Haleem Spots In Hyderabad: సిటీలో రంజాన్ సందడి.. మీరు అస్సలు మిస్ కాకూడని టాప్ 10 హలీం స్పాట్స్ ఇవే!

Ramzan 2026: హైదరాబాద్ సంస్కృతిలో ‘హలీం’ ఒక విడదీయలేని భాగం. రంజాన్ పవిత్ర మాసంలో భాగ్యనగర వీధులన్నీ ఈ నోరూరించే మాంసాహార రుచితో కళకళలాడుతుంటాయి. కేవలం ముస్లిం సోదరులే కాకుండా.. కులమతాలకు అతీతంగా నగరవాసులందరూ హలీం కోసం క్యూ కడుతుంటారు. ఈ ఏడాది కూడా పాతబస్తీ నుంచి హైటెక్ సిటీ వరకు అనేక హోటళ్లు తమదైన శైలిలో హలీం సిద్ధం చేస్తున్నాయి. మరి ఈ సీజన్‌లో మీరు మిస్ కాకూడని ఆ 10 బెస్ట్ హలీం స్పాట్స్ ఏవో చూద్దామా..

1. పిస్తా హౌస్:
హైదరాబాద్ హలీంకు ప్రపంచ వ్యాప్త గుర్తింపు తెచ్చిన ఘనత పిస్తా హౌస్‌దే. వీరు ఉపయోగించే స్వచ్ఛమైన నెయ్యి, నాణ్యమైన బాదం, పిస్తా పప్పులు హలీంకు ప్రత్యేక రుచినిస్తాయి. ఈ ఏడాది కూడా నగరవ్యాప్తంగా వందలాది అవుట్‌లెట్లలో ఇది అందుబాటులో ఉంది.

2. షా ఘౌస్ :
చిక్కటి మటన్ ముక్కలు, మసాలాల కలయికతో లభించే షా ఘౌస్ హలీంకు ప్రత్యేక ఫ్యాన్ బేస్ ఉంది. ముఖ్యంగా టోలిచౌకి, గచ్చిబౌలి బ్రాంచ్‌లలో రాత్రివేళ ఈ హలీం కోసం గంటల తరబడి వేచి చూడాల్సిందే.

3. కేఫ్ 555 :
మాసబ్ ట్యాంక్‌లోని కేఫ్ 555 హలీం ప్రేమికుల అడ్డా. ఇక్కడ లభించే ‘స్పెషల్ హలీం’లో చికెన్ 65 ముక్కలు, ఎగ్ ,తలకాయ మాంసం టాపింగ్స్‌గా వేస్తారు. ఇది హలీంకు కొత్త డైమెన్షన్‌ను ఇస్తుంది.

4. శదాబ్ హోటల్:
పాతబస్తీలోని మదీనా సర్కిల్ వద్ద ఉండే శదాబ్ హోటల్ హలీం అత్యంత ప్రాచీనమైన పద్ధతిలో తయారవుతుంది. ఇక్కడ హలీం తింటే నిజమైన హైదరాబాదీ నవాబీ రుచి తెలుస్తుంది.

5. సర్వీ రెస్టారెంట్ :
బంజారాహిల్స్‌లోని సర్వీ హలీం దాని సున్నితమైన రుచికి ప్రసిద్ధి. ఇది మరీ స్పైసీగా కాకుండా.. క్రీమీగా ఉండి నోట్లో వేసుకోగానే కరిగిపోతుంది. ఇక్కడ ‘ఇరానీ హలీం’ రుచి చూడటం అస్సలు మర్చిపోకండి.

6. కేఫ్ బహార్ :
హిమాయత్‌నగర్ ప్రాంతంలో కేఫ్ బహార్ హలీం అత్యంత ఫేమస్. తక్కువ ధరలో ఎక్కువ క్వాంటిటీతో పాటు, ఘాటైన మసాలాల రుచిని ఇష్టపడే వారికి ఇది సరైన ఎంపిక.

7. గ్రిల్ 9 :
సికింద్రాబాద్‌లోని గ్రిల్ 9 తమ ‘బాహుబలి హలీం’తో ట్రెండ్ సృష్టించింది. హలీంపై పత్తర్ కా గోష్త్, క్రీమ్, నల్లీ వంటివి వేసి ఇచ్చే ఈ కాంబో ఈ సీజన్‌లో కూడా హాట్ కేక్‌లా అమ్ముడవుతోంది.

Also Read: గోధుమ పిండితో చేసే చపాతీ, రోటీ ఎవరు తినకూడదు?

8. సుభాన్ బేకరీ :
నాంపల్లిలోని ఈ ప్రసిద్ధ బేకరీ వారు అందించే హలీం చాలా ‘లైట్’గా ఉంటుంది ఇది త్వరగా జీర్ణం అవుతుంది. నాణ్యత విషయంలో వీరు ఎక్కడా రాజీ పడరు.

9. పెషావర్ :
మలక్‌పేట సమీపంలోని పెషావర్ హలీం దాని సుగంధ ద్రవ్యాల గాఢతకు పేరుగాంచింది. ఇక్కడి మటన్ హలీం రుచి ఇతర ప్రాంతాల కంటే భిన్నంగా, అత్యంత రుచికరంగా ఉంటుంది.

10. నయాబ్ హోటల్ :
నయాపాట్ రోడ్డులో ఉండే ఈ హోటల్ హలీంకు దశాబ్దాల చరిత్ర ఉంది. ఉదయాన్నే పాయాతో పాటు సాయంత్రం వేళ ఇక్కడ లభించే కేసరి హలీం రుచి చూడాల్సిందే.