Summer Street food Safety| చాలామంది రుచి కోసం.. స్ట్రీట్ ఫుడ్ (రోడ్డుపై లభించే ఆహారం) తినడానికి ఇష్టపడతారు. అయితే, వేసవిలో చైనీస్ ఫాస్ట్ ఫుడ్, పానీపురీ తినడం ఆరోగ్యానికి ప్రమాదకరంగా మారవచ్చు. ఉష్ణోగ్రతలు అధికంగా ఉండడం వల్ల ఆహారం త్వరగా చెడిపోయి, ఇన్ఫెక్షన్లు వచ్చే అవకాశాలు పెరిగిపోతాయి. బెంగుళూరు అపోలో క్లినిక్లో జెనెరల్ ఫిజీషియన్ గా పనిచేస్తున్న డాక్టర్ శిల్పా బాగల్కోట్కర్ ప్రకారం.. ఈ ప్రమాదాలను అర్థం చేసుకోవడం, సేఫ్టీ టిప్స్ పాటించడం ఆరోగ్యంగా ఉండటానికి చాలా ముఖ్యం.
వేసవిలో వేడి వలన బ్యాక్టీరియా చాలా త్వరగా పెరుగుతుంది. సాల్మొనెల్లా, ఇ కోలి వంటి వంటి బ్యాక్టీరియా వెచ్చని వాతావరణంలో విజృంభిస్తాయి. ఎక్కువసేపు బయట ఉంచిన ఆహారం తినడం అనారోగ్యానికి దారితీస్తుంది. దీనివల్ల ఫుడ్ పాయిజనింగ్ జరిగి, కడుపులో ఇన్ఫెక్షన్లు వచ్చే ప్రమాదం ఉంది.
కడుపునొప్పి, వాంతులు, విరేచనాలు సాధారణ సమస్యలు. కొన్నిసార్లు జ్వరం, శరీరంలో నీరు తగ్గిపోవడం కూడా రావచ్చు. సరైన చికిత్స లేకపోతే ఇవి తీవ్రమవుతాయి.
స్ట్రీడ్ ఫుడ్ విక్రయించే చాలామంది వీధి వ్యాపారులు పరిశుభ్రత పాటించరు. వంటచేసేవారు మురికి నీరు, మురికి పాత్రలు ఉపయోగిస్తున్నారని చాలా సార్లు ఫిర్యాదులు అందాయి. వండిన తరువాత ఆహారం బయట పెడతారు. దీని వల్ల ఇందులో దుమ్ము పడడం, ఈగల వాలడం జరుగుతుంది. ఈ కారణంగా ఆ ఆహారం తిన్నవారు అనారోగ్యం పాలవుతారు.
వేసవిలో కట్ చేసిన పండ్లు, ఫ్రూట్ జ్యూస్లు తాగడానికి చాలా మంది ఇష్టపడతారు. కానీ వీటిని సరిగా కప్పి ఉంచరు. ఈ కారణంగా అందులో బ్యాక్టీరియా అంటుకుంటుంది. కలుషిత నీరు లేదా అందులో ఐస్ వేయడం వల్ల ఇన్ఫెక్షన్ రావచ్చు.
వేడిగా ఆహారంలో చాలావరకు బ్యాక్టీరియా చనిపోతుంది. గంటల తరబడి రూం టెంపరేచర్లో ఉన్న ఆహారం మానేయండి. తాజాగా వండిన ఆహారమే ఎప్పుడూ సురక్షితమైన ఆప్షన్.
జాగ్రత్తలు తీసుకున్నా కొన్నిసార్లు అనారోగ్యం రావచ్చు. కడుపు నొప్పి, వాంతులు లాంటి సంకేతాలు కనిపిస్తే వెంటనే
సరైన చికిత్స అవసరం. ఎక్కువ నీరు తాగండి, విశ్రాంతి తీసుకోండి.
Also Read: వేసవిలో ఎనర్జీ డ్రింక్స్ తాగుతున్నారా? ఈ ప్రమాదం పొంచిఉన్నట్లే.. హెచ్చరిస్తున్న డాక్టర్లు
వేసవిలో స్ట్రీడ్ ఫుడ్ వల్ల కలిగే అనారోగ్యం గురించి చాలామంది నిర్లక్ష్యం చేస్తారు. కానీ వేడి వాతావరణంలో ఇన్ఫెక్షన్లు విపరీతంగా పెరిగిపోతాయి. చిన్న జాగ్రత్తలతో పెద్ద ఆరోగ్య సమస్యలను నివారించవచ్చు.
Share
నరరూప రాక్షసుడు.. రెండ్రోజుల్లో 2 అత్యాచారాలు, ఒక హత్య.. బాధితుల్లో IRS అధికారి కుమార్తె!
పుస్తకాలకు బ్రేక్.. ఆటలకు ఫుల్ జోష్.. వేసవి సెలవుల్లో చిన్నారుల హంగామా!
