Sailesh kolanu: శైలేష్ కొలను (Sailesh kolanu).. పేరుకే యంగ్ డైరెక్టర్ కానీ.. వరుసగా చిత్రాలు చేసి తన ఖాతాలో భారీ విజయాలను సొంతం చేసుకున్నారు. 2020లో వచ్చిన ‘హిట్’ సినిమాతో ఇండస్ట్రీలోకి దర్శకుడిగా అడుగుపెట్టిన శైలేష్ కొలను.. ఈ సినిమా ఫ్రాంఛైజీలో భాగంగా హిట్: ది సెకండ్ కేస్, హిట్ : ది థర్డ్ కేస్ చిత్రాలు చేసి మంచి బ్లాక్ బస్టర్ విజయాలను సొంతం చేసుకున్నారు. ఈ సినిమాల ఫ్రాంచైజీల మధ్యలో వెంకటేష్(Venkatesh ) 75వ చిత్రం సైంధవ్ (Saindhav)మూవీ చేశారు. కానీ ఈ సినిమా పెద్దగా విజయాన్ని అందించలేదు. ఈ ఏడాది హిట్ 3 సినిమాతో బ్లాక్ బస్టర్ విజయాన్ని అందుకున్న శైలేష్ కొలను నెక్స్ట్ ఏ హీరోతో రాబోతున్నారు? ఎలాంటి కథతో రాబోతున్నారు? అని అభిమానులు తెగ ఆసక్తి కనబరుస్తున్న విషయం తెలిసిందే.
అందులో భాగంగానే.. ఇప్పుడు ఊహించని కాంబినేషన్ ఫిక్స్ అయినట్లు సమాచారం. తాజాగా అందుతున్న సమాచారం ప్రకారం యంగ్ డైరెక్టర్ శైలేష్ కొలను తన నెక్స్ట్ ప్రాజెక్ట్ కు సిద్ధమైనట్లు తెలుస్తోంది. ప్రముఖ సీనియర్ నటులు శ్రీకాంత్ (Srikanth) తనయుడు యంగ్ హీరో రోషన్ (Roshan ) తో ఈ సినిమా చేయబోతున్నట్లు సమాచారం. అటు రోషన్ ప్రస్తుతం ‘ఛాంపియన్’ అనే చిత్రంతో బిజీగా ఉన్నారు. ఈ సినిమా తర్వాత శైలేష్ కొలను డైరెక్షన్లో మూవీ చేయబోతున్నారట. ఇకపోతే వీరిద్దరి కాంబినేషన్ ఆల్మోస్ట్ సెట్ అయిందని, అయితే త్వరలోనే ఈ మూవీపై అఫీషియల్ అనౌన్స్మెంట్ రానుంది అని సమాచారం. ఏది ఏమైనా శైలేష్ కొలను లాంటి టాలెంటెడ్ డైరెక్టర్ తో రోషన్ సినిమా చేస్తే బ్లాక్ బస్టర్ హిట్ అందుకుంటాడు అని శ్రీకాంత్ అభిమానులు సంతోషం వ్యక్తం చేస్తున్నారు. ఇకపోతే ఇందులో హీరోయిన్ ఎవరు? నిర్మాతలు ఇలా ప్రతి విషయం త్వరలోనే తెలియనుంది.
ALSO READ:Spirit: సందీప్ ప్లాన్ మామూలుగా లేదుగా.. ప్రభాస్ కి పోటీగా రంగంలోకి స్టార్ హీరో!
ప్రముఖ సినిమా నటీనటులు శ్రీకాంత్ , ఊహ(Uha ) దంపతుల కుమారుడు రోషన్ మేక. 2015లో క్రిష్ జాగర్లమూడి దర్శకత్వంలో అనుష్క లీడ్ రోల్ పోషిస్తూ వచ్చిన ‘రుద్రమదేవి’ చిత్రం ద్వారా చైల్డ్ ఆర్టిస్ట్ గా ఇండస్ట్రీకి పరిచయమైన రోషన్.. 2016లో వచ్చిన నిర్మల కాన్వెంట్ సినిమాతో హీరోగా ఇండస్ట్రీకి పరిచయమై..ఉత్తమ పురుష అరంగేట్రం విభాగంలో సైమా అవార్డును సొంతం చేసుకున్నారు. తర్వాత 2021లో ‘పెళ్లి సందD’ సినిమా చేసి మంచి విజయం అందుకున్నారు. ఇప్పుడు ‘ఛాంపియన్’ అనే సినిమాలో నటిస్తున్నారు.
జాతీయ అవార్డు గ్రహీత ప్రదీప్ అద్వైతం ఈ చిత్రానికి దర్శకత్వం వహిస్తున్నారు. ఆనంద్ ఆర్ట్ క్రియేషన్స్, స్వప్న సినిమా, కాన్సెప్ట్ ఫిలిమ్స్ సంయుక్తంగా నిర్మిస్తున్నాయి. అనస్వర రాజన్ హీరోయిన్ గా నటిస్తోంది. మిక్కీ జే మేయర్ ఈ చిత్రానికి సంగీతాన్ని అందిస్తూ ఉండగా.. ఆర్.మది సినిమాటోగ్రాఫర్ గా పనిచేస్తున్నారు. ఇకపోతే ఈ సినిమా సెప్టెంబర్ 9న విడుదల కావాల్సి ఉండగా.. పలు కారణాలవల్ల వాయిదా పడుతోంది. ఇంకా కొత్త డేట్ ను ప్రకటించలేదు మేకర్స్.. మరి ఈ సినిమాతో రోషన్ ఎలాంటి సక్సెస్ అందుకుంటారో చూడాలి.
Share
Spirit: సందీప్ ప్లాన్ మామూలుగా లేదుగా.. ప్రభాస్ కి పోటీగా రంగంలోకి స్టార్ హీరో!
Rashmika -Vijay Deverakonda: ఇద్దరి ఆస్తుల విలువ ఎన్ని కోట్లో తెలుసా?
