Weight loss injections| ఈ రోజుల్లో అందరూ బరువు తగ్గాలని, ఫిట్గా ఉండాలని భావిస్తున్నారు. అయితే యువతలో చాలా మంది వ్యాయామం గురించి కాకుండా బరువు తగ్గే ఇంజెక్షన్ల గురించి మాట్లాడుతున్నారు. ఈ మార్పు పనితో తీరికలేని వారు, ఒత్తిడితో ఉండే యువ భారతీయులను ఆకర్షిస్తోంది.
దీర్ఘకాలం పని, స్క్రీన్ టైమ్ వల్ల వ్యాయామం చేసే అవకాశాలు తగ్గిపోతున్నాయి. పోషకాహారం కంటే రుచికర ఆహారం తింటున్నారు. ఈ కారణంగానే ఆరోగ్య సమస్యలతో బాధపడుతున్నారు. ఊబకాయ సమస్యలు వారిని వేధిస్తున్నాయి. ఈ కారణంగానే సంప్రదాయ పద్ధతుల కంటే త్వరగా బరువు తగ్గే పరిష్కారాలు ఆకర్షణీయంగా అనిపిస్తాయి. అయితే ఈ ట్రెండ్ వెనుక ఉన్న నిజాన్ని జాగ్రత్తగా అర్థం చేసుకోవాలి.
బరువు తగ్గే ఇంజెక్షన్లు అంటే వైద్య భాషలో GLP-1 రిసెప్టర్ అగోనిస్ట్స్. వీటిని డాక్టర్లు ముందుగా టైప్-2 డయాబెటిస్ చికిత్స కోసం అభివృద్ధి చేశారు. ఈ ఇంజెక్షన్లు ఆకలిని నియంత్రించి, తినే ఆహారాన్ని తగ్గిస్తాయి. ఆకలి నియంత్రించే హార్మోన్లను అనుకరిస్తాయి. ఈ ఇంజెక్షన్ల ప్రభావం వల్ల త్వరగా కడుపు నిండిపోయినట్లుగా ఫీలవుతారు. దీంతో తక్కువ ఆహారం తింటారు. ఫలితంగా తీసుకునే క్యాలరీలు కూడా తక్కువగానే ఉంటాయి. డాక్టర్ పర్యవేక్షణలో ఈ ఇంజెక్షన్ల చికిత్స పొందితే క్రమంగా బరువు తగ్గడానికి దోహదపడుతుంది.
క్లినికల్ అధ్యయనాలు సరైన వినియోగంతో మంచి ఫలితాలను చూపిస్తున్నాయి. రోగులు శరీర బరువులో సుమారు 10 నుంచి 15 శాతం తగ్గవచ్చు. డాక్టర్లు చికిత్సను జాగ్రత్తగా పర్యవేక్షించినప్పుడు ఇది సాధ్యమవుతుంది. అయితే బరువు తగ్గితే ఆరోగ్యంగా ఉన్నట్లు కాదు. చాలా మంది ఈ విషయాన్ని అపార్థం చేసుకుంటారు.
బరువు తగ్గడం అంటే ఎప్పుడూ ఆరోగ్యవంతంగా లేదా ఫిట్గా మారడం కాదు. ఫిట్నెస్లో బలం, స్టామినా, జీర్ణశక్తి మెరగవుతాయి. వ్యాయామం చేయకపోతే శరీరంలో కండరాల పటుత్వం త్వరగా కోల్పోవచ్చు. కండరాలు మెటబాలిజం (జీర్ణక్రియ) నిర్వహణలో కీలక పాత్ర పోషిస్తాయి. కండరాలు తగ్గితే క్యాలరీలు బర్న్ చేసే వేగం తగ్గుతుంది. దీని వల్ల దీర్ఘకాలికంగా బరువు నియంత్రణ కష్టమవుతుంది.
ఆధునిక జీవనశైలి రోజువారీ అలవాట్లను బాగా మార్చేసింది. చాలా మంది సెడెంటరీ (శారీరక శ్రమ) , పెద్దగా నిశ్చల జీవితం (కూర్చొని పనిచేయడం) గడుపుతున్నారు. అనియమిత ఆహార అలవాట్లు కూడా ఆరోగ్యాన్ని ప్రభావితం చేస్తాయి. పని ఒత్తిడి వల్ల స్ట్రెస్ పెరిగింది. ఈ అంశాలు ఊబకాయం, జీర్ణక్రియ సమస్యల ప్రమాదాన్ని పెంచుతాయి. యువతలో ఎక్కువ శాతం త్వరగా, సులభమైన పరిష్కారాల కోసం వెతుకుతారు. పైగా సోషల్ మీడియాలో త్వరగా బరువు తగ్గడాన్ని ఒక సాధారణ విషయంగా చూపిస్తున్నారు. కంటెంట్ క్రియేటర్లు ఇదంతా ఆరోగ్యకరమని చెబుతున్నారు.
ఆరోగ్య నిపుణులు బరువు తగ్గే ఇంజెక్షన్ల గురించి ఒక విషయం స్పష్టంగా చెప్పారు. ఈ ఇంజెక్షన్లు.. వ్యాయామం ద్వారా లభించే లాభాలను భర్తీ చేయలేవని చెబుతున్నారు. శారీరక శ్రమ బరువు తగ్గడం కంటే ఎక్కువ ప్రయోజనాలు ఇస్తుంది. ఇది గుండె ఆరోగ్యాన్ని మెరుగుపరుస్తుంది, కండరాలను బలపరుస్తుంది. వ్యాయామం ఇన్సులిన్ సున్నితత్వాన్ని, ఎనర్జీ లెవెల్స్ మెరుగుపరుస్తుంది. ఇది మానసిక, శారీరక ఆరోగ్యం కోసం కూడా తోడ్పడుతుంది. ఈ ప్రయోజనాలు మందులు మాత్రమే ఇవ్వలేవు.
బరువు తగ్గే ఇంజెక్షన్లతో కొంతవరకు ప్రయోజనం ఉందని వైద్యులు చెబుతున్నారు. డాక్టర్లు తీవ్రమైన ఆరోగ్య సమస్యలు ఉన్నవారికి మాత్రమే సూచిస్తారు. ఊబకాయం, డయాబెటిస్, గుండె సంబంధిత ప్రమాదాలు ఇందులో ఉంటాయి. వీటిని శారీరక అందం కోసం ఉపయోగించకూడదు. డాక్టర్లు వీటిని పూర్తి చికిత్సా ప్రణాళికలో భాగంగా చేర్చుతారు. ఈ ప్రణాళికలో ఆహారం, జీవనశైలి మార్పులు కూడా ఉంటాయి.
Also Read: డాన్స్ చేసే సమయంలో గుండెపోటు.. పెరుగుతున్న కేసుల సంఖ్య.. ఇలా నివారించండి
ఆరోగ్యకర జీవనం స్థిరమైన రోజువారీ అలవాట్లపై ఆధారపడి ఉంటుంది. సాధారణ వ్యాయామం ఫిట్నెస్కు అత్యంత అవసరం. సమతుల్య పోషకాహారం స్థిరమైన బరువు నియంత్రణకు సహాయపడుతుంది. మంచి నిద్ర, ఒత్తిడి నియంత్రణ కూడా ముఖ్య పాత్రలు పోషిస్తాయి. ఇంజెక్షన్లు, మందులు మాత్రమే తీసుకుంటే ఈ ఆరోగ్యకరమైన అభ్యాసాలను భర్తీ చేయలేవు.
బరువు తగ్గే ఇంజెక్షన్లు ఊబకాయం చికిత్సలో బాగా ఉపయోగపడుతున్నాయి. నిర్దిష్ట వైద్య పరిస్థితుల్లో అవి ఉపయోగపడుతాయి. అయితే అవి సాధారణ వ్యాయామం ప్రయోజనాలను భర్తీ చేయలేవు. భారత యువత సమతుల్యమైన, స్థిరమైన అలవాట్లపై దృష్టి పెట్టాలి.
ముఖ్య గమనిక: పై తెలిపిన సమాచారం, వైద్య నిపుణుల సూచనలు మాత్రమే. ‘బిగ్ టీవీ’ ఇందులో తప్పిదాలకు బాధ్యత వహించదు. బరువు తగ్గే ఇంజెక్షన్లు తీసుకునేముందు డాక్టర్లను తప్పనిసరిగా సంప్రదించాలి
Share
పసిడి ప్రియులకు గుడ్ న్యూస్.. భారీగా పడిపోయిన పసిడి ధరలు.. నేడు తులం ఎంతో తెలిస్తే షాక్!
ఆ ముగ్గురిని ఉరి తీయాల్సిందే..బాల్ టాంపరింగ్ పై తన్వీర్ అహ్మద్ సంచలనం
