No layoffs at Apple : గూగుల్, మైక్రోసాఫ్ట్, ఫేస్ బుక్, ట్విట్టర్, అమెజాన్, సేల్స్‌ఫోర్స్‌… ఇలా దిగ్గజ కంపెనీలన్నీ ఆర్ధిక మాంద్యం భయాలతో వేల మంది ఉద్యోగులను తొలగిస్తున్నాయి. భవిష్యత్తులోనూ ఉద్యోగ కోతలు ఆగవని సంకేతాలిస్తున్నాయి. కానీ… ఒక్క ఆపిల్ మాత్రమే ఇప్పటిదాకా ఒక్క ఉద్యోగినీ తీసేయలేదు… తీసేస్తామని ప్రకటించనూ లేదు. దాంతో… ఇది ఆ కంపెనీకి ఎలా సాధ్యమైందనే చర్చ ప్రపంచవ్యాప్తంగా జరుగుతోంది.
కరోనా సమయంలో చాలా కంపెనీలు… బలమైన వృద్ధిని నమోదు చేశాయి. డిమాండ్ మేరకు ఉద్యోగులను భారీ సంఖ్యలో నియమించుకున్నాయి. నిరుడు జూన్ నాటికి మైక్రోసాఫ్ట్ ఏకంగా 2 లక్షల ఉద్యోగుల్ని నియమించుకుంది. అంతకుముందు ఏడాదితో పోలిస్తే ఇది 11 శాతం ఎక్కువ. ఇక అమెజాన్ 2021లో మూడు లక్షల మందికి కొత్తగా ఉద్యోగాలు ఇచ్చింది. 2020తో పోలిస్తే ఇది 38 శాతం అధికం. 2020, 2021లో ఫేస్ బుక్ మాతృసంస్థ మెటా 13 వేల మందిని నియమించుకోగా, గూగుల్ మాతృసంస్థ ఆల్ఫాబెట్ 2021లో 21 వేల మందికి కొత్తగా జాబ్స్ ఇచ్చింది. ఇలా భారీగా నియామకాలు చేపట్టిన ఆయా కంపెనీలన్నీ… ఆర్థిక మాంద్యాన్ని బూచిగా చూపి ఉద్యోగుల తొలగింపు విషయంలో కఠిన నిర్ణయాలు తీసుకోక తప్పడం లేదని అంటున్నాయి.
ఆపిల్ మాత్రం అన్ని కంపెనీలకు భిన్నంగా వ్యవహరిస్తోంది. కొత్త నియామకాల విషయంలో 2016 నుంచి ఒకే తరహా పద్ధతిని అనుసరిస్తోంది. కరోనా సమయంలో ఇతర కంపెనీలతో పోలిస్తే ఆపిల్ వృద్ధి రేటు తక్కువగా నమోదైంది. అందుకే 2020లో 10 వేల మందిని, 2021లో ఏడు వేల మందిని మాత్రమే ఆపిల్ కొత్తగా నియమించుకుంది. నిరుడు సెప్టెంబరు నాటికి కార్పొరేట్‌, రిటైల్‌ ఉగ్యోగులు కలిపి ఆపిల్ కంపెనీలో 1,64,000 మంది పనిచేస్తున్నారు. అతి తక్కువగా నియామకాలు చేపట్టినందు వల్లే ఆపిల్‌కు ఉద్యోగుల్ని తొలగించాల్సిన అవసరం లేకుండా పోయిందని నిపుణులు చెబుతున్నారు. ఉద్యోగ నియామకాల్లో తొలి నుంచీ ఆపిల్ తెలివైన నిర్ణయాలు తీసుకుంటోందని కొనియాడుతున్నారు.
Follow this link for more updates:- Bigtv
Share
Ronaldo: వంట మనిషి కోసం వెతుకుతున్న రొనాల్డో.. జీతం రూ. 54 లక్షలు!
KCR: కేసీఆర్ కళ్లద్దాల ధర 9 లక్షలా? కంటివెలుగు అద్దాల ధర ఎంతో తెలుసా? ఆఫ్ఘనిస్తాన్ లోనూ యాడ్ ఇచ్చారా?
