Cars Under Rs 12 lakh: రూ. 12 లక్షల లోపు మంచి బూట్ స్పేస్‌ కార్లు.. వెకేషన్స్ కు వెరీ బెస్ట్!

చాలా మంది వీకెండ్స్ లో, హాలీడేస్ లో లాంగ్ డ్రైవ్ లు, వెకేషన్లకు వెళ్తుంటారు. వారు పెద్ద బూట్ స్పేస్ ఉన్న కార్లను ఎక్కువగా ఇష్టపడుతారు. ప్రస్తుతం మంచి బూట్ స్పేస్ కలిగిన పలు కార్లు అందుబాటులో ఉన్నాయి. వాటిలో రూ. 12 లక్షల లోపు అదిరిపోయే కార్లు ఉన్నాయి. ఇవి మంచి లగేజీ సామర్థ్యాన్ని కలిగి ఉన్నాయి. అంతేకాదు, ఖరీదైన వాహనాలకు గట్టి పోటీ ఇస్తున్నాయి కూడా. ఇంతకీ ఆ కార్లు ఏవి? ఎంత బూట్ స్పేస్ ను కలిగి ఉన్నాయి అనేది ఇప్పుడు తెలుసుకుందాం..

⦿ స్కోడా స్లావియా

స్కోడా ఎప్పుడూ మంచి బూట్ స్పేస్ కు ప్రాధాన్యత ఇస్తుంది. స్కోడా స్లావియా కూడా అదే సంప్రదాయాన్ని కొనసాగిస్తుంది. ఈ కారు 521 లీటర్ బూట్‌ ను కలిగి ఉంటుంది. ఎక్కువ బ్రీఫ్ కేసులను ఈజీగా తీసుకెళ్లే అవకాశం ఉంటుంది. ఇది సుదూర ప్రయాణాలకు అనుకూలంగా ఉంటుంది. ఈ కారు ధర రూ. 9.99 లక్షల నుంచి ప్రారంభమవుతుంది. ఆన్ రోడ్ ధర మరికాస్త ఎక్కువగా ఉంటుంది.

⦿ హ్యుందాయ్ వెర్నా

హ్యుందాయ్ వెర్నా కూడా మంచి బూట్ స్పేస్ ను కలిగి ఉంటుంది. ఈ కారు 528 లీటర్ బూట్‌ స్పేస్ ను కలిగి ఉంటుంది. ఇది లపు కాంపాక్ట్ SUVలు అందించే దాని కంటే ఎక్కువ స్పేస్ ను కలిగి ఉంటుంది. స్మూత్ రైడ్ క్వాలిటీ, అద్భుతమైన హైవే రైడింగ్ కు ఈ కారు అనుగుణంగా ఉంటుంది. అదే సమయంలో లగేజీ స్పేస్ లోనూ ఎలాంటి రాజీ లేకుండా ఉంటుంది. ఈ కారు ధర రూ. 10.79 లక్షల నుంచి ప్రారంభం అవుతుంది.

⦿ MG హెక్టర్

ఈ కారు సూపర్ బోల్డ్ డిజైన్ ను కలిగి ఉంటుంది. విశాలమైన క్యాబిన్ ను కలిగి ఉంటుంది. అదే సమయంలో 588 లీటర్ బూట్‌ స్పేస్ ను కలిగి ఉంటుంది. ఇది పెద్ద కుటుంబాలకు, సుదూర ప్రయాణాలకు అనుకూలంగా ఉంటుంది. ఈ కారు ధర రూ. 11.99 లక్షల నుంచి ప్రారంభం అవుతుంది.

⦿ టాటా సియెర్రా

టాటా సియెర్రా కూడా పెద్ద బూట్ స్పేస్ ను కలిగి ఉంటుంది. ఈ కారు 622 లీటర్ బూట్ స్థలాన్నికలిగి ఉంటుంది. టాటా మోటార్స్ మంచి స్పేస్ మీద ఎక్కువగా ఫోకస్ పెట్టింది. ఇది రోడ్ ట్రిప్‌లు, విమానాశ్రయ ప్రయాణాలు, కుటుంబ అవసరాలకు అనుకూలంగా ఉంటుంది. దీని ధర సుమారు రూ. 11.49 లక్షల నుంచి ప్రారంభం అవుతుంది.

⦿ వోక్స్‌ వ్యాగన్ వర్టస్

వోక్స్‌ వ్యాగన్ వర్టస్ మంచి డ్రైవింగ్ ఎక్స్ పీరయెన్స్ ను అందిస్తుంది. ఇది 521 లీటర్ బూట్‌ స్పేస్ ను కలిగి ఉంటుంది. ప్రీమియం సెడాన్ అనుభవాన్ని అందిస్తూనే, లగేజీకి తగినంత స్థలాన్ని కలిగి ఉంటుంది. ఈ కారు దాదాపు రూ. 11 లక్షల నుండి ప్రారంభం అవుతుంది.