UK Mass Stabbings: నార్త్-వెస్ట్ ఇంగ్లాండ్ సౌత్ పోర్టులో దారుణం చోటుచేసుకుంది. స్థానికంగా ఉన్న ఓ కమ్యూనిటీ సెంటర్లో గుర్తుతెలియని వ్యక్తి పలువురిపై కత్తితో దాడి చేశాడు. ఈ ఘటనలో ముగ్గురు చిన్నారులు మృతి చెందారు. అంతే కాకుండా 9 మంది తీవ్రంగా గాయపడ్డట్లు తెలుస్తోంది. వారిలో పలువురు పరిస్థితి విషమంగా ఉన్నట్లు సమాచారం.వేల్స్‌కు చెందిన 17 ఏళ్ల నిందితుడిని అరెస్ట్ చేసిన పోలీసులు అతడి వద్ద నుంచి కత్తిని స్వాధీనం చేసుకున్నారు.
సోమవారం హార్ట్ స్ట్రీట్‌లోని టైన్ హార్ట్ సెంటర్లో జరిగిన డ్యాన్స్ ప్రోగ్రామ్‌కు హాజరైన వారిపై ఉన్మాది దాడి చేశాడు. స్థానికుల సమాచారంతో ఘటనా స్థలానికి చేరుకున్న పోలీసులు బాధితులను వివిధ ఆసుపత్రులకు తరలించారు. ఇది ఉగ్రదాడి కాకపోవచ్చని పోలీసులు భావిస్తున్నారు. ఘటనపై కేసు నమోదు చేసుకున్న పోలీసులు దర్యాప్తు చేస్తున్నారు. ఈ ఘటనపై బ్రిటన్ కాజు కింగ్ చార్లెస్, క్వీన్ కెమిల్లాతో పాటు ప్రధాని కీయర్ స్టార్మర్ తీవ్ర విచారం వ్యక్తం చేశారు. బాధితుల కుటుంబాలకు సానుభూతి తెలిపారు.
Share
Chiranjeevi: గద్దర్ అవార్డ్స్.. సీఎం రేవంత్ రెడ్డి వ్యాఖ్యలపై స్పందించిన చిరు
Who is Manu Bhaker?: ఈ మనుబాకర్ ఎవరు?
