US Refinery Explosion: అమెరికాలోని టెక్సాస్ చమురు రిఫైనరీలో భారీ పేలుడు సంభవించింది. దీంతో ఉవ్వెత్తున మంటలు ఎగిసిపడుతున్నాయి. దీంతో ఆ ప్రాంతమంతా దట్టమైన పొగలు అలముకున్నాయి. పరిస్థితిని అదుపులోకి తీసుకురావడానికి అగ్నిమాపక సిబ్బంది, అత్యవసర సహాయక బృందాలు రంగంలోకి దించారు. అసలేం జరిగింది?
అమెరికా చమురు రిఫైనరీలో భారీ పేలుడు
ఇరాన్ యుద్ధం నేపథ్యంలో చమురు ధరలు ఆకాశాన్ని తాకాయి. ఈలోగా చమురు రిఫైనరీలో పేలుడు ఒక్కసారిగా అమెరికాకు కునుకుపట్టడం లేదు. టెక్సాస్లోని పోర్ట్ ఆర్థర్ ప్రాంతంలో ఉన్న రిఫైనరీలో పేలుడు సంభవించింది. హీటర్ పేలడం వల్ల భారీగా మంటలు ఎగిసిపడ్డాయి. దీంతో ఆ ప్రాంతమంతా దట్టమైన పొగ అలముకోవడంతో ప్రజలు బెంబేలెత్తిపోయారు.
సోమవారం సాయంత్రం దాటిన తర్వాత ఈ ఘటన జరిగినట్టు అక్కడి మీడియాలో కథనాలు వస్తున్నాయి. పేలుడు ధాటికి సమీపంలోని ఇళ్లు కంపించాయి. ఘటన జరిగిన వెంటనే అగ్నిమాపక సిబ్బంది, అత్యవసర సహాయక బృందాలు రంగంలోకి దిగాయి. మంటలను అదుపులోకి తీసుకొచ్చే ప్రయత్నం చేశారు. ఈ ఘటనలో ఎవరూ గాయపడలేదని స్థానిక మీడియా చెబుతోంది.
సహాయక చర్యలు ముమ్మరం.. అమెరికాలో అతి పెద్ద రిఫైనరీ
ఇదిలాఉండగా ప్లాంట్ లోకి విషపూరిత పదార్థాలు విడుదలయ్యాయో లేదో నిర్ధారించడానికి అధికారులు గాలి నాణ్యతను పరిశీలిస్తున్నారు. తదుపరి ఆదేశాలు ఇచ్చేవరకు సమీపంలోని ప్రజలంతా ఇళ్లలో ఉండాలని హెచ్చరికలు జారీ చేశారు. అమెరికాలోని అతిపెద్ద రిఫైనరీలలో ఇది కూడా ఒకటి.
టెక్సాస్ గల్ఫ్ కోస్ట్లో వాలెరో పోర్ట్ ఆర్థర్ రిఫైనరీ.. హెవీ సోర్ క్రూడ్ ఆయిల్ నుండి రోజుకు 435,000 బ్యారెళ్ల గ్యాసోలిన్, డీజిల్, జెట్ ఫ్యూయల్ చమురును శుద్ధి చేస్తుంది. అంతటి కీలకమైన రిఫైనరీ కేంద్రంలో కార్యకలాపాలు నిలిచిపోతే ఇంధన సరఫరాపై తీవ్ర పరిణామాలు ఉంటాయని భావిస్తున్నారు. ఈ ఘటన గురించి మరింత సమాచారం తెలియాల్సివుంది.
ALSO READ: ఘోర విమాన ప్రమాదం.. ఎయిర్ ఫోర్స్ విమానం కుప్పకూలి 100 మంది మృతి?
Sheriff says no injuries reported after explosion and fire at Valero refinery in Port Arthur, Texas.
— AZ Intel (@AZ_Intel_) March 24, 2026
Share
Rajinikanth Praise Dhurandhar 2: రజనీకాంత్ ప్రశంసకు ఆదిత్యధర్ ఎమోషనల్ రిప్లై.. గురువు నుంచి ఇలా..
Rinku Singh Job: కాబోయే భార్య లాబీయింగ్...రింకూ సింగ్కు ప్రభుత్వ ఉద్యోగం, జీతం ఎంతంటే !
