Best Biopic Movies OTT : బాలీవుడ్ అయినా, దక్షిణాది సినిమా అయినా.. బయోపిక్లకు ప్రేక్షకుల్లో ఒక ప్రత్యేక స్థానం ఉంటుంది. ఇవి కేవలం వినోదం ఇవ్వడం మాత్రమే కాదు, నిజ జీవితంలో కష్టాలు పడి, కన్న కలలు సాధించిన వ్యక్తుల కథలను మన ముందుకు తెస్తాయి. ఇలాంటి సినిమాలు చూస్తే మనలో కూడా ఒక ఉత్సాహం, ధైర్యం వస్తుంది. జియో హాట్స్టార్లో ఇప్పుడు ఇలాంటి అద్భుతమైన బయోపిక్లు అందుబాటులో ఉన్నాయి. ఈ సినిమాలన్నీ IMDbలో 8 పైనే రేటింగ్లు సాధించాయి. మీరు ఇంకా చూడకపోతే.. తప్పక చూడండి.
ఈ సినిమా చూస్తే నిజంగా కళ్లు చెమ్మగిల్లుతాయి. పేద కుటుంబం నుంచి వచ్చిన మనోజ్ కుమార్ శర్మ UPSC పరీక్షకు ఎలా సిద్ధమయ్యాడు ? ఎన్ని కష్టాలు ఎదుర్కొన్నాడు ? అనేది మనసుకు హత్తుకునే విధంగా చూపించారు. విక్రాంత్ మాస్సే అద్భుతంగా నటించాడు. ఒక్కసారి చూస్తే మళ్లీ చూడాలనిపిస్తుంది.
భారత క్రికెట్ హీరో మహేంద్ర సింగ్ ధోని జీవితం ఆధారంగా తెరకెక్కింది ఈ మూవీ. చిన్న పట్టణం నుంచి భారత కెప్టెన్ అయ్యే వరకు అతని ప్రయాణం చాలా ఇన్స్పైరింగ్ గా ఉంటుంది. సుశాంత్ సింగ్ రాజ్పుత్ ధోని పాత్రలో బాగా నటించాడు. క్రికెట్ ఫ్యాన్స్ ఇది తప్పక చూడాల్సిన సినిమా.
భారత అంతరిక్ష కార్యక్రమానికి ఎంతో సేవ చేసిన శాస్త్రవేత్త నంబి నారాయణన్ కథ ఇది. తప్పుడు ఆరోపణలు, కష్టాలు ఎదుర్కొన్నా దేశం కోసం తనను తాను అంకితం చేసుకున్న అతని ప్రయాణం చాలా బలంగా ఉంటుంది. ఇందులో మెయిన్ లీడ్ గా ఆర్. మాధవన్ అద్భుతంగా నటించాడు.
గణిత శాస్త్రవేత్త ఆనంద్ కుమార్ కథ ఇది. పేద విద్యార్థులను ఐఐటీలోకి తీసుకురావడం కోసం అతను చేసిన కృషి చాలా స్ఫూర్తిదాయకం. హృతిక్ రోషన్ ఈ పాత్రలో అద్భుతంగా నటించారు. చదువు పవర్ ని ఈ సినిమా చాలా అందంగా చూపించింది.
జాతీయ స్థాయి అథ్లెట్ పాన్ సింగ్ తోమర్ కథ ఇది. క్రీడల నుంచి తిరుగుబాటు వైపు అతని ప్రయాణం చాలా ఆసక్తికరంగా ఉంటుంది. ఇర్ఫాన్ ఖాన్ అద్భుతమైన నటనతో ఈ సినిమాను ఇప్పటికీ ప్రత్యేకంగా నిలిపాడు.
Also Read : ఒకే ఓటీటీలో 15 సినిమాలు… తెలుగులో 8… స్ట్రీమింగ్ ఎక్కడంటే ?
క్రికెటర్ ప్రవీణ్ తాంబే కథ ఈ బయోపిక్. తన కెరీర్ ముగిసిన సమయంలో కూడా కొత్త దిశను ఏర్పరచుకున్న అతని ప్రయాణం చాలా మందికి స్ఫూర్తి. ఈ సినిమా కూడా స్పోర్ట్స్ లవర్స్ కి బాగా నచ్చుతుంది. ఈ బయోపిక్లు కేవలం సినిమాలు కాదు.. నిజ జీవితాల నుంచి తీసుకున్న పాఠాలు. జియో హాట్స్టార్లో ఉచితంగా లేదా సబ్స్క్రిప్షన్తో చూడవచ్చు.
Share
'హీరామండి 2' స్టోరీని లీక్ చేసిన హీరోయిన్... మాములుగా లేదుగా
Today Movies in TV : బుధవారం టీవీ సినిమాలు.. వీటిని అస్సలు మిస్ అవ్వకండి 
