రోటర్లు కలిసి పని చేస్తాయి. దీని వల్ల ట్యాకసీ స్థిరంగా ఎగురుతుంది. ఎలాంటి సమస్య వచ్చినా సురక్షితంగా దిగుతుంది. అంతేకాదు, వీటిలో అధునాతన భద్రతా వ్యవస్థలు ఉంటాయి. సెన్సర్లు, ఆటోమేటిక్ కంట్రోల్ సిస్టమ్స్, ఎమర్జెన్సీ బ్యాకప్ వ్యవస్థలు ప్రయాణీకుల భద్రతను మరింత మెరుగుపరుస్తాయి.
Read Also: రూ. 1.5 లక్షల్లోపు బెస్ట్ ఎలక్ట్రిక్ స్కూటర్లు.. ఒక్కోదాని రేంజ్ ఏంతో తెలుసా?
నగర, పట్టణ ప్రాంతాల్లో ట్రాఫిక్ సమస్యలు రోజురోజుకూ పెరుగుతున్నాయి. ఈ పరిస్థితుల్లో, ఎగిరే టాక్సీలు మంచి పరిష్కారంగా మారే అవకాశం ఉంటుంది. రోడ్లపై ట్రాఫిక్లో ఇరుక్కుపోవాల్సిన అవసరం లేకుండా, గాల్లోనే తక్కువ సమయంలో గమ్యస్థానానికి చేరుకోవచ్చు. ముఖ్యంగా మెట్రో నగరాల్లో మరింత సౌకర్యంగా ఉంటుంది. ఈ eVTOL వాహనాలు సాధారణ ప్రజలకు అందుబాటులోకి వస్తే, ప్రయాణ విధానం పూర్తిగా మారిపోతుంది. రోజువారీ ప్రయాణాలు వేగంగా, సులభంగా, పర్యావరణ అనుకూలంగా మారుతాయి. పైలట్ లేని ఈ విద్యుత్ ప్లయింగ్ ట్యాక్సీలు, భవిష్యత్తులో ప్రయాణాలను మరింత సులభతరం చేయడమే కాకుండా, వేగవంతమైన, సురక్షితమైన ప్రయాణానికి కొత్త దారులు చూపించబోతున్నాయి.
Read Also: ఈ కారుకు పెట్రోల్, ఛార్జింగ్ అసవసరం లేదు, హ్యాపీగా వెళ్లొచ్చు!
Share
డ్రై ఫ్రూట్ నట్స్ ఎలా తింటే ఆరోగ్యకరం.. పచ్చిగా తినాలా? లేక వేయించి తినాలా?
వార్ ఎఫెక్ట్.. హోటల్ ప్రియులకు షాక్.. భారీగా పెరిగిన కమర్షియల్ గ్యాస్ సిలిండర్ ధర
