Parenting Mistakes| పిల్లలు తప్పులు చేసినప్పుడు తల్లిదండ్రులకు కోపం రావడం సహజం. కానీ ఆ కోపంలో నోటి నుంచి వచ్చే కొన్ని మాటలు పిల్లల మనసుపై చెరగని ముద్ర వేయవచ్చు. తల్లిదండ్రులు కాసేపటికి ఆ విషయాన్ని మర్చిపోయినా, పిల్లలు మాత్రం ఆ మాటలను చాలా కాలం గుర్తుంచుకోవచ్చు.
ముఖ్యంగా చిన్నతనంలో ఎదురయ్యే ఇలాంటి అనుభవాలు వారి ఆత్మవిశ్వాసం, ఆలోచనలు, తల్లిదండ్రులతో ఉండే అనుబంధంపై ప్రభావం చూపవచ్చు. అందుకే పిల్లలను మందలించేటప్పుడు మాటలను జాగ్రత్తగా ఎంచుకోవాలి. మరి, కోపంలో ఉన్నా పిల్లలతో ఎప్పుడూ అనకూడని మూడు మాటలు ఏమిటో తెలుసుకుందాం.
పిల్లలు ఏదైనా పని సరిగ్గా చేయలేకపోయినప్పుడు తల్లిదండ్రులు కొన్నిసార్లు ఈ మాట అంటుంటారు. పిల్లలు తమ తప్పును గుర్తించాలని వారు అలా మాట్లాడవచ్చు. కానీ ఈ మాటలు పిల్లల్లో ఆత్మవిశ్వాసాన్ని తగ్గించే అవకాశం ఉంది. తాము ఏ పనీ సరిగ్గా చేయలేమని పిల్లలు భావించే అవకాశం ఉంటుంది. దీంతో కొత్త విషయాలు నేర్చుకోవడానికి, కష్టమైన పనులను ప్రయత్నించడానికి వారు భయపడవచ్చు. అందుకే పిల్లల సామర్థ్యాన్ని తక్కువ చేసి మాట్లాడకూడదు.
వారి తప్పును వివరించి, మరోసారి ప్రయత్నించేలా ప్రోత్సహించాలి. “ఈసారి పొరపాటు జరిగింది. మరోసారి ప్రయత్నించు” అని చెప్పండి. ఇలా మాట్లాడటం వల్ల పిల్లలు తమ తప్పుల నుంచి నేర్చుకుని ముందుకు సాగుతారు.
తల్లిదండ్రులు ఎంత కోపంగా ఉన్నా పిల్లలతో ఈ మాట అనకూడదు. పిల్లలకు తల్లిదండ్రుల ప్రేమ, భద్రత, ఆదరణ ఎంతో అవసరం. అలాంటి తల్లిదండ్రులే తమను వద్దనుకుంటున్నారని పిల్లలు భావిస్తే తీవ్రంగా బాధపడవచ్చు.
తమను తల్లిదండ్రులు ప్రేమించడం లేదనే భావన వారిలో కలగవచ్చు. చిన్న తప్పు చేసినా తమ ప్రేమను కోల్పోతామనే భయం కూడా కలిగే అవకాశం ఉంది. ఈ అనుభూతులు కుటుంబ సంబంధాలపై ప్రభావం చూపవచ్చు.
పిల్లలు చేసే తప్పును మాత్రమే ప్రశ్నించాలి. వారి ఉనికిని లేదా వ్యక్తిత్వాన్ని కించపరచకూడదు. “నువ్వు చేసిన పని నాకు నచ్చలేదు. కానీ నేను నిన్ను ప్రేమిస్తున్నాను” అని చెప్పడం మంచిది. దీంతో పిల్లలకు తమపై తల్లిదండ్రుల ప్రేమ ఉందనే నమ్మకం కలుగుతుంది.
Also Read: విచిత్ర వేడుక.. జీవితాంతం పెళ్లి వద్దంటూ ప్రేమికుల గ్రాండ్ సెలబ్రేషన్
పిల్లలు ఏదైనా తప్పు చేసినప్పుడు తల్లిదండ్రులు ఈ మాట అనడం వల్ల వారి మనసు గాయపడుతుంది. తల్లిదండ్రులకు తమపై నమ్మకం లేదని పిల్లలు భావించవచ్చు. ఎంత ప్రయత్నించినా తమను నమ్మరనే ఆలోచన కూడా రావచ్చు. దీంతో పిల్లలు తమ సమస్యలను, తప్పులను తల్లిదండ్రులతో పంచుకోవడానికి వెనుకాడవచ్చు. కుటుంబంలో సంభాషణ తగ్గి, అపార్థాలు పెరిగే అవకాశం ఉంటుంది.
అందుకే పిల్లల వ్యక్తిత్వాన్ని విమర్శించకుండా, వారు చేసిన పనిపై మాట్లాడాలి. “నువ్వు ఈ పని సరిగ్గా చేయలేదు. నిజాయితీగా నీ బాధ్యతను నువ్వు నిరూపించుకో. ఏకాగ్రతతో చేయాలి” అని చెప్పండి. ఇలా చెప్పడం వల్ల పిల్లలు తమ తప్పును అర్థం చేసుకుని నమ్మకాన్ని తిరిగి పొందేందుకు ప్రయత్నిస్తారు.
పిల్లల పెంపకంలో ప్రేమతో పాటు సహనం కూడా చాలా అవసరం. కోపం వచ్చినప్పుడు వెంటనే స్పందించకుండా కొద్దిసేపు ప్రశాంతంగా ఉండాలి. పిల్లల తప్పులను సరిదిద్దడం ఎంత ముఖ్యమో, వారి ఆత్మగౌరవాన్ని కాపాడటం కూడా అంతే ముఖ్యం.
Also Read: భారీ ఖర్చు చేశాక పెళ్లి వాయిదా లేదా రద్దు అయిందా.. ఆర్థిక భద్రత కోసం ఇన్సూరెన్స్ ఉందిగా
పిల్లలకు మీ మాటలు మార్గదర్శకంగా ఉండాలి కానీ బాధ కలిగించేలా ఉండకూడదు. ప్రేమగా, అర్థమయ్యేలా మాట్లాడితే వారు తమ తప్పులను సరిదిద్దుకోవడంతో పాటు మీతో మంచి అనుబంధాన్ని కూడా పెంచుకుంటారు.
Share
జైలర్ 2 విలన్ భార్య ఎవరో తెలిస్తే షాక్!
స్మృతి మందానపై కుళ్లుకుంటున్న హర్మన్ప్రీత్ కౌర్...షాకింగ్ వీడియో వైరల్!
