Horror Movie OTT : కుటుంబ సభ్యులతో కలిసి గడిపి, భర్తను కోల్పోయిన బాధ నుంచి కాస్త బయటపడాలని ఓ మహిళ అత్తింటికి వెళ్తుంది. కానీ అక్కడ ఆమెకు ఎదురయ్యే పరిస్థితులు ఊహించని విధంగా మారిపోతాయి. శాపగ్రస్తమైన పుస్తకం నుంచి విడుదలైన దుష్టశక్తి కుటుంబ సభ్యులను ఒక్కొక్కరిగా ఆవహిస్తే? నిన్నటి వరకు ఆప్యాయంగా ఉన్నవారే ప్రాణాలు తీసేందుకు వెంటపడితే? అత్తింట్లో సేదతీరాలనుకున్న ఆమె ప్రాణాల కోసం పోరాడాల్సి వస్తుంది. ఇలాంటి భయానక దృశ్యాలు, రక్తపాతం, ప్రాణాల కోసం పోరాటంతో సాగే హారర్ చిత్రం ‘ఈవిల్‌ డెడ్‌ బర్న్‌’ (Evil Dead Burn). మరి ఈ సినిమాను తెలుగులో ఎక్కడ చూడొచ్చు ? ఎన్ని ఓటీటీలలో సినిమా స్ట్రీమింగ్ అవుతోంది ? అనే వివరాల్లోకి వెళ్తే…
అలీస్‌ తన భర్తను కోల్పోయి తీవ్ర విషాదంలో ఉంటుంది. ఆ బాధ నుంచి బయట పడేందుకు, ఒంటరితనాన్ని మర్చిపోయేందుకు భర్త కుటుంబ సభ్యులను కలవాలని నిర్ణయించుకుంటుంది. దీంతో మారుమూల ప్రాంతంలో ఉన్న అత్తింటికి వెళ్తుంది. అక్కడ కుటుంబ సభ్యులతో కలిసి కొంత సమయం గడపొచ్చని భావిస్తుంది. కానీ ఆమెకు అక్కడ ఊహించని షాక్ తగులుతుంది. ఆ ఇంట్లోకి ప్రవేశించిన దుష్టశక్తి కుటుంబ సభ్యులను ఒక్కొక్కరిగా ఆవహించడం మొదలు పెడుతుంది. దాని ప్రభావానికి గురైనవారు సాధారణ మనుషుల్లా ప్రవర్తించరు. భయంకరమైన రూపాల్లోకి మారి, ఎదుటివారిపై దాడి చేస్తుంటారు.
దీంతో కుటుంబ సభ్యులంతా కలిసి గడపాల్సిన సమయం కాస్తా ప్రాణాల కోసం పోరాడే భయానక పరిస్థితిగా మారిపోతుంది. ఎవరిని నమ్మాలో, ఎవరికి దూరంగా ఉండాలో అర్థంకాని పరిస్థితి అలీస్‌కు ఎదురవుతుంది. ఇక్కడ అలీస్‌ ఎదుర్కొనే ప్రమాదం కేవలం దుష్టశక్తి దాడులతోనే ముగియదు. తనకు దగ్గరైనవారే దాని ప్రభావానికి గురవుతుండటంతో, వారిని కాపాడాలా ? లేక తన ప్రాణాలను రక్షించుకునేందుకు అక్కడి నుంచి తప్పించుకోవాలా ? అనే పరిస్థితిలో చిక్కుకుంటుంది.
మరి అలీస్‌ తన కుటుంబాన్ని కాపాడుకోగలుగుతుందా ? దుష్టశక్తి నుంచి బయట పడేందుకు ఆమె ఎలాంటి పోరాటం చేయాల్సి వస్తుంది ? భర్తకు ఇచ్చిన వాగ్దానాలు చివరకు ఆమెకు ఎలా ఉపయోగపడతాయి ? అనేవి కథలోని ప్రధాన అంశాలు. కుటుంబ బంధాలను భయానక శక్తులతో ముడిపెట్టి, రక్తపాతంతో కూడిన ఉత్కంఠభరితమైన థ్రిల్ అందించేలా ఈ చిత్రాన్ని తెరకెక్కించారు.
Also Read : మోనాలిసా పెయింటింగ్‌ కొట్టేయడానికి మాస్టర్‌ప్లాన్‌… ఫ్యామిలీ ఫ్యామిలీకి ఇదే పనా ? క్రేజీ క్రైమ్ కామెడీ
‘ఈవిల్‌ డెడ్‌ బర్న్‌’ జీ5 (ZEE5)లో అద్దెకు అందుబాటులో ఉంది. ఇంగ్లీష్‌, హిందీ, తమిళం, తెలుగు ఆడియోలు అందుబాటులో ఉన్నాయి. అలాగే నెట్‌ఫ్లిక్స్‌ (Netflix)లో కూడా స్ట్రీమింగ్ అవుతోంది. కానీ ఇండియాలో అందుబాటులో లేదు. ఈ హర్రర్ సినిమాలో సౌహేలా యాకూబ్‌ (Souheila Yacoub), టాండి రైట్‌ (Tandi Wright), హంటర్‌ డూహన్‌ (Hunter Doohan), లూసియాన్‌ బుకానన్‌ (Luciane Buchanan) తదితరులు నటించారు. సెబాస్టియన్‌ వానిచెక్‌ (Sébastien Vaniček) దర్శకత్వం వహించారు.
Share
యూట్యూబ్ ఛానెల్ పెడుతున్నారా? ఈ కంటెంట్‌తో వీడియోలు చేస్తే మీరే కింగ్.. కనక వర్షం కురవాల్సిందే!
మంగ్లీ ఎలాంటిది అంటే .. చరణ్ అర్జున్ ఎమోషనల్ కామెంట్స్
