LPG Hike: దేశవ్యాప్తంగా సామాన్యుడిపై ధరల భారం కొనసాగుతూనే ఉంది. నేటి నుంచి అంటే ఏప్రిల్ 1 కొత్త ఆర్థిక సంవత్సరం ప్రారంభం కావడంతో చమురు సంస్థలు వినియోగదారులకు గట్టి షాక్ ఇచ్చాయి. 19 కేజీల కమర్షియల్ ఎల్పీజీ సిలిండర్ ధరను ఏకంగా రూ.195.50 పెంచుతూ నిర్ణయం తీసుకున్నాయి. గడిచిన కొద్ది నెలలుగా స్థిరంగా ఉన్నా లేదా స్వల్పంగా పెరిగిన ధరలు, ఈసారి మాత్రం భారీగా పెరగడం గమనార్హం. ఈ నిర్ణయంతో దేశ రాజధాని ఢిల్లీలో కమర్షియల్ సిలిండర్ ధర సుమారు రూ.2,078.50 కు చేరుకుంది.
అయితే పశ్చిమాసియాలో ముదురుతున్న యుద్ధ మేఘాలు భారత ఇంధన మార్కెట్పై తీవ్ర ప్రభావం చూపుతున్నాయి. ముఖ్యంగా ఇరాన్-ఇజ్రాయెల్ ఉద్రిక్తతల వల్ల అంతర్జాతీయ మార్కెట్లో ముడి చమురు సరఫరాకు అంతరాయం కలగడం, రవాణా ఖర్చులు పెరగడం వంటివి ఈ ధరల పెంపునకు ప్రధాన కారణమయ్యాయి. భారత్ తన గ్యాస్ అవసరాల కోసం అధిక శాతం దిగుమతులపైనే ఆధారపడుతున్న నేపథ్యంలో, గ్లోబల్ మార్కెట్లో తలెత్తిన ఈ అనిశ్చితి దేశీయంగా ఎల్పీజీ కొరతకు, ధరల పెరుగుదలకు దారితీసింది.
ఈ భారీ పెంపు ప్రభావం నేరుగా హోటళ్లు, రెస్టారెంట్లు, క్యాటరింగ్ వ్యాపారాలు, చిన్న తరహా పరిశ్రమలపై పడనుంది. ఇప్పటికే నిత్యావసరాల ధరలు పెరిగి సతమతమవుతున్న హోటల్ యజమానులు, ఇప్పుడు గ్యాస్ ధరల భారంతో టిఫిన్లు, భోజనాల రేట్లను పెంచే ఆలోచనలో ఉన్నారు. ఫలితంగా సామాన్య ప్రజల జేబులకు కూడా చిల్లు పడే అవకాశం ఉంది. గడిచిన మార్చి నెలలో కూడా రూ.114 వరకు పెరిగిన ధరలు, ఈ నెలలో ఏకంగా రెట్టింపు స్థాయిలో పెరగడం వ్యాపార వర్గాలను ఆందోళనకు గురిచేస్తోంది.
అయితే, గృహ వినియోగదారులకు (14.2 కేజీల సిలిండర్) మాత్రం చమురు సంస్థలు ఊరటనిచ్చాయి. ప్రస్తుతం డొమెస్టిక్ గ్యాస్ సిలిండర్ ధరల్లో ఎలాంటి మార్పు చేయలేదు. గత మార్చిలో పెరిగిన ధరలకే (ఢిల్లీలో రూ.913, హైదరాబాద్లో సుమారు రూ.965) ఇవి అందుబాటులో ఉన్నాయి. అయినప్పటికీ, అంతర్జాతీయంగా ధరలు ఇలాగే కొనసాగితే భవిష్యత్తులో గృహ గ్యాస్ ధరలు కూడా పెరిగే ప్రమాదం ఉందని ఆర్థిక నిపుణులు హెచ్చరిస్తున్నారు.
Also Read: రైతులు, కార్మికులకు నెలకు రూ.3 వేల పెన్షన్.. అర్హతలు, దరఖాస్తు విధానం ఇలా?
మరోవైపు, కేవలం గ్యాస్ మాత్రమే కాకుండా విమాన ఇంధనం (ATF) ధరలు కూడా రికార్డు స్థాయిలో పెరిగాయి. యుద్ధ పరిస్థితుల కారణంగా సముద్ర మార్గాల్లో రవాణా కష్టతరమై ఇన్సూరెన్స్ ప్రీమియంలు పెరగడం వల్ల ఈ గడ్డు పరిస్థితి ఎదురవుతోంది. ప్రభుత్వం తక్షణమే జోక్యం చేసుకుని పన్నుల తగ్గింపు లేదా ఇతర ప్రత్యామ్నాయాల ద్వారా ధరలను నియంత్రించాలని ప్రజలు కోరుతున్నారు. ఏది ఏమైనా, కొత్త ఆర్థిక సంవత్సరం మొదటి రోజే ఇలా ధరల సెగ తగలడం ఆందోళనకర పరిణామం.
BREAKING
భారీగా పెరిగిన కమర్షియల్ గ్యాస్ సిలిండర్ ధర
19 కేజీల వాణిజ్య ఎల్పీజీ గ్యాస్ సిలిండర్పై రూ.195.50 పెంపు
నేటి నుంచి(ఏప్రిల్ 1) నుంచి అమల్లోకి రానున్న కొత్త ధరలు
పశ్చిమాసియా యుద్ధ నేపథ్యంలో దేశంలో LPG కొరత ఏర్పడుతుండడంతో భారీగా పెరుగుతున్న ధరలు
The 19 kg… pic.twitter.com/7FyR9hwHdY
— BIG TV Breaking News (@bigtvtelugu) April 1, 2026
Share
ఫ్లయింగ్ టాక్సీలు వచ్చేశాయ్, ఇక హ్యపీగా గాల్లో ఎగిరిపోవచ్చు!
ఈ చిన్న రెమెడీస్ పాటిస్తే మీ వ్యాపారం మూడు పువ్వులు ఆరు కాయలుగా సాగుతుందట
