ఏ వేప చెట్టు పడితే అది వాడరు! పూరీ జగన్నాథుడి రథాల కోసం చెట్లను ఎలా.. వెతుకుతారో తెలుసా?

Mysteries of Puri Jagannath temple: పూరీ జగన్నాథుడి రథయాత్ర అనగానే మనకు ఆకాశమంత ఎత్తున్న మూడు రథాలు, వాటిని లాగే లక్షలాది మంది భక్తులు గుర్తుకువస్తారు. అయితే ఈ రథాలను ప్రతి ఏటా కొత్తగా, కేవలం పవిత్రమైన వేప చెక్కలతోనే తయారు చేస్తారనే విషయం మీకు తెలుసా? ఈ చెక్కలను ఇక్కడ ‘దారు’ లేదా ‘దారు బ్రహ్మ’ అని పిలుస్తారు. కానీ.. రోడ్డు పక్కన ఉండే ఏ వేప చెట్టు పడితే ఆ చెట్టును ఈ రథాల కోసం అస్సలు వాడరు. రథాల తయారీకి వాడే వేప చెట్టుకు కొన్ని నమ్మశక్యం కాని లక్షణాలు, కఠినమైన నియమాలు ఉంటాయి. ఆ షాకింగ్ నిజాలు ఏంటో ఇప్పుడు తెలుసుకుందాం.

జగన్నాథుడి రథం కోసం వేప చెట్టు ఎంపిక-షాకింగ్ నిజాలు:

పూరీ జగన్నాథ ఆలయ సాంప్రదాయం ప్రకారం రథాల తయారీకి వాడే వేప చెట్టును వెతకడం ఒక పెద్ద యజ్ఞం లాంటిది. దీనిని ‘బనజాగ యాత్ర’ అని పిలుస్తారు. ఆలయ పూజారులు, సేవకులు గుంపులుగా ఏర్పడి ఒరిస్సాలోని అడవులు, గ్రామాలలో కాలినడకన తిరుగుతూ ఈ ప్రత్యేకమైన వేప చెట్ల కోసం వెతుకుతారు. ఈ వేప చెట్టు దొరకడం అనేది సాధారణ విషయం కాదు. ఎందుకంటే ఆ చెట్టుకు కొన్ని దైవిక లక్షణాలు ఉంటేనే దానిని రథాల తయారీకి లేదా విగ్రహాల తయారీకి అర్హమైనదిగా గుర్తిస్తారు.

మొదటి షాకింగ్ నిజం ఏంటంటే.. ఆ వేప చెట్టుపై ఖచ్చితంగా దైవిక గుర్తులు ఉండాలి. పూజారులు వెతికే వేప చెట్టు కాండం మీద సహజసిద్ధంగా ఏర్పడిన శంఖు, చక్రం, గద, పద్మం వంటి మహావిష్ణువు ఆయుధాల గుర్తులు ఉండాలి. ఈ గుర్తులు చెట్టు తొర్రలలోనో లేదా బెరడు పైనో స్పష్టంగా కనిపించాలి. ఇలాంటి గుర్తులు ఉన్న చెట్టును చూసినప్పుడే అది సాక్షాత్తూ జగన్నాథుడి లీలగా భావిస్తారు.

రెండవ వింతైన విషయం.. ఆ చెట్టుకు రక్షణగా పాములు ఉండటం. అవును, రథాల కోసం ఎంపిక చేసే వేప చెట్టు మొదలు వద్ద లేదా ఆ చెట్టు కొమ్మల పైన కనీసం ఒక నాగుపాము అయినా నివసిస్తూ ఉండాలి. ఆ పాము ఆ చెట్టును కాపాడుతున్నట్టుగా ఉంటుంది. అలాగే.. ఆ చెట్టు పక్కన శ్మశానం గానీ, లేదా ఏదైనా శివాలయం గానీ ఉండటం మరో ముఖ్యమైన రూల్. ఇవన్నీ వినడానికి కథల్లా అనిపించినా, ఇప్పటికీ పూరీ పూజారులు ఇలాంటి లక్షణాలు ఉన్న చెట్లనే వెతికి పట్టుకుంటారు.

మూడవ నియమం ఏంటంటే.. ఆ చెట్టు చాలా పవిత్రంగా, స్వచ్ఛంగా ఉండాలి. ఆ వేప చెట్టుకు ఎలాంటి పక్షుల గూళ్లు ఉండకూడదు. పక్షులు రెట్టలు వేసి అపవిత్రం చేసిన చెట్లను రథాల కోసం అస్సలు వాడరు. అలాగే ఆ చెట్టుపై ఎప్పుడూ పిడుగు పడి ఉండకూడదు. ఎలాంటి చీడపీడలు లేకుండా కాండం చాలా బలంగా, నిటారుగా ఉండాలి. చెట్టు చుట్టుపక్కల వాతావరణం కూడా చాలా ప్రశాంతంగా ఉండాలి.

Also Read: అక్కడ పై కుండలోని అన్నం ముందెందుకు ఉడుకుతుంది? పూరీ జగన్నాథుడి వంటగది మిస్టరీ!

ఇలాంటి లక్షణాలు.. ఉన్న వేప చెట్టు దొరికిన తర్వాత, పూజారులు ఆ చెట్టుకు ప్రత్యేక పూజలు నిర్వహిస్తారు. ఆ తర్వాతే ఆ చెట్టును నరకడానికి అనుమతి ఉంటుంది. ఇక్కడ మరో ఆశ్చర్యకరమైన విషయం ఏంటంటే.. ఈ చెట్టును నరకడానికి సాధారణ గొడ్డళ్లను వాడరు. కేవలం బంగారం, వెండి , రాగితో చేసిన ప్రత్యేకమైన గొడ్డళ్లను మాత్రమే ఉపయోగిస్తారు. చెట్టును నరికిన తర్వాత ఆ పవిత్రమైన కలపను ప్రత్యేకంగా అలంకరించిన ఎడ్ల బండ్లపై ఉంచి, మంగళవాయిద్యాల నడుమ పూరీ ఆలయానికి తరలిస్తారు.

చూశారుగా.. పూరీ జగన్నాథుడి రథాల కోసం వాడే వేప చెట్టు వెనక ఎన్ని ఆశ్చర్యకరమైన ఆచారాలు, రహస్యాలు దాగున్నాయో. వందల ఏళ్ల నాటి ఈ సంప్రదాయాలను పూరీలో ఏమాత్రం మార్చకుండా అలాగే పాటిస్తున్నారు. లాజిక్కులకు అందకపోయినా.. ప్రతి ఏటా ఇలాంటి అద్భుతమైన గుర్తులున్న వేప చెట్లే పూజారులకు దొరకడం భగవంతుడి లీల కాక మరేంటి?