బటర్ఫ్లై యోగా పోజ్ చాలా సులభమైన, ప్రభావవంతమైన స్ట్రెచింగ్ వ్యాయామం. ఈ యోగా భంగిమ శరీరం దిగువ భాగం సౌకర్యాన్ని (ఫ్లెక్సిబిలిటీ) పెంచి, గట్టిబడిన కండరాలను రిలాక్స్ చేస్తుంది. హార్మోన్ల అసమతుల్యత వల్ల మహిళల్లో పిసిఒడి సమస్య వస్తుంది. దీని వల్ల నొప్పి, సరైన సమయానికి పీరియడ్స్ రావడం, బరువు పెరగడం లాంటి సమస్యలు వస్తాయి. కండరాల నొప్పి, పిసిఒడి సమస్యలకు యోగా మంచి పరిష్కారం అని నిపుణులు సూచిస్తున్నారు.
యోగాలో బటర్ఫ్లై పోజ్ ప్రధానంగా తుంటి, తొడలు, పెల్విక్ ప్రాంతం, వీపు దిగువ భాగాన్ని లక్ష్యంగా చేసుకుంటుంది. క్రమం తప్పకుండా చేస్తే రక్త ప్రసరణ మెరుగుపడి, శరీరం సౌకర్యం పెరుగుతుంది.
బటర్ఫ్లై పోజ్ను యోగాలో బద్ధ కోణాసనం అని అంటారు. ఈ భంగిమలో రెండు పాదాల అడుగులు ఒకదానితో ఒకటి తాకుతూ, మోకాళ్లు బయటకు విచ్చుకుంటాయి. ఈ కదలిక సీతాకోక చిలుక రెక్కల్లా కనిపించడం వల్ల ఈ పేరు వచ్చింది. ఇది చాలా సులభం కాబట్టి బిగినర్స్ కూడా ప్రతి రోజూ చేయవచ్చు.
యోగా మ్యాట్ మీద సౌకర్యంగా కూర్చోండి. కాళ్లు ముందుకు చాపి, వీపు నిటారుగా ఉంచండి. నెమ్మదిగా రెండు మోకాళ్లు వంచి, పాదాల అడుగులు ఒకదానితో ఒకటి అతికించండి. పాదాలను శరీరం వైపు లాగండి. రెండు చేతులతో పాదాలను పట్టుకోండి. ఇప్పుడు మోకాళ్లను సీతాకోక చిలుక రెక్కల్లా పైకి కిందకి కదపండి. 1-2 నిమిషాలు ఈ విధంగా చేయండి. సాధారణంగా శ్వాస తీసుకోండి. మోకాళ్లపై ఎక్కువ ఒత్తిడి పెట్టకండి. కదలకుండా కూడా ఈ భంగిమలో కూర్చోవచ్చు.
బటర్ఫ్లై పోజ్ ప్రధానంగా తుంటి కండరాలు, తొడల లోపలి భాగాన్ని టార్గెట్ చేస్తుంది. ఎక్కువసేపు కూర్చునే వారికి తుంటి గట్టిబడుతుంది. ఈ పోజ్ తుంటిని సులభంగా స్ట్రెచ్ చేసి గట్టిబడి కండరాలను రిలాక్స్ చేస్తుంది. క్రమం తప్పకుండా చేస్తే పెల్విక్ ప్రాంతం సౌకర్యం పెరుగుతుంది.
ఈ భంగిమ తొడల లోపలి కండరాలను స్ట్రెచ్ చేసి, పెల్విక్ ప్రాంతంలో రక్త ప్రసరణను మెరుగుపరుస్తుంది. ఇది కండరాలను రిలాక్స్ చేసి, భంగిమను సరిచేస్తుంది.
పిసిఒడి సమస్యలున్న మహిళలకు యోగా నిపుణులు బటర్ఫ్లై పోజ్ను సూచిస్తారు. ఇది పునరుత్పత్తి అవయవాల చుట్టూ రక్త ప్రసరణను మెరుగుపరుస్తుంది. స్ట్రెస్ హార్మోన్ల అసమతుల్యతను తగ్గించి, మనసును శాంతపరుస్తుంది. అయితే యోగా మాత్రమే పిసిఒడిని పూర్తిగా నయం చేయదు. ఆరోగ్యకర ఆహారం, వైద్య సలహా అవసరం.
తుంటి భాగంలో కండరాలు బిగుసుకుపోతే వాటిని రిలాక్స్ చేయడం ద్వారా వీపు దిగువ భాగంలో కూడా ఒత్తిడి తగ్గుతుంది. డెస్క్ ఉద్యోగులకు ఇది చాలా ఉపయోగకరం.
Also Read: నీళ్లు లేకుండానే స్నానం చేస్తున్న ఆ దేశ ప్రజలు.. క్లీన్గా ఎలా ఉంటున్నారో తెలుసా?
ఈ పోజ్ వీపును నిటారుగా ఉంచడానికి సహాయపడుతుంది. మంచి భంగిమ శరీర సమతుల్యతను పెంచి, ఆత్మవిశ్వాసాన్ని ఇస్తుంది.
పోజ్ను నెమ్మదిగా చేయండి. మోకాళ్లపై బలవంతంగా ఒత్తిడి పెట్టకండి. మోకాలి సమస్య ఉన్నవారు యోగా ట్రైనర్ సలహా తీసుకోవాలి. గర్భిణీలు డాక్టర్ సలహా మేరకు చేయాలి.
బటర్ఫ్లై పోజ్ సులభమైన యోగా వ్యాయామం. ఇది తుంటి, తొడలు, పెల్విక్ ప్రాంతం, వీపు కండరాలను బలపరుస్తుంది. పిసిఒడి ఉన్న మహిళలకు సహాయకరంగా ఉంటుంది. క్రమం తప్పకుండా, సరైన భంగిమతో చేస్తే మంచి ఫలితాలు వస్తాయి.
Share
సమ్మర్లో ఏసీ వాడుతున్నారా ? ఇవి తెలుసుకోకపోతే ప్రమాదమే..
Sonia Gandhi: ఆసుపత్రిలో సోనియాగాంధీ.. ఏం జరిగిందంటూ నేతలు, కార్యకర్తలు ఆరా
