Karnataka Transport: ప్రభుత్వ బస్సులో ప్రయాణికులు ఎదుర్కొంటున్న ఇబ్బందులను స్వయంగా తెలుసుకోవాలని కర్ణాటక రవాణా శాఖ మంత్రి బైరతి సురేష్ తీసుకున్న నిర్ణయం ఇప్పుడు హాట్ టాపిక్ అయ్యింది. సాధారణ దుస్తుల్లో ప్రయాణికుడిగా బస్సు ఎక్కిన మంత్రి, సిబ్బంది తీరును స్వయంగా గమనించి, తప్పు చేసిన వారిపై మెరుపు వేగంతో చర్యలు తీసుకోవడం అందరినీ ఆశ్చర్యపరిచింది.
మంత్రి గారి మాస్టర్ ప్లాన్
బెంగళూరు నగరంలో ప్రభుత్వ బస్సుల పనితీరు, సిబ్బంది ప్రవర్తనపై ప్రజల నుంచి వస్తున్న ఫిర్యాదులను మంత్రి సీరియస్గా తీసుకున్నారు. తన హోదాను పక్కనపెట్టి, సామాన్య ప్రయాణికుడిలా బస్సు ఎక్కారు. బస్సులో ప్రయాణిస్తున్న సమయంలో, డ్రైవర్ ఒక నిర్ణీత బస్ స్టాప్లో ప్రయాణికులు ఉన్నప్పటికీ బస్సును ఆపకుండా వేగంగా వెళ్లిపోయారు. ప్రయాణికుల అసౌకర్యాన్ని గమనించిన మంత్రికి, సిబ్బంది నిర్లక్ష్యంపై తీవ్ర ఆగ్రహం కలిగింది.
Also Read: విజయవాడ ఆటోనగర్లో భారీ అగ్నిప్రమాదం.. 7 ప్రైవేట్ బస్సులు దగ్ధం!
తక్షణ చర్య.. కఠిన హెచ్చరిక
వెంటనే స్పందించిన మంత్రి, నిబంధనలను ఉల్లంఘించి, ప్రయాణికులను ఇబ్బంది పెట్టినందుకు సదరు డ్రైవర్,కండక్టర్లను తక్షణమే విధుల నుంచి సస్పెండ్ చేయాలని అధికారులను ఆదేశించారు. ప్రజా రవాణా వ్యవస్థలో బాధ్యతాయుతంగా ఉండాలని, నిర్ణీత స్టాప్లలో బస్సులను ఆపడం కనీస బాధ్యత అని ఆయన స్పష్టం చేశారు. ఈ ఘటనతో రవాణా శాఖ సిబ్బందిలో ఒక్కసారిగా అలజడి మొదలైంది. ఏ క్షణంలో ఏ అధికారి తనిఖీ చేస్తారో అన్న భయం సిబ్బందిలో పెరిగింది. ప్రయాణికుల సౌకర్యమే పరమావధిగా సిబ్బంది పని చేయాలని, లేనిపక్షంలో కఠిన చర్యలు తప్పవని మంత్రి ఈ ఉదంతం ద్వారా గట్టి సంకేతాలను పంపారు.
మారువేషంలో మంత్రి తనిఖీ.. బస్సు ఆపని డ్రైవర్, కండక్టర్ సస్పెండ్
కర్ణాటక రవాణా శాఖ మంత్రి బైరతి సురేష్ సాధారణ ప్రయాణికుడి వేషంలో బెంగళూరు ప్రభుత్వ బస్సుల్లో ఆకస్మిక తనిఖీలు నిర్వహించారు. ఈ క్రమంలో ఓ బస్సు డ్రైవర్, కండక్టర్ నిర్ణీత బస్ స్టాప్లో బస్సును ఆపకుండా వెళ్ళిపోవడాన్ని… pic.twitter.com/4cmJOW3UQQ
— BIG TV Breaking News (@bigtvtelugu) July 12, 2026
Share
ఏంటీ 43 ఇంచుల టీవీ ఇంత తక్కువ ధరకా ? తెలిస్తే షాక్ అవుతారు
స్మార్ట్ఫోన్ కోసం బెస్ట్ ఇయర్ఫోన్స్ కావాలా? తక్కువ ధరలో.. బోట్ బేస్హెడ్స్ 220 !
