Poor Sleep: వృద్ధాప్యాన్ని వేగవంతం చేసే నిద్రలేమి.. దీని నుంచి ఎలా బయటపడాలి ?

Poor Sleep: మారుతున్న జీవన శైలి కారణంగా చాలా మంది ఆలస్యంగా నిద్రపోతున్నారు. రాత్రి ఆలస్యంగా నిద్ర పోవడం వల్ల అలసట పెరగడమే కాకుండా అకాల వృద్ధాప్యం కూడా వస్తుందని మీకు తెలుసా? శరీర సహజ గడియారం పదే పదే చెదిరిపోయినప్పుడు.. అది ఆరోగ్యం, చర్మం, జుట్టు, గుండె, మనస్సుపై ప్రత్యక్ష ప్రభావాన్ని చూపుతుంది. రోజు వేర్వేరు సమయాల్లో నిద్రపోవడం వల్ల శరీరానికి కలిగే హాని గురించిన పూర్తి వివరాలను ఇప్పుడు తెలుసుకుందాం.

రాత్రి 11 గంటలకు నిద్రపోతే ఏమవుతుంది?

మీరు రాత్రి 11 గంటలకు పడుకుంటే, జుట్టు రాలడం వంటి సమస్యలు ఎదర్కుంటారు. మీ శరీరం దాని మరమ్మత్తు ప్రక్రియను ప్రారంభించే సమయం ఇది. మీకు తగినంత నిద్ర లేనప్పుడు, తలకు తగినంత పోషకాహారం లభించదు. ఇది జుట్టు మూలాలను ప్రభావితం చేస్తుంది. అంతే కాకుండా వాటిని బలహీన పరుస్తుంది. ఫలితంగా జుట్టు రాలిపోవడానికి కారణమవుతుంది.

అర్ధరాత్రి 12 గంటలకు నిద్ర:

అర్ధరాత్రి 12:00 గంటల తర్వాత పడుకోవడం వల్ల శరీర అంతర్గత సమతుల్యత దెబ్బతింటుంది. ఈ సమయం తర్వాత మేల్కొని ఉండటం వల్ల జీర్ణ ప్రక్రియ నెమ్మదిస్తుంది. దీని అర్థం శరీరం ఆహారాన్ని శక్తిగా సరిగ్గా మార్చుకోలేకపోతుంది. ఇది జీవక్రియను నెమ్మదిస్తుంది. ఫలితంగా బరువు పెరగడానికి దారితీస్తుంది.

తెల్లవారుజామున 1 గంటకు నిద్ర:

మీరు తెల్లవారుజామున 1 గంటలకు పడుకుంటే.. మీ రోగనిరోధక శక్తి బలహీనపడే ప్రమాదం ఉంటుంది. ఒంటి గంట వరకు మేల్కొని ఉండటం వల్ల శరీర రోగ నిరోధక వ్యవస్థపై ప్రతికూల ప్రభావం చూపుతుంది. నిద్ర లేకపోవడం వల్ల శరీరం తగినంత రక్షణ కణాలను ఉత్పత్తి చేయకుండా నిరోధిస్తుంది. దీని వల్ల జలుబు నుంచి తీవ్రమైన ఇన్ఫెక్షన్ల వరకు ఇన్ఫెక్షన్లు వచ్చే అవకాశం ఎక్కువగా ఉంటుంది.

తెల్లవారుజామున 2 గంటలకు నిద్ర:

తెల్లవారుజామున 2 గంటలు దాటి నిద్రపోవడం శరీరానికి చాలా హానికరం. ఈ గంట వరకు మేల్కొని ఉండటం వల్ల రక్తపోటు అసమతుల్యత ఏర్పడుతుంది. ఫలితంగా గుండె జబ్బుల ప్రమాదం పెరుగుతుంది. నిద్ర లేకపోవడం వల్ల ఒత్తిడి హార్మోన్లు పెరుగుతాయి. ఇది గుండెపై అదనపు ఒత్తిడిని కలిగిస్తుంది. ఈ అలవాటు చాలా కాలం పాటు కొనసాగితే.. అది గుండె జబ్బులు, ఆందోళన, తలతిరగడం వంటి సమస్యలకు దారితీస్తుంది.

Also Read: ముల్లంగి తిన్న వెంటనే ఇవి తింటే చర్మ వ్యాధులు తప్పవు.. జాగ్రత్త!

అకాల వృద్ధాప్యం:

ఆలస్యంగా మేల్కొనే వారికి అకాల వృద్ధాప్యం రావచ్చు. కళ్ళ కింద డార్క్ సర్కిల్స్, అలసట ఇవన్నీ శరీరానికి తగినంత విశ్రాంతి లభించడం లేదని సంకేతాలు కావచ్చు.

త్వరగా పడుకునే అలవాటు:

మీ ఆరోగ్యాన్ని మెరుగు పరుచుకోవాలనుకుంటే.. ముందుగా నిద్ర వేళకు ఒక నిర్దిష్ట సమయాన్ని నిర్ణయించుకోండి. పడుకునే ముందు మీ మొబైల్ ఫోన్, టీవీకి దూరంగా ఉండండి. తేలికపాటి భోజనం తినండి. నిద్ర అనేది సోమరితనానికి సంకేతం కాదని, ఆరోగ్యానికి అవసరమని గుర్తుంచుకోండి. క్రమంగా.. మీ శరీరం ఈ సమయానికి అలవాటుపడుతుంది. తద్వారా మీరు ఉత్సాహంగా మేల్కొంటారు.