Fruit Juice Harmful| ఆరోగ్యానికి పండ్లు, కూరగాయలు ఎంతో మేలు చేస్తాయి. అందుకే వేసవిలో అందరూ ఫ్రూట్ జ్యూస్ తాగడానికి ఇష్టపడతారు. ఇందులోని పోషకాలు త్వరగా రిఫ్రెష్‌మెంట్ అందిస్తాయి. ఈ కారణంగానే చాలా మంది ప్రతి రోజు ఫ్రూట్ జ్యూస్ తాగుతారు. అయితే ఫ్రూట్ జ్యూస్ అందరికీ ఆరోగ్యకరం కాదు. కొన్ని రకాల ఫ్రూట్ జ్యూస్ తాగడం వల్ల రక్తపోటు పెరుగుతుంది. మధుమేహం ఉన్నవారైతే ఫ్రూట్ జ్యూస్ తాగకూడదు.
ఈ విషయంపై కొన్ని అధ్యయనాలు మిశ్రమ ఫలితాల చూపించాయి. ఫ్రూట్ జ్యూస్ పరిమితంగా తాగడం వల్ల రక్తపోటు పెరిగే ప్రమాదం లేదు. అయితే అధిక మొత్తంలో తాగితే బిపి ఉన్న వారికి ప్రాణాలకే ప్రమాదం ఉంది.
ఫ్రూట్ జ్యూస్‌లో సహజ చక్కెర ఉంటుంది కానీ ఫైబర్ ఉండదు. అధిక చక్కెర దీర్ఘకాలంలో రక్తపోటు పెంచే అవకాశం ఉంది. ఎక్కువ మొత్తంలో ఫ్రూట్ జ్యూస్ తాగడం వల్ల బరువు పెరగడం, జీవక్రియ సమస్యలు వచ్చే అవకాశం ఉంటుంది. కొన్ని అధ్యయనాలు తరచూ రసం తాగడం రక్తపోటు పెరగడానికి సంబంధం ఉండవచ్చని సూచిస్తున్నాయి. రసంలో అదనపు చక్కెర ఉంటే ఈ ప్రమాదం మరింత ఎక్కువవుతుంది.
అన్ని పానీయాలు రక్తపోటుపై ఒకేలా ప్రభావం చూపవు. సోడా కలిగిన వంటి చక్కెర డ్రింక్స్ (పెప్సీ, 7 అప్, స్ప్రైట్) వల్ల రక్తపోటు కచ్చితంగా పెరుగుతుంది. కానీ స్వచ్ఛమైన, సహజ ఫ్రూట్ జ్యూస్ అలా కాదు. ఫ్రూట్ జ్యూస్‌లోని ఫ్రక్టోజ్.. సాధారణ కూల్ డ్రింక్స్ లాంటి హాని కలిగించదు. అయినప్పటికీ మితంగా తాగడం చాలా ముఖ్యం.
కొన్ని ఫ్రూట్ జ్యూస్‌లు రక్తపోటు తగ్గించడంలో సహాయపడవచ్చు. ఉదాహరణకు దానిమ్మ జ్యూస్, కొంతమందిలో సిస్టోలిక్, డయాస్టోలిక్ రక్తపోటును తగ్గిస్తుంది. బీట్‌రూట్ రసం, బెర్రీ ఫ్రూట్ జ్యూస్‌లు కూడా రక్తపోటుని తగ్గేందుకు సాయపడతాయి. ఈ ఫ్రూట్ జ్యూస్‌ల్లో ఉన్న యాంటీఆక్సిడెంట్లు గుండె ఆరోగ్యాన్ని మెరుగుపరుస్తాయి.
మధుమేహం ఉన్నవారు ఫ్రూట్ జ్యూస్ విషయంలో జాగ్రత్తగా ఉండాలి. పండ్ల నుంచి జ్యూస్ తీస్తే అందులో ఫైబర్ పోషకాలు నష్టపోతాయి. ఫైబర్ లేకపోవడం వల్ల జ్యూస్.. రక్తంలో చక్కెరను త్వరగా పెంచుతుంది. ఇది పరోక్షంగా రక్తపోటు, గుండె ఆరోగ్యాన్ని ప్రభావితం చేస్తుంది. అధిక షుగర్ వల్ల ఒక్కసారిగా షుగర్ లెవెల్స్ పెరగడం ఆరోగ్యానికి చాలా ప్రమాదకరం.
పరిమిత మొత్తంలో ఫ్రూట్ జ్యూస్ తాగాలని నిపుణులు సూచిస్తున్నారు. ఆరోగ్య సమస్యలు ఉన్నవారు రోజుకు ఒక చిన్న గ్లాసు తాగితే ఎటువంటి ప్రమాదం ఉండదు. పెద్ద మొత్తాల్లో క్రమం తప్పకుండా తాగకూడదు. ప్యాకెట్ జ్యూస్ కంటే తాజా, చక్కెర లేని జ్యూస్ ఎంచుకోండి.
ఫ్రూట్ జ్యూస్ కంటే నేరుగా పండ్లు తినడం మంచిది. అందులో ఫైబర్ ఉండటం వల్ల చక్కెర నెమ్మదిగా రక్తంలోకి వెళుతుంది. కొబ్బరి నీరు, హెర్బల్ డ్రింక్స్.. రోజువారీ తాగడానికి ఆరోగ్యకరమైన ఎంపికలు. ఇవి రక్తపోటును స్థిరంగా ఉంచడానికి సహాయపడతాయి.
Also Read: డాన్స్ చేసే సమయంలో గుండెపోటు.. పెరుగుతున్న కేసుల సంఖ్య.. ఇలా నివారించండి
చక్కెర లేని తాజా, సహజ జ్యూస్ మాత్రమే తాగండి. ప్రిజర్వేటివ్స్, స్వీటెనర్స్ ఉన్న ప్యాకెట్ రసాలు తాగకూడదు. భోజనంతో పాటు ఫ్రూట్ జ్యూస్ కొద్దిగా తాగితే.. షుగర్ స్పైక్స్ తగ్గుతాయి. శరీరంలో పోషణ కోసం మాత్రమే జ్యూస్ తాగకూడదు.
Share
ఏపీలో ఇంటర్ ఫలితాలు-2026: బాలికలదే పైచేయి, ఫస్టియర్లో 77 శాతం, సెకండియర్లో 81 శాతం ఉత్తీర్ణత
రేవంత్ రెడ్డి ఫార్ములానే కరెక్ట్.. సీట్ల పెంపుపై కేంద్రానికి చామల కొత్త డిమాండ్!
