Horse: కల్యాణ్ రామ్ హీరోగా వచ్చిన జయీభవ సినిమాలో బ్రహ్మానందం పెళ్లికొడుకుగా ముస్తాబై గుర్రం మీద ఊరేగుతుండగా.. టపాకుల శబ్ధానికి ఒక్కసారిగా గుర్రం పరుగులు తీస్తుంది. దానిపై కూర్చున్న బ్రహ్మానందం కాపాడండిరోయ్ అంటూ కేకలు వేస్తాడు. సేమ్ టూ సేమ్ అటువంటి ఘటనకు సంబంధించిన ఓ వీడియో ప్రస్తుతం సోషల్ మీడియాలో వైరలవుతోంది.
వీడియోలో.. పెళ్లికొడుకు అందంగా ముస్తాబై గుర్రంపై ఊరేగింపుగా పెళ్లికూతురు ఇంటికి చేరుకుంటాడు. అమ్మాయి తరుపు వారు బ్యాండు మేళాతో ఘనంగా అతడికి స్వాగతం పలుకుతారు. ఆదే సమయంలో కొందరు టపాసులు కాల్చడంతో ఒక్కసారిగా గుర్రం బెదిరిపోయి పరుగులు తీస్తుంది. అయితే గుర్రంతో పాటు దానిపై కూర్చున్న వరుడు కూడా వెళ్లడంతో అక్కడున్నవారంతా ఆందోళనకు గురవుతారు.
వెంటనే గుర్రాన్ని పట్టుకోవడానికి దానివెనకాలే యజమాని కూడా పరుగెత్తుతాడు. ఈ ఘటన ఎక్కడ జరిగిందో తెలియదుకానీ.. సోషల్ మీడియాలో తెగ వైరలవుతోంది. వీడియో చూసిన నెటిజన్లు ఫన్నీగా కామెంట్లు పెడుతున్నారు.