Malayalam Comedy Series OTT : కాలేజీ రోజుల్లో స్నేహితులతో కలిసి ఏదో ఒకటి సాధించాలని చాలామంది కలలు కంటారు. ఒక చిన్న వ్యాపారం మొదలు పెట్టాలని, తమకంటూ ఓ గుర్తింపు తెచ్చుకోవాలని, అందరికీ తామేంటో చూపించాలని అనుకుంటారు. కానీ కలలు కనడం సులువు, వాటిని నిజం చేయడం మాత్రం అంత ఈజీ కాదు. ముఖ్యంగా స్నేహితులందరికీ వేర్వేరు అభిప్రాయాలు, ఆశలు, అహాలు ఉంటే చిన్న నిర్ణయం కూడా పెద్ద గొడవగా మారుతుంది. ఇలాంటి పరిస్థితులను వినోదం, భావోద్వేగాలతో చూపించే వెబ్‌ సిరీస్ ‘కప్పి స్క్వాడ్‌’ (Kappi Squad). ఈ మలయాళం కామెడీ సిరీస్ ను ఎక్కడ చూడవచ్చు ? అంటే…
ఈ సిరీస్ కథ నలుగురు యువకుల చుట్టూ తిరుగుతుంది. వాళ్లందరికీ జీవితంలో ఏదో సాధించాలనే కోరిక ఉంది. అయితే వారి వ్యక్తిగత అసంతృప్తులు, ఆత్మవిశ్వాస లోపాలు, అహం, ఇతరుల నుంచి గుర్తింపు పొందాలనే తపన వారి నిర్ణయాలను ప్రభావితం చేస్తుంటాయి. ఈ నలుగురూ కలిసి ఓ కేఫ్‌ ప్రారంభించాలని నిర్ణయించుకోవడంతో కథకు మంచి ఊపు వస్తుంది. వ్యాపారం మొదలు పెట్టడం వెనుక వాళ్ళకు ఉండే ఆశయం కేవలం డబ్బు సంపాదించడం మాత్రమే కాదు. తాము కూడా ఏదో చేయగలమని ఇతరులకు నిరూపించుకోవాలనే కోరిక కూడా ఉంటుంది.
కేఫ్‌ ప్రారంభమైన తర్వాత పరీక్ష మొదలవుతుంది. ఒకరి ఆలోచన మరొకరికి నచ్చకపోవచ్చు. ఎవరి మాటకు విలువ ఇవ్వాలి, నిర్ణయాలు ఎవరు తీసుకోవాలి, కష్టపడుతున్నది ఎవరు, పేరు సంపాదిస్తున్నది ఎవరు అనే విషయాలు స్నేహంలోనే చిన్న చిన్న చిచ్చులు పెట్టగలవు. వ్యాపారాన్ని నిలబెట్టుకోవాలంటే పరస్పర నమ్మకం అవసరం. కానీ గర్వం ఎక్కువైతే అదే ఫ్రెండ్షిప్ లో డేంజర్ గా మారే ప్రమాదం ఉంటుంది. ఈ యువకులు తమ మధ్య ఉన్న విభేదాలను ఎలా ఎదుర్కొంటారు ? తమ కలను నిలబెట్టుకోవడానికి, మారడానికి ఎంత వరకు సిద్ధపడతారు ? అన్నది సిరీస్ లో చూడాల్సిన కథ.
Also Read : కాబోయే భార్యకు కుక్కలంటే అలర్జీ… ప్రాణంగా పెంచుకున్న పెట్‌ను ఏం చేశాడంటే ? డాగ్ లవర్స్ డోంట్ మిస్
‘కప్పి స్క్వాడ్‌’ అక్టోబర్‌ 15 నుంచి జియో హాట్‌స్టార్‌ (Jio Hotstar)లో స్ట్రీమింగ్‌ కు వచ్చింది. ఈ సిరీస్ ను తెలుగు సహా పలు భాషల్లో డబ్‌ చేసి విడుదల చేశారు. స్నేహితులతో కలిసి చూడదగిన సరదా కథలు, యువత జీవితంలోని ఒత్తిళ్లు, కలలు, అహాల మధ్య జరిగే సంఘర్షణలు ఇష్టపడేవారికి ‘కప్పి స్క్వాడ్‌’ మంచి ఆప్షన్. ఇందులో రినోష్‌ జార్జ్‌ (Rinosh George), జోయెల్‌ జోసెఫ్‌ (Joel Joseph), అనఘా అజిత్‌ (Anagha Ajith), దియా దీపన్‌ (Diya Deepan), అభిరామి దయానందన్‌ (Abhirami Dayanandan) తదితరులు ఇందులో నటించారు. శ్రీకాంత్‌ మోహన్‌ (Sreekanth Mohan) ఈ సిరీస్‌ను రూపొందించగా, బెల్‌రాజ్‌ కలరిక్కల్‌ (Belraj Kalarickal) దర్శకత్వం వహించారు.
Share
లింక్డ్‌ఇన్ డేటాతో యువతికి వేధింపులు.. జాబ్ కోసం నంబర్ ఇస్తే.. ఇదా పరిస్థితి?
కేవలం 14 రోజుల పాటు షుగర్‌కు దూరంగా ఉంటే.. శరీరంలో జరిగే మార్పులివే!
