ఢిల్లీ ఎర్రకోట పేలుడు కేసులో NIA బిగ్ యాక్షన్.. 7,500 పేజీల ఛార్జ్‌షీట్‌తో విదేశీ కుట్రల గుట్టురట్టు!

Delhi Bomb Blast: దేశ రాజధానిని వణికించిన నవంబర్ 10, 2025 ఎర్రకోట కారు బాంబు పేలుడు కేసులో జాతీయ దర్యాప్తు సంస్థ (NIA) సంచలన అడుగు వేసింది. ఈ దారుణ ఘటనకు సంబంధించి లోతైన విచారణ జరిపిన అధికారులు, తాజాగా NIA ప్రత్యేక కోర్టులో తొలి ఛార్జ్‌షీట్‌ను దాఖలు చేశారు. దాదాపు 7,500 పేజీల భారీ నివేదికతో కూడిన ఈ ఛార్జ్‌షీట్‌లో ఉగ్రవాదుల కుట్రలను, వారు పక్కా ప్లాన్‌తో అమాయక ప్రాణాలను ఎలా బలి తీసుకున్నారో సవివరంగా పొందుపరిచారు. ఈ భారీ డాక్యుమెంట్ కేసు తీవ్రతను కళ్ళకు కడుతోంది.

10 మంది నిందితులపై అభియోగాలు..
ఈ కేసులో ప్రధానంగా 10 మంది నిందితులను గుర్తిస్తూ ఎన్‌ఐఏ ఆరోపణలు నమోదు చేసింది. వీరిలో కొందరికి అంతర్జాతీయ ఉగ్రవాద సంస్థలతో సంబంధాలు ఉన్నట్లు సమాచారం. డిజిటల్ సాక్ష్యాలు, కాల్ డేటా రికార్డులు మరియు పేలుడు పదార్థాల సేకరణకు సంబంధించిన కీలక ఆధారాలను అధికారులు కోర్టుకు సమర్పించారు. సరిహద్దుల అవతల నుంచి అందిన ఆదేశాలతోనే ఢిల్లీ గుండెకాయ లాంటి ఎర్రకోట వద్ద ఈ విధ్వంసం సృష్టించినట్లు దర్యాప్తులో తేలింది.

నాడు ఏం జరిగింది?
గతేడాది నవంబర్ 10న చారిత్రక ఎర్రకోట పరిసరాల్లో పర్యాటకులు, స్థానికులతో రద్దీగా ఉన్న సమయంలో ఒక్కసారిగా కారులో బాంబు పేలింది. ఈ దుర్ఘటనలో 15 మంది ప్రాణాలు కోల్పోగా, అనేకమంది తీవ్రంగా గాయపడ్డారు. దేశవ్యాప్తంగా కలకలం రేపిన ఈ ఘోరకలిపై కేంద్ర ప్రభుత్వం అత్యున్నత స్థాయి దర్యాప్తుకు ఆదేశించింది. నాటి నుంచి నిందితుల కోసం వేట కొనసాగించిన ఎన్‌ఐఏ, ఎట్టకేలకు శాస్త్రీయ ఆధారాలతో నిందితుల చిట్టాను బయటపెట్టింది.

Also Read: యూపీలో కలకలం.. మనిషి గాలిలో ఎగరడం ఎప్పుడైనా చూశారా? ఈ వీడియో చూడండి!

కఠిన శిక్షలే లక్ష్యం.. ఉగ్రవాద మూలాలపై పంజా!
ఈ ఛార్జ్‌షీట్ దాఖలుతో నిందితులకు కఠిన శిక్ష పడటం ఖాయమని న్యాయనిపుణులు భావిస్తున్నారు. కేవలం పేలుడుకు పాల్పడిన వారే కాకుండా, వారికి ఆర్థిక సాయం అందించిన వారు, ఆశ్రయం కల్పించిన వారిని కూడా ఈ నివేదికలో చేర్చినట్లు తెలుస్తోంది. ఉగ్రవాద నెట్‌వర్క్‌ను పూర్తిగా తుడిచిపెట్టే దిశగా ఎన్‌ఐఏ వేస్తున్న ఈ అడుగులు, దేశ భద్రత పట్ల ఉన్న చిత్తశుద్ధిని చాటుతున్నాయి. తదుపరి విచారణలో మరిన్ని కీలక విషయాలు వెలుగులోకి వచ్చే అవకాశం ఉంది.

ఢిల్లీ కారు బాంబు పేలుడు కేసులో మొదటి ఛార్జ్‌షీట్‌ దాఖలు చేసిన NIA

NIA ప్రత్యేక కోర్టులో ఛార్జ్‌షీట్‌ దాఖలు చేసిన అధికారులు

7,500 పేజీల్లో 10 మంది నిందితులపై ఆరోపణలు

నవంబర్ 10, 2025న ఢిల్లీలోని ఎర్రకోట వద్ద కారు బాంబు పేలుడు ఘటనలో 15 మంది మృతి

NIA files chargesheet against… pic.twitter.com/QYqrEMEWsN

— BIG TV Breaking News (@bigtvtelugu) May 14, 2026