Protein Rich Foods: ఉదయం లేచింది మొదలు రాత్రి పడుకునే వరకు యంత్రంలా పరిగెడుతుంటాం. ఇంటి పనులు, ఆఫీసు టెన్షన్లు వెరసి మనల్ని నిస్సత్తువలోకి నెట్టేస్తుంటాయి. అయితే, ఈ అలసటను పారద్రోలి రోజంతా ఉత్సాహంగా ఉండాలంటే మనం తీసుకునే ఆహారంలో మార్పులు తప్పనిసరి. ముఖ్యంగా శరీరానికి శక్తినిచ్చే ప్రొటీన్ మన డైట్లో ఉంటే.. అలసట అనేదే దరిచేరదు.
ఆఫీసులో గానీ లేదా ఇంకేదైనా పని చేస్తున్నప్పుడు మధ్య మధ్యలో చిరుతిండి తినాలనుకుంటే.. బాదం, పిస్తా, అక్రోట్ వంటి నట్స్ను ఎంచుకోవడం ఉత్తమం. ఇవి కేవలం ఆకలిని తీర్చడమే కాదు, గుండె ఆరోగ్యాన్ని కూడా కాపాడతాయి. అయితే, వీటిలో క్యాలరీలు కాస్త ఎక్కువ కాబట్టి.. వీటిని మితంగా తీసుకోవాలి. అలాగే సలాడ్లు లేదా కూరల్లో వీటిని కలిపి తీసుకుంటే రుచితో పాటు శక్తి కూడా అందుతుంది.
Also Read: బిగినర్స్ కోసం బెస్ట్ టిప్స్.. మీ జిమ్ బ్యాగులో ఈ వస్తువులు ఉండేలా చూసుకోండి!
కండరాల పుష్టికి పాలు, పాల పదార్థాలు మేటి అని చెప్పొచ్చు. ఇవి రక్తపోటును అదుపులో ఉంచడానికీ సహాయపడతాయి. అయితే అధిక బరువు పెరగకుండా ఉండాలంటే ఫ్యాట్ తక్కువగా ఉండే పాల ఉత్పత్తులను ఎంచుకోవడం మంచిది. లేదంటే.. ప్రొటీన్లతో పాటు కొవ్వు పదార్థాలు కూడా శరీరంలో నిల్వ ఉండే ఆస్కారం ఉంటుంది.
శాకాహారులు సోయాబీన్స్ , సోయా పాలు లేదా టోఫూ తీసుకుంటే శరీరానికి మంచి ప్రొటీన్ అందుతుంది. వీటితో పాటు బఠాణీలు, బీన్స్, రాజ్మా వంటి చిక్కుడు జాతి గింజలను కూడా ఆహారంలో చేర్చుకోవచ్చు. కూరగాయల ద్వారా అందే సహజమైన ప్రొటీన్ మనల్ని రోజంతా ఉత్సాహంగా ఉంచుతుంది.
చేపల్లో ఉండే ఒమేగా-3 ఫ్యాటీ యాసిడ్లు గుండెకు ఎంతో మేలు చేస్తాయి. ఇక చికెన్, మటన్ వంటి మాంసాహారం ప్రొటీన్లకు కేరాఫ్ అడ్రస్ అయినప్పటికీ, వాటిలో కొవ్వు శాతం ఎక్కువగా ఉంటుంది కాబట్టి.. తక్కువగా తీసుకోవాలి. గుడ్లు కూడా మంచి ఆహారమే, కానీ గుండె జబ్బులు లేదా కొలెస్ట్రాల్ సమస్యలు ఉన్నవారు మాత్రం డాక్టర్ సలహా తీసుకోవడం మర్చిపోవద్దు.
Also Read: డల్ స్కిన్తో విసిగిపోయారా? పెరుగులో వీటిని కలిపి వాడితే చర్మం నిగారిస్తుంది!
Share
Actor Satyadev: గాయపడ్డ హీరో సత్యదేవ్.. నేడే సర్జరీ!
Vemulawada: పాపం.. కదిలిస్తే కన్నీళ్లే, వేములవాడలో యాచకులుగా మారిన ఎడ్యుకేటెడ్ కపుల్స్
