ISRO Jobs| భారత అంతరిక్ష పరిశోధనా సంస్థ (ISRO) సైంటిస్ట్/ఇంజినీర్ ‘SC’ పోస్టుల భర్తీకి దరఖాస్తులను ప్రారంభించింది. ఎలక్ట్రానిక్స్, మెకానికల్, కంప్యూటర్ సైన్స్ విభాగాల్లో ఈ నియామకాలను చేపడుతోంది. ISRO సెంట్రలైజ్డ్ రిక్రూట్మెంట్ బోర్డ్ (ICRB) ద్వారా ఈ నియామక ప్రక్రియ నిర్వహించనుంది.
ఈ రిక్రూట్మెంట్ ద్వారా మొత్తం 175 పోస్టులను భర్తీ చేయనున్నారు. ఈ పోస్టులు వివిధ ISRO కేంద్రాలతో పాటు ఫిజికల్ రీసెర్చ్ లేబొరేటరీ (PRL)లో ఉన్నాయి.
అర్హత ఉన్న అభ్యర్థులు ఆగస్టు 27, 2026 నుంచి ఆన్లైన్లో దరఖాస్తు చేసుకోవచ్చు. దరఖాస్తు ప్రక్రియ సెప్టెంబర్ 16, 2026 రాత్రి 11:55 గంటలకు ముగుస్తుంది. ఎంపికైన అభ్యర్థులకు పే మ్యాట్రిక్స్లో లెవల్ -10 కింద ఉద్యోగం లభిస్తుంది. ఈ పోస్టులకు కనీస ప్రాథమిక వేతనం నెలకు రూ.56,100గా ఉంటుంది.
ఎలక్ట్రానిక్స్ విభాగంలో ISRO కేంద్రాల్లో 99 ఖాళీలు ఉన్నాయి. మెకానికల్ ఇంజినీరింగ్ విభాగంలో 52 పోస్టులు అందుబాటులో ఉన్నాయి. కంప్యూటర్ సైన్స్ ఇంజినీరింగ్ విభాగంలో 21 ఖాళీలు ఉన్నాయి. PRLలో ఎలక్ట్రానిక్స్, మెకానికల్, కంప్యూటర్ సైన్స్ విభాగాల్లో ఒక్కో పోస్టు ఉంది. అయితే ప్రకటించిన ఖాళీలు ప్రస్తుతానికి తాత్కాలికమైనవిగా ఇస్రో పేర్కొంది. అవసరాలను బట్టి ఖాళీల సంఖ్యను పెంచే లేదా తగ్గించే అవకాశం ఉంది. అభ్యర్థులు దరఖాస్తు చేసే ముందు అధికారిక నోటిఫికేషన్ను పరిశీలించాలి.
అభ్యర్థులు సంబంధిత విభాగంలో బిఈ, బిటెక్ (BE, BTech) లేదా సమానమైన ఇంజినీరింగ్ డిగ్రీ కలిగి ఉండాలి. ఎలక్ట్రానిక్స్ పోస్టులకు ఎలక్ట్రానిక్స్ అండ్ కమ్యూనికేషన్ ఇంజినీరింగ్ డిగ్రీ అవసరం. మెకానికల్ పోస్టులకు మెకానికల్ ఇంజినీరింగ్ డిగ్రీ ఉండాలి. కంప్యూటర్ సైన్స్ పోస్టులకు కంప్యూటర్ సైన్స్ ఇంజినీరింగ్ డిగ్రీ అవసరం. అభ్యర్థులు తమ ఇంజినీరింగ్ డిగ్రీలో కనీసం 65 శాతం మార్కులు సాధించాలి. లేదా పది పాయింట్ల స్కేల్లో కనీసం 6.84 CGPA కలిగి ఉండాలి. యూనివర్సిటీ నిర్దేశించిన గడువులోనే డిగ్రీ పూర్తి చేసి ఉండాలి.
2026 సెప్టెంబర్ 16 నాటికి అభ్యర్థుల వయసు 28 సంవత్సరాలకు మించకూడదు. ప్రభుత్వ నిబంధనల ప్రకారం.. కొన్ని కేటగిరీలకు వయోపరిమితిలో సడలింపు ఉంటుంది. కేంద్ర ప్రభుత్వ ఉద్యోగులు, మాజీ సైనికులు, PwBD అభ్యర్థులకు వర్తించే సడలింపులు అందుబాటులో ఉంటాయి. ఈ పోస్టులకు భారతీయ పౌరులు మాత్రమే దరఖాస్తు చేసుకోవచ్చు.
Also Read: నెలకు రూ.10 లక్షల వరకు జీతం.. ప్రపంచమంతా తిరిగిరావొచ్చు.. ఇంటర్మీడియట్ ఉంటే చాలు
అభ్యర్థులు రూ.250 నాన్ – రిఫండబుల్ అప్లికేషన్ ఫీజు చెల్లించాలి. అయితే, ప్రతి అభ్యర్థి మొదట రూ.750 ప్రాసెసింగ్ ఫీజు చెల్లించాలి. Bharatkosh e-Payment గేట్వే ద్వారా ఫీజు ఆన్లైన్లో చెల్లించవచ్చు. ఇంటర్నెట్ బ్యాంకింగ్, UPI, దేశీయ డెబిట్ కార్డుల ద్వారా కూడా పేమెంట్ చేసే సౌలభ్యం ఉంది. నగదు, చెక్కు, డిమాండ్ డ్రాఫ్ట్, మనీ ఆర్డర్ లేదా IPOలను ISRO అంగీకరించదు. ఇతర వర్తించే సర్వీస్ ఛార్జీలను అభ్యర్థులే భరించాలి. మహిళలు, SC, ST, PwBD, మాజీ సైనికులకు అప్లికేషన్ ఫీజు నుంచి మినహాయింపు ఉంటుంది. వీరికి రాత పరీక్ష లేదా CBTకు హాజరైన తర్వాత ప్రాసెసింగ్ ఫీజు పూర్తిగా తిరిగి లభిస్తుంది.
Also Read: బాబోయ్.. ఇంటర్న్షిప్ చేస్తే నెలకు రూ.30 లక్షలు.. ఆ స్కిల్స్ ఉంటేనే
అర్హత ఉన్న అభ్యర్థులు అధికారిక ఇస్రో రిక్రూట్మెంట్ (ISRO Recruitment) వెబ్సైట్ సందర్శించాలి. రిజిస్ట్రేషన్ సమయంలో వ్యక్తిగత, విద్యా, సంప్రదింపు వివరాలను సరిగ్గా నమోదు చేయాలి. అవసరమైన పత్రాలను నిర్దేశించిన విధంగా అప్లోడ్ చేయాలి. అభ్యర్థులు సెప్టెంబర్ 16లోపు దరఖాస్తు పూర్తి చేసి, అవసరమైన ఫీజు చెల్లించాలి. దరఖాస్తు సమర్పించే ముందు అన్ని వివరాలను మరోసారి పరిశీలించాలి. సమర్పించిన తర్వాత అప్లికేషన్ కన్ఫర్మేషన్ భవిష్యత్ అవసరాల కోసం భద్రపరచుకోవాలి.
Share
Gundeninda GudiGantalu Today episode: ప్రభావతికి షాకిచ్చిన బాలు.. దొరికిపోయిన మౌనిక.. బాలు షాకింగ్ నిర్ణయం..?
చిన్న EV.. పెద్ద రేంజ్.. సుజుకి e స్కై ఫీచర్లు చూస్తే మతిపోవాల్సిందే!
