Rajasekhar: యాంగ్రీ మ్యాన్ రాజశేఖర్ (Angry Man Rajasekhar) సినిమా వచ్చి చాలా కాలం అవుతుంది. ఆయన అభిమానులు ఎప్పుడెప్పుడా అనుకుంటున్న సమయంలో ‘బైకర్’ (Biker)లో అంటూ వారిలో సంతోషం నింపారు. చార్మింగ్ స్టార్ శర్వానంద్ (Sharwanand), అభిలాష్ రెడ్డి దర్శకత్వంలో యూవీ క్రియేషన్స్ బ్యానర్పై రూపొందిన ఈ హై-ఆక్టేన్ రేసింగ్ డ్రామాలో ఆయన ఓ ప్రధాన పాత్రలో కనిపించబోతున్న విషయం తెలిసిందే. భారతదేశపు మొట్టమొదటి మోటోక్రాస్ అడ్వంచరస్ చిత్రంగా రూపొందుతున్న ఈ చిత్రం ఏప్రిల్ 3న గ్రాండ్గా థియేటర్లలోకి వచ్చేందుకు సిద్ధమైంది. చిత్ర ప్రమోషన్స్లో భాగంగా యాక్టర్ రాజశేఖర్ మీడియాకు చిత్ర విశేషాలను తెలిపారు.
Also Read- Balakrishna 112: బాలకృష్ణ వివేక్ ఆత్రేయ సినిమాకు అదిరిపోయే టైటిల్..
‘‘డైరెక్టర్ అభిలాష్ చాలా మంచి డైరెక్టర్. ఒక యాక్టర్ నుంచి ఎలాంటి పెర్ఫార్మెన్స్ కావాలో చాలా క్లారిటీ ఉన్న దర్శకుడు. ఆయనకు కథ, క్యారెక్టర్స్ మీద చాలా గ్రిప్ ఉంది. అనుకున్నది వచ్చేంతవరకు ఎక్కడ కూడా రాజీపడరు. చాలా ఇన్వాల్వ్మెంట్ ఉన్న దర్శకుడు. అతనికి మంచి ఫ్యూచర్ ఉంటుంది. ముఖ్యంగా నా పాత్రకు సంబంధించి ఆయన ప్రతి విషయంలో చాలా క్లారిటీగా ఉన్నారు. ఈ సినిమాలో నన్ను చాలా కొత్తగా చూపించారు. డైరెక్టర్ విజన్, కథ వల్లే అది సాధ్యపడింది. సినిమా చూసిన ప్రేక్షకులు కచ్చితంగా నా పాత్రని అభినందిస్తారు. ఇందులో బైక్ రేసింగ్ సీన్స్ చాలా అద్భుతంగా కుదిరాయి. ఒక హాలీవుడ్ రేంజ్ సినిమాలా ఉంటుంది. అదే టైమ్లో ఫాదర్, సన్ ఎమోషన్ కూడా అద్భుతంగా పండింది. చాలా సెంటిమెంట్, ఎమోషనల్ సీన్స్ ఉన్నాయి. యూవీ క్రియేషన్స్ సంస్థ అంటే రాయల్ ట్రీట్మెంట్ అని నాకు ఇప్పుడు తెలిసింది. అసలెక్కడా ఖర్చుకి వెనకాడలేదు. ఈ సినిమాను హాలీవుడ్ క్వాలిటీతో తీసి ప్రేక్షకుల ముందుకు తీసుకొస్తున్నారు. సబ్జెక్టు, క్వాలిటీ కోసం ఎక్కడా రాజీ పడకుండా ఖర్చు చేశారు. ఈ విషయంలో వారికి నా అభినందనలు తెలియజేస్తున్నాను. తప్పకుండా ఈ సినిమా పెద్ద విజయం సాధించి వాళ్ళు పెట్టిన ప్రతి రూపాయి తిరిగి రావాలని కోరుకుంటున్నాను. ఖచ్చితంగా ఈ సినిమా సూపర్ హిట్ అవుతుంది.
Also Read- పేరుకే గ్లోబల్ బ్యూటీ.. ప్రియాంక చోప్రా గుడిలో చేసిన పని తెలిస్తే షాక్ అవ్వాల్సిందే!
సినిమాల విషయంలోనూ, ఇంకా ఏదైనా సరే.. నాకు నా ఫ్యామిలీ ఎప్పుడూ బిగ్గెస్ట్ స్ట్రెంత్. ఈ సినిమా, నా క్యారెక్టర్ ఇంత అద్భుతంగా రావడానికి కారణం జీవిత, మా పిల్లలు. వాళ్ల సపోర్టు చాలా గొప్పది. ఈ సినిమా నేను చేసినప్పుడు.. నన్ను స్కూల్కి డ్రాప్ చేసి.. మళ్లీ అక్కడి నుంచి తీసుకెళ్లే ఒక మదర్ లాగా చూసుకున్నారు. మా ప్యాషన్, ప్రొఫెషన్ రెండు సినిమానే. ఇంట్లో కూడా ఎక్కువగా సినిమా వాతావరణమే ఉంటుంది. కొత్త సినిమాలు రిలీజ్ అయితే నేరుగా థియేటర్స్కు వెళ్లి చూస్తుంటాం. అలాగే ఏదైనా కథ, క్యారెక్టర్ వస్తే అందరం కలిసి డిస్కస్ చేసుకుంటాం. అలాగే షూటింగ్లో జరిగిన విశేషాలు కూడా మాట్లాడుకుంటాం. మేమందరం కూడా సినిమా ప్రొఫెషన్లోనే ఉన్నాం కాబట్టి, చాలా కంఫర్ట్గా ఉంటుంది. ‘బైకర్’ తర్వాత రెండు సినిమాలు చేస్తున్నాను. అందులో ఒకటి ‘మగాడు’ అనే చిత్రం. ఇది ఇంకా 20 శాతం బ్యాలెన్స్ ఉంది. మరో చిత్ర ప్రకటన త్వరలోనే వస్తుంది’’ అని, ఈ యాంగ్రీమ్యాన్ చెప్పుకొచ్చారు.
Also Read- ఎంతో ఇష్టంగా ఆ బైక్ కొనుక్కుంటే.. జీవిత అమ్మేసింది- రాజశేఖర్
Share
డిప్యూటీ స్పీకర్ రఘురామను అడ్డుకున్న గ్రామస్థులు.. పెదపేటలో జరిగిన గొడవలకు అదే కారణం
అర్షదీప్ కాదు, ఇకపై Wids దీప్...ఒకే ఓవర్ లో 11 బంతులు వేశాడు
