Hair Fall: మీకు ఈ 5 విటమిన్లు లోపం ఉంటే జుట్టు రాలిపోతుంది జాగ్రత్త

జుట్టు రాలడం, పలుచగా మారడం, జుట్టు పెరగకపోవడం వంటి సమస్యలు ఈ రోజుల్లో ఎక్కువ మందిలో కనిపిస్తున్నాయి. చాలా మంది దీనికి ఒత్తిడి, రసాయన షాంపూలు, హెయిర్ స్టైలింగ్ కారణమని భావిస్తారు. కానీ ఆరోగ్య నిపుణులు చెబుతున్న ప్రకారం శరీరంలో కొన్ని ముఖ్యమైన విటమిన్ల లోపం కూడా జుట్టు రాలిపోవడానికి కారణమవుతుంది. మనం తినే ఆహారంలో సరైన పోషకాలు లేకపోతే జుట్టు వేర్లు బలహీనపడతాయి. దీంతో జుట్టు రాలడం ఎక్కువై, కొత్త జుట్టు పెరుగుదల తగ్గిపోతుంది. అందుకే జుట్టు ఆరోగ్యం కోసం మంచి ఆహారం చాలా ముఖ్యమని ఆరోగ్య నిపుణులు సూచిస్తున్నారు.

విటమిన్ ఏ
విటమిన్ A జుట్టు ఆరోగ్యానికి చాలా అవసరం. ఇది తల చర్మాన్ని తేమగా ఉంచే సెబమ్ ఉత్పత్తికి సహాయపడుతుంది. సెబమ్ సరిపడా ఉంటే జుట్టు పొడిబారకుండా ఉంటుంది. కానీ విటమిన్ A తక్కువైనా, ఎక్కువైనా జుట్టు రాలే అవకాశం ఉంటుంది. క్యారెట్, పాలకూర, బంగాళాదుంప వంటి ఆహారాల్లో ఈ విటమిన్ లభిస్తుంది. అలాగే విటమిన్ B7 అంటే బయోటిన్ కూడా జుట్టు పెరుగుదలలో కీలక పాత్ర పోషిస్తుంది. ఇది జుట్టు వేర్లను బలపరుస్తుంది. గుడ్లు, బాదం, విత్తనాలు, అరటి వంటి ఆహారాలు బయోటిన్‌కు మంచి మూలాలు. ఇవి డైట్‌లో ఉంటే జుట్టు బలంగా మారుతుంది.

Also read: Cashew: జీడిపప్పు తింటే బరువు పెరుగుతారా? నిజం తెలుసుకుంటే ఆశ్చర్యపడతారు

విటమిన్ సి
విటమిన్ C కూడా జుట్టుకు చాలా అవసరం. ఇది శరీరంలో ఐరన్ శోషణను పెంచి, జుట్టు బలంగా ఉండటానికి సహాయపడుతుంది. నిమ్మకాయ, ఉసిరి, కివీ, కమలాలు వంటి పండ్లలో విటమిన్ C ఎక్కువగా ఉంటుంది. అలాగే విటమిన్ D లోపం ఉంటే కొత్త జుట్టు పెరగడం తగ్గిపోతుంది. సూర్యరశ్మి ద్వారా ఈ విటమిన్ పొందవచ్చు. చేపలు, పాలు కూడా దీనికి మంచి మూలాలు. మరో ముఖ్యమైనది విటమిన్ B9 (ఫోలిక్ యాసిడ్). ఇది కొత్త కణాల పెరుగుదలకు సహాయపడుతుంది. ఆకుకూరలు, బీన్స్, శనగలు వంటి ఆహారాలు దీన్ని అందిస్తాయి. ఈ విటమిన్లు సరిపడా లేకపోతే జుట్టు పలుచగా మారుతుంది.

Also read: Eggs Eating: రెండు వారాల పాటూ ప్రతిరోజూ గుడ్డు తిని చూడండి, మీలో జరిగే మార్పులు ఇవే

జుట్టు ఆరోగ్యం కేవలం బయట నుంచి ఉపయోగించే ఉత్పత్తులపై ఆధారపడదు. మనం తినే ఆహారమే జుట్టు బలం, పెరుగుదలపై ఎక్కువ ప్రభావం చూపుతుంది. సరైన విటమిన్లు, ఖనిజాలు ఉన్న ఆహారం తీసుకుంటే జుట్టు సమస్యలు చాలా వరకు తగ్గుతాయి. అందుకే ప్రతిరోజూ పండ్లు, కూరగాయలు, ప్రోటీన్ ఉన్న ఆహారం తీసుకోవడం చాలా అవసరం. ఒకవేళ జుట్టు సమస్యలు ఎక్కువగా ఉంటే వైద్యులను సంప్రదించి పరీక్షలు చేయించుకోవడం మంచిది. లోపాలను ముందుగానే గుర్తించి సరిచేస్తే జుట్టు మళ్లీ ఆరోగ్యంగా, దృఢంగా పెరుగుతుంది.