Cheapest Automatic Cars: ఇండియాలో అత్యంత చౌకైన ఆటోమేటిక్ కార్లు, జస్ట్ రూ. 4.75 లక్షల నుంచే..

India’s Cheapest Automatic Cars 2026: రద్దీగా ఉండే సిటీ ట్రాఫిక్ లో ప్రతి రోజూ డ్రైవ్ చేసే వారికి ఆటోమేటిక్ కార్లు చక్కగా సూట్ అవుతున్నాయి. అందుకే, గత కొంత కాలంగా గేర్ల కార్లతో సమానంగా ఆటో మేటిక్ కార్లు అమ్మకాలు జరపుకుంటున్నాయి. అయితే, ఇప్పుడు తక్కువ ధరలోనూ పలు బడ్జెట్ ఫ్రెండ్లీ ఆటోమేటిక్ కార్లు అందుబాటులో ఉన్నాయి. దేశంలో అత్యంత సరసమైన మోడళ్లలో కొన్ని రూ. 4.75 లక్షల నుంచి ప్రారంభమవుతున్నాయి. ఇండియాలో టాప్ 5 చౌకైన ఆటోమేటిక్ కార్ల గురించి ఇప్పుడు తెలుసుకునే ప్రయత్నం చేద్దాం

⦿ మారుతి సుజుకి S-ప్రెస్సో

మారుతి సుజుకి S-ప్రెస్సో VXi ఆప్ట్ AT దేశంలో అత్యంత సరసమైన ఆటోమేటిక్ కార్లలో ఒకటి. ఇది 65 bhp పవర్ ను అందిస్తుంది. 998cc పెట్రోల్ ఇంజిన్‌తో వస్తుంది. ఆటోమేటిక్ AMT వేరియంట్ ధర దాదాపు రూ. 4.75 లక్షలు(ఎక్స్ షోరూమ్). ఇది పెట్రోల్ వేరియంట్‌ లో  దాదాపు 25 కిలో మీటర్ల మైలేజీ అందిస్తుంది.

⦿ మారుతి సుజుకి ఆల్టో K10  

మారుతి సుజుకి ఆల్టో K10 AGS కూడా చౌక ధరలో అందుబాటులో ఉంది. ఇది 67 bhp పవర్, 90 Nm టార్క్‌ ను ఉత్పత్తి చేస్తుంది. 998cc పెట్రోల్ ఇంజిన్‌ ను ఉపయోగిస్తుంది. ఆటోమేటిక్ AGS వేరియంట్ ధర సుమారు రూ. 4.95–రూ. 5.6 లక్షలు (ఎక్స్-షోరూమ్) ఉంటుంది. ఇది పెట్రోల్ వేరియంట్‌ లో లీటర్‌కు 24.9 కి.మీ మైలేజీ అందిస్తుంది.

⦿ రెనాల్ట్ క్విడ్ 1.0

రెనాల్ట్ క్విడ్ 1.0 AMT తక్కువ ధరకు SUV స్టైల్ డిజైన్‌ ను కలిగి ఉంటుంది. ఇది 69 hp పవర్ ను ఉత్పత్తి చేసే 999cc 1.0-లీటర్ పెట్రోల్ ఇంజిన్‌ ను కలిగి ఉంటుంది. 5 స్పీడ్ AMT గేర్‌ బాక్స్‌ తో వస్తుంది. ఆటోమేటిక్ వేరియంట్ ధర సుమారు రూ. 5–రూ. 5.99 లక్షలు (ఎక్స్-షోరూమ్) ఉంటుంది. పెట్రో వెర్షన్ కారు, లీటర్‌కు 22 కి.మీ మైలేజ్ అందిస్తుంది.

⦿ మారుతి సుజుకి సెలెరియో  

మారుతి సుజుకి సెలెరియో VXI AMT  మంచి మైలేజ్, స్మూత్ డ్రైవింగ్ కు అనుకూలంగా ఉంటుంది. ఇది 68 hp పవర్, 91 Nm టార్క్ ఉత్పత్తి చేసే 998cc పెట్రోల్ ఇంజిన్‌ ను కలిగి ఉంది. ఆటోమేటిక్ వేరియంట్ ధర దాదాపు రూ. 5.60 లక్షలు (ఎక్స్-షోరూమ్) ఉంటుంది. ఇది దాదాపు 26.6 kmpl మైలేజీని అందిస్తుంది.

Read Also:  రోజు వారీ ప్రయాణాలకు బెస్ట్ ఎలక్ట్రిక్ కార్లు, టాప్ 5లో మీ ఛాయిస్ ఏంటి?

⦿ టాటా టియాగో  

టాటా టియాగో XTA AMT కూడా ఈ లిస్టులో ఉంది. ఇది దాదాపు 86 hp పవర్ ఉత్పత్తి చేసే 1.2-లీటర్ పెట్రోల్ ఇంజిన్‌ తో వస్తుంది. XTA AMT ఆటోమేటిక్ వేరియంట్ ధర దాదాపు రూ. 6.8–రూ. 7 లక్షలు (ఎక్స్-షోరూమ్) ఉంటుంది. ఇది దాదాపు 19–20 కిలో మీటర్ల మైలేజీ అందిస్తుంది.

Read Also: కారు విండోస్ ఓపెన్ చేసి కారు నడిపితే తక్కువ పెట్రోల్ ఖర్చవుతుందా? ఏసీతో నడిపితేనా?

Share

• 
• 
• 
• 
• 
•