Green Tea vs Black Coffee| చాలామందికి ఉదయం లేవగానే గ్రీన్ టీ, బ్లాక్ కాఫీ తాగే అలవాటు ఉంటుంది. రెండు హెల్త్ డ్రింక్స్లో కూడా కేలరీలు చాలా తక్కువ, బరువు తగ్గడానికి ఉపయోగపడతాయి. జీర్ణక్రియ, జీవక్రియకు కూడా మెరుగుపడుతుంది. అయితే ఈ రెండు డ్రింక్స్ కూడా శరీరంలో భిన్నంగా పనిచేస్తాయి. ఈ తేడాలను అర్థం చేసుకోవడం మీకు సరైన ఆప్షన్ ఎంచుకోవడానికి సహాయపడుతుంది.
గ్రీన్ టీలో కేటిచిన్స్ అనే యాంటీఆక్సిడెంట్లు ఉంటాయి. ఇందులోని EGCG అనే కాంపౌండ్.. కొవ్వును విచ్ఛిన్నం చేస్తుంది. ఇది ఆలస్యంగా కానీ స్థిరమైన ఫలితాలను ఇస్తుంది. గ్రీన్ టీలో చిన్న మోతాదులో ఉన్న కెఫీన్, స్థిరమైన శక్తినిస్తుంది.
గ్రీన్ టీ తాగిన తరువాత కడుపు తేలికగా ఉంటుంది. జీర్ణక్రియను మెరుగుపరుస్తుంది. ప్రేగుల్లో మంచి బ్యాక్టీరియా బ్యాలెన్స్ పెంచుతుంది. ఇందులోని ఎల్-థియనైన్ అనే కాంపౌండ్.. మానసిక ప్రశాంతత పెంచి, ఒత్తిడి వల్ల కలిగే జీర్ణ సమస్యలను తగ్గిస్తుంది.
బ్లాక్ కాఫీలో ఎక్కువ కెఫీన్ ఉంటుంది. కెఫీన్ జీవక్రియను వేగంగా పెంచి, కేలరీలను త్వరగా బర్న్ చేస్తుంది. వ్యాయామానికి ముందు తాగితే అడ్రినలిన్ విడుదలై, ఫర్ఫామెన్స్ కూడా మెరుగవుతుంది. కాఫీ కొద్దిసేపు ఆకలిని అణచివేస్తుంది.
బ్లాక్ కాఫీ జీర్ణక్రియను ఉత్తేజపరుస్తుంది, కానీ కొందరికీ సమస్యగా మారవచ్చు. ఎక్కువ కెఫీన్ వల్ల యాసిడ్, కడుపు నొప్పి రావచ్చు. అతిగా తాగితే ఒత్తిడి హార్మోన్లు పెరుగుతాయి. పరిమిత మోతాదులో తాగితే ఎనర్జీ, జీర్ణక్రియకు మంచిదే.
గ్రీన్ టీ ఆలస్యంగా పనిచేస్తుంది. దీర్ఘకాలిక ప్రయోజనాలు ఇస్తుంది. ఇది ఒత్తిడిని తగ్గిస్తుంది. బ్లాక్ కాఫీ వేగంగా పనిచేస్తుంది, బలమైన శక్తినిస్తుంది. కానీ ఎక్కువ కాఫీ నిద్ర, ఒత్తిడిపై ప్రభావం చూపిస్తుంది.
Also Read: వేసవిలో పానీపురీ, ఫ్రైడ్ రైస్, నూడుల్స్ తింటున్నారా? జాగ్రత్త డాక్టర్లు ఏం చెబుతున్నారంటే
దీర్ఘకాలికంగా చూస్తే గ్రీన్ టీ కొంచెం బెటర్ ఆప్షన్. ఇది శరీరంపై ఒత్తిడి లేకుండా కొవ్వును కరిగిస్తుంది. కెఫీన్ సెన్సిటివ్ సమస్య ఉన్నవారికి గ్రీన్ టీ సురక్షితం. బ్లాక్ కాఫీ త్వరిత ఫలితాలు కావాలనుకునే వారికి, వ్యాయామం చేసేవారికి మంచిది.
మీరు రెండు పానీయాలను కలిపి తాగవచ్చు. పగలు గ్రీన్ టీ తాగండి. ఉదయం లేదా వ్యాయామానికి ముందు బ్లాక్ కాఫీ తాగండి. చక్కెర, పాలు, ఏమీ కలపకండి. సరైన మోతాదు, సమయం చాలా ముఖ్యం.
Share
'స్క్విడ్ గేమ్' ను మించిన అరాచకం... ప్రపంచాన్ని వణికించిన జపాన్ మూవీ
కల్తీ మాఫియాపై హైదరాబాద్ పోలీసుల సంచలన నిర్ణయం!
