Garlic: కొలెస్ట్రాల్‌కి చెక్ పెట్టే అద్భుత ఔషధం.. పచ్చి వెల్లుల్లిని తీసుకునే సరైన పద్ధతి ?

Garlic: వెల్లుల్లిని కొలెస్ట్రాల్ తగ్గించేందుకు ఉపయోగించే విధానంలో.. సమయం అనేది ముఖ్యపాత్ర పోషిస్తుంది. అనేక అధ్యయనాలు, సంప్రదాయ వైద్య విధానాల ప్రకారం.. వెల్లుల్లిని ఉదయం, ఖాళీ కడుపుతో తీసుకోవడం మంచి సమయంగా చెబుతారు. ఉదయం ఖాళీ కడుపుతో వెల్లుల్లిని తీసుకోవడం వల్ల.. దానిలోని ముఖ్య క్రియాశీలక సమ్మేళనం అయిన అల్లిసిన్ శరీరం ద్వారా గరిష్టంగా గ్రహించబడుతుంది. అల్లిసిన్ అనేది కొలెస్ట్రాల్ తగ్గించడం, రక్తపోటును నియంత్రించడం అంతే కాకుండా గుండె ఆరోగ్యాన్ని మెరుగు పరచడంలో సహాయ పడుతుంది. దీని వల్ల జీర్ణ వ్యవస్థలో ఎలాంటి అడ్డంకులు లేకుండా అల్లిసిన్ ప్రభావం మెరుగ్గా పనిచేస్తుంది. అంతే కాకుండా ఇది గుండెకు రక్షణ కవచంలా పనిచేస్తుంది.

భోజనంతో పాటు (లేదా రాత్రి):
వెల్లుల్లిని ఉదయం ఖాళీ కడుపుతో తీసుకోలేనివారు.. రోజులో ఏదైనా భోజనంతో పాటు తీసుకోవచ్చు.

కొన్ని పరిశోధనలు.. వెల్లుల్లిని రాత్రి భోజనంలో భాగంగా తీసుకోవడం కూడా శరీరంలో టాక్సిన్స్ తొలగిపోతాయి. అంతే కాకుండా ఇది గుండె ఆరోగ్యాన్ని మెరుగు పరచడానికి సహాయ పడుతుంది.

వెల్లుల్లిని ఎలా తీసుకోవాలి ?
కొలెస్ట్రాల్‌ను తగ్గించడంలో వెల్లుల్లి ప్రభావం, దాన్ని ఎలా తయారు చేసుకుని తింటున్నామనే దానిపై ఆధారపడి ఉంటుంది.

1. పచ్చి వెల్లుల్లి- ఉత్తమ మార్గం:
వెల్లుల్లిని కొట్టినా, నలిపినా, లేదా నమిలినా, దానిలో ఉన్న అల్లిసిన్ అనే సమ్మేళనం విడుదల అవుతుంది. ఈ అల్లిసిన్ కొలెస్ట్రాల్‌ను తగ్గించడంలో ముఖ్య పాత్ర పోషిస్తుంది. 1 నుంచి 2 పచ్చి వెల్లుల్లి రెబ్బలను చిన్న చిన్న ముక్కలుగా కత్తిరించి లేదా నలిపి, వాటిని 10 నిమిషాల పాటు గాలికి ఉంచాలి. అప్పుడు అల్లిసిన్ గరిష్టంగా విడుదల అవుతుంది. ఆ తర్వాత వాటిని ఉదయం ఖాళీ కడుపు తో నీటితో కలిపి మింగవచ్చు.

గమనిక: వేడి చేస్తే (వండడం వల్ల) అల్లిసిన్ నాశనం అవుతుంది. కాబట్టి పచ్చిగా తీసుకోవడం ఉత్తమం.

2. వెల్లుల్లి సప్లిమెంట్స్:
పచ్చి వెల్లుల్లి ఘాటును భరించలేని వారు, ఏజ్డ్ గార్లిక్ ఎక్స్‌ట్రాక్ట్ వంటి సప్లిమెంట్లను ఉపయోగించవచ్చు. కొలెస్ట్రాల్ తగ్గించడంలో ఈ సప్లిమెంట్లు స్థిరమైన ఫలితాలను చూపినట్లు కొన్ని అధ్యయనాలు సూచిస్తున్నాయి.

మోతాదు: సాధారణంగా రోజుకు 500 mg నుంచి 1000 mg వరకు తీసుకోవచ్చని పరిశోధనలు చెబుతున్నప్పటికీ.. సరైన మోతాదు కోసం తప్పనిసరిగా డాక్టర్‌ను లేదా ఆరోగ్య నిపుణులను సంప్రదించాలి.

Also Read: ఎక్కువ కేలరీలు వేటిలో.. ఉంటాయో తెలుసా ?

ముఖ్య సూచనలు:
వెల్లుల్లి కేవలం సహాయకారి మాత్రమే.. వెల్లుల్లి కొలెస్ట్రాల్ స్థాయిలను 6% నుంచి 9% వరకు మాత్రమే తగ్గించగలదు. ఇది అధిక కొలెస్ట్రాల్‌కు వైద్యులు సూచించిన మందులకు (స్టాటిన్స్) ఎప్పుడూ ప్రత్యామ్నాయం కాదు.

జీవన శైలి మార్పులు: వెల్లుల్లిని ఆహారంలో చేర్చుకోవడంతో పాటు, తక్కువ కొవ్వు ఉన్న ఆహారం తీసుకోవడం, రోజూ వ్యాయామం చేయడం వంటి జీవనశైలి మార్పులు కూడా కొలెస్ట్రాల్ తగ్గడానికి చాలా అవసరం.

మీకు ఇప్పటికే కొలె స్ట్రాల్ మందులు, రక్తం పలుచబడే మందులు లేదా హెచ్‌ఐవి మందులు వంటివి వాడుతున్నట్లయితే.. వెల్లుల్లిని అధిక మోతాదులో తీసుకునే ముందు తప్పకుండా డాక్టర్‌ను సంప్రదించాలి.