Telangana Rains: తెలంగాణలో మళ్లీ మొదలైన వర్షాలు.. ఎన్ని రోజులంటే..

Telangana Rains: వాతావరణ శాఖ తాజాగా హైదరాబాద్‌కు ఆరెంజ్ అలర్ట్, తెలంగాణ రాష్ట్రంలోని మిగతా జిల్లాలకు ఎల్లో అలర్ట్ జారీ చేసింది. రాబోయే 48 గంటల్లో మోస్తారు నుంచి భారీ వర్షాలు కురిసే అవకాశం ఉందని అధికారులు హెచ్చరికలు జారీ చేశారు.

వాతావరణ పరిస్థితులు

దక్షిణ తూర్పు బంగాళాఖాతంలో ఏర్పడిన ద్రోణి ప్రభావంతో.. తెలంగాణలో వాతావరణం ఒక్కసారిగా మారింది. ముఖ్యంగా హైదరాబాద్‌, రంగారెడ్డి, మేడ్చల్‌, వరంగల్‌, ఖమ్మం, నల్గొండ జిల్లాల్లో భారీ వర్షాలు కురిసే అవకాశం ఉంది. ఈదురు గాలులు, ఉరుములు, పిడుగులు సంభవించే అవకాశం కూడా ఉందని వాతావరణ శాఖ స్పష్టం చేసింది. రాత్రి సమయంలో గాలివానల తీవ్రత ఎక్కువగా ఉండే అవకాశం ఉంది.

నగరంలో వర్షాల ప్రభావం

హైదరాబాద్‌ నగరంలోని అనేక ప్రాంతాల్లో ఉదయం నుంచే వర్షం ప్రారంభమైంది. అమీర్‌పేట్, పంజాగుట్ట, బంజారాహిల్స్‌, జూబ్లీహిల్స్‌, ఖైరతాబాద్‌, మాధాపూర్‌, గచ్చిబౌలి, కూకట్‌పల్లి ప్రాంతాల్లో సుమారు గంటపాటు భారీ వర్షం కురిసింది. రహదారులపై నీరు నిల్వవడంతో ట్రాఫిక్ స్తంభించిపోయింది.

ఎల్బీనగర్‌, చంపాపేట్‌, కుషాయిగూడ, బోడుప్పల్‌, మల్కాజిగిరి ప్రాంతాల్లో కూడ వర్షం కొనసాగింది. కొన్ని లోతట్టు ప్రాంతాల్లో నీరు నిలిచిపోవడంతో స్థానికులు ఇబ్బందులు ఎదుర్కొన్నారు.

జీహెచ్‌ఎంసీ, డీఆర్ఎఫ్‌ సిబ్బంది అప్రమత్తం

వాతావరణ శాఖ హెచ్చరికలతో గ్రేటర్‌ హైదరాబాద్‌ మున్సిపల్‌ కార్పొరేషన్‌ (జీహెచ్‌ఎంసీ) డీఆర్ఎఫ్‌ సిబ్బంది అప్రమత్తం అయ్యారు.

కొన్ని ప్రాంతాల్లో వర్షం కారణంగా విద్యుత్‌ సరఫరా నిలిచిపోయింది. మాదాపూర్‌, సానత్‌నగర్‌, కూకట్‌పల్లి, మలక్‌పేట ప్రాంతాల్లో విద్యుత్‌ అంతరాయం చోటుచేసుకుంది. ట్రాఫిక్‌ జామ్‌లు నగరంలోని ప్రధాన రహదారులపై తలెత్తాయి.

ట్రాఫిక్‌ పోలీసులు సోషల్‌ మీడియాలో ప్రత్యేక సూచనలు జారీ చేశారు. “వర్షం సమయంలో అప్రయత్నంగా వాహనాలు నడపవద్దు. నీరు నిలిచిన రోడ్లను దాటే ప్రయత్నం చేయవద్దు” అని విజ్ఞప్తి చేశారు.

ప్రజలకు సూచనలు

వాతావరణ శాఖ అధికారులు, జీహెచ్‌ఎంసీ కలిసి ప్రజలకు పలు సూచనలు చేశారు.

అవసరం లేని సమయంలో బయటకు వెళ్లకూడదు.

విద్యుత్‌ తీగలు, చెట్లు పడిపోయిన చోట్ల దూరంగా ఉండాలి.

Also Read: చిచ్చర పిడుగు.. ఔరా అనిపిస్తున్న మంత్రి కొండా సురేఖ మనవడు..

రాబోయే రోజుల్లో వాతావరణం

వాతావణశాఖ తెలిపిన వివరాల ప్రకారం.. రాబోయే మూడు రోజులపాటు కొనసాగే అవకాశం ఉంది. హైదరాబాద్‌ పరిసర ప్రాంతాల్లో 6 నుంచి 10 సెంటీమీటర్ల వర్షపాతం నమోదవవచ్చని తెలిపారు. రాత్రివేళల్లో ఈదురు గాలులు, ఉరుములు మామూలుగా ఉండవని, కొన్ని ప్రాంతాల్లో ఆకస్మిక గాలివానలు సంభవించే అవకాశం ఉందని హెచ్చరించారు.