Canada Earthquake: కెనడాలో భారీ భూకంపం.. సునామీ వార్నింగ్‌..?

Canada Earthquake: అలస్కా, కెనడా ప్రాంతంలో భారీ భూప్రకంపనలు చోటుచేసుకున్నాయి. యూఎస్ జియోలాకల్ సర్వే తెలిపిన వివరాల ప్రకారం.. ఆదివారం ఉదయం 6.30 గంటల ప్రాంతంలో భూప్రకంపనలు వచ్చాయి. దీంతో జనాలు భయంతో బయటకు పరుగులు తీశారు. రిక్టర్ స్కేలుపై భూకంప తీవ్రత 7.1 గా నమోదైంది.

అలస్కా, యుకానో సరిహద్దుల్లోని మారు మూల ప్రాంతంలో ఈ ప్రకంపనలు సంభవించాయి. అలస్కాలోని జూనోకు దాదాపు 375 కిలోమీటర్ల దూరంలో భూమి కంపించడంతో ఎటువంటి ప్రాణనష్టం జరగలేదు. పైగా సరిహద్దు ప్రాంతం కావడంతో ఎటువంటి సునామీ హెచ్చరికలు అవసరం లేదని ప్రకటించింది.

రాబోయే గంటల్లో చిన్న స్థాయి ఆఫ్టర్‌షాక్స్ సంభవించే అవకాశం ఉందన్నారు. అందువల్ల ప్రజలు అప్రమత్తంగా ఉండాలని సూచించారు. అత్యవసర సేవా విభాగాలు సిద్ధంగా ఉండాలని ప్రభుత్వం ఆదేశాలు జారీ చేసింది.

ఈ భారీ భూకంపం తర్వాత అదే ప్రాంతంలో 20కి పైగా చిన్న చిన్న ఆఫ్టర్‌షాక్‌లు నమోదయ్యాయి. వాటిలో ఒకటి 5.3 తీవ్రతతో మరోటి 5.0 తీవ్రతతో నమోదు అయ్యాయి. అలాస్కా ఎర్త్‌క్వేక్ సెంటర్ ప్రకారం, ఈ ఆఫ్టర్‌షాక్‌లు ముఖ్యంగా అలాస్కా-కెనడా సరిహద్దు ప్రాంతాన్ని ప్రభావితం చేశాయి.

Share

• 
• 
• 
• 
• 
•