Japan : స్పేస్ పరిశోధనలు చేయడం అంత సులభం కాదు. అందులోనూ ఒక శాటిలైట్‌ను ఆకాశంలోకి పంపించాలంటే ఆస్ట్రానాట్స్ ఎన్నో ఏళ్లు కష్టపడతారు. ఆ పరిశోధనల విషయంలో అంచనా కొంచెం తప్పినా కూడా అది పూర్తి దేశానికి భారీ నష్టాన్ని మిగిల్చే అవకాశం ఉంటుంది. జపాన్ కూడా అన్ని జాగ్రత్తలు తీసుకొని ఒక రాకెట్‌ను లాంచ్ చేయాలనుకుంది. కానీ చివరి నిమిషంలో అంతా మారిపోయింది.
తాజాగా జపాన్ స్పేస్ ఏజెన్సీ ఒక కొత్త హెచ్3 రాకెట్ లాంచ్‌కు సిద్ధమయ్యింది. కానీ లాంచ్‌కు కొద్ది క్షణాల ముందే తమ లాంచ్‌ను తామే ధ్వంసం చేయాల్సిన పరిస్థితి ఏర్పడింది. రెండు దశాబ్దాలుగా జపాన్ నుండి ఒక్క రాకెట్ లాంచ్ కూడా జరగలేదు. ఇన్నాళ్లకు లాంచ్ చేయాలనుకున్న ఈ రాకెట్ ఇగ్నిషన్ చివరి క్షణంలో ఫెయిల్ అవ్వడంతో జపాన్ ఈ నిర్ణయం తీసుకోవాల్సి వచ్చింది.
జపాన్ లాంచ్ చేయాలనుకున్న ఈ రాకెట్‌లో అడ్వాన్స్‌డ్ ల్యాండ్ అబ్జర్వేషన్ శాటిలైట్ (ఆలోస్ 3) పొందుపరిచి ఉంది. ఇది అంతరిక్షం నుండి భూమిని గమనించడానికి, భూమిపైన జరిగే ప్రకృతి వైపరీత్యాలను ముందే గమనించడానికి ఉపయోగపడందని జపాన్ శాస్త్రవేత్తలు తెలిపారు. అంతే కాకుండా ఈ లాంచ్‌లో డిఫెన్స్ మినిస్ట్రీ కూడా ఒక భాగమయ్యింది. మిలిటరీ యాక్టివిటీని గమనిస్తూ ఉండడానికి, మిస్సైల్ లాంచ్ అప్డేట్స్ కోసం ఈ రాకెట్‌లోని ఇన్‌ఫ్రా రెడ్ సెన్సార్‌ను ఉపయోగించాలని డిఫెన్స్ మినిస్ట్రీ అనుకుంది.
ఒకవేళ రాకెట్ లాంచ్ సక్సెస్ అవ్వకపోతే.. ఆలోస్‌ను మరో శాటిలైట్ ద్వారా పంపించాలన్న ముందుజాగ్రత్త కూడా జపాన్ ఆస్ట్రానాట్స్ తీసుకోలేదు. అంతే కాకుండా ఈ రాకెట్‌ను ధ్వంసం చేయకపోతే జరిగే నష్టం గురించి కూడా వారు ఏమీ మాట్లాడలేదు. హెచ్3 రాకెట్ లాంచ్ ఫెయిల్ అవ్వడం ఇది రెండోసారి. ఇప్పటికే ఒక గ్లిచ్ కారణంగా రాకెట్ లాంచ్ ఆగిపోయింది. ఈసారి మరో టెక్నికల్ సమస్య వల్ల రాకెట్‌ను ఏకంగా పేల్చేయాల్సిన పరిస్థితి ఏర్పడింది. ఇది జపాన్‌కు భారీ ఎదురుదెబ్బ అనే చెప్పాలి.
Share
Financial Market : ఫైనాన్షియల్ మార్కెట్‌ను దెబ్బతీస్తున్న ఏఐ.
kavitha: కావాలనే 'ఉమెన్స్ డే'నే కవితకు నోటీసులా? సమాజానికి ఏం మెసేజ్ ఇస్తున్నట్టు?
