29 OTT Release Date : తమిళ చిత్రం ’29’ థియేటర్లలో ప్రేక్షకుల హృదయాలను గెలుచుకోవడంలో సక్సెస్ అయ్యింది. ఈ ఎమోషనల్ రొమాంటిక్ డ్రామా ప్రేక్షకులను తెగ ఆకట్టుకుంది. ఇలాంటి ఫీల్ గుడ్ మూవీని ఒకవేళ మీరు థియేటర్లలో చూడలేకపోయినా, చింతించాల్సిన అవసరం లేదు. ఎందుకంటే విడుదలై నెల కూడా కాకుండానే చిత్ర నిర్మాతలు ఈ సినిమాను ఇంట్లోనే చూసేందుకు ప్రేక్షకులకు అవకాశాన్ని కల్పించారు. తాజాగా ’29’ ఓటీటీ విడుదల తేదీని నిర్మాతలు వెల్లడించారు. ’29’ మూవీ ఎప్పుడు, ఏ ఓటీటీ ప్లాట్ఫామ్లో వస్తుందో ఇప్పుడు తెలుసుకుందాం పదండి.
మే 8న థియేటర్లలో విడుదలై మంచి స్పందనను అందుకుంది ’29’ చిత్రం. అయితే నెల కూడా గడవకముందే ఈ సినిమా ఇప్పుడు ఓటీటీ ప్లాట్ఫామ్లలోకి రాబోతుండడం విశేషం. విధు, ప్రీతి అశ్రాని ఇందులో ప్రధాన పాత్రల్లో నటించారు. ఈ జంట కెమిస్ట్రీ అభిమానులను బాగా ఆకట్టుకుంది. ఈ చిత్రం జూన్ 5న ఓటీటీ ప్లాట్ఫామ్లలో స్ట్రీమ్ అవుతుందని మేకర్స్ అనౌన్స్ చేశారు.
Also Read : బాలికలకు వరం… సుకన్య సమృద్ధి యోజనలో ఇలా పెట్టుబడి పెడితే మీ కూతురుకి 50 లక్షలు పక్కా
మరి ఈ చిత్రాన్ని ఎక్కడ చూడవచ్చని ఆలోచిస్తున్నారా ? ఈ చిత్రం నెట్ఫ్లిక్స్లో స్ట్రీమింగ్ కి అందుబాటులోకి రానుంది. థియేటర్లలో బ్లాక్ బస్టర్ హిట్ అందుకున్న ఈ మూవీ ఓటీటీలో ఎలాంటి రెస్పాన్స్ అందుకుందో చూడాలి. రత్న కుమార్ దర్శకత్వం వహించిన ఈ చిత్రాన్ని ప్రముఖ కోలీవుడ్ డైరెక్టర్స్ లోకేష్ కనగరాజ్ జీ స్క్వాడ్, కార్తీక్ సుబ్బరాజ్ స్టోన్ బెంచ్ క్రియేషన్స్ సంయుక్తంగా నిర్మించారు.
Also Read : డాలర్లు అమ్మడం ద్వారా ఆర్బీఐకి లక్షల కోట్ల లాభం… రూపాయి విలువను కాపాడే వ్యూహం వెనుక ఉన్న అసలు కథ ఇదే
29 అనేది ఒక అందమైన, యవ్వనంలోకి అడుగుపెట్టే ప్రేమకథ. హృదయానికి హత్తుకునే ఈ ఫీల్ గుడ్ లవ్ స్టోరీలో జీవితంలో ఒక లక్ష్యం, దిశ కోసం అన్వేషించే 29 ఏళ్ల సత్య అనే యువకుడి చుట్టూ ఈ కథ తిరుగుతుంది. ఈ క్రమంలో అతను విజి అనే అమ్మాయిని కలుస్తాడు. సత్య పాత్రలో విధు, విజి పాత్రలో ప్రీతి జీవించారనే చెప్పాలి. వారిద్దరి కలయిక కథకు ఒక కొత్త మలుపుని తీసుకొస్తుంది. జీవితం పట్ల వారి దృక్పథం మారడం షురూ అయ్యాక కథలో ట్విస్ట్ ఉంటుంది. ఈ చిత్రంలో విధు, ప్రీతిలతో పాటు ఫాతిమా, అవినాష్, ప్రేమ్, మహేంద్రన్ కూడా నటించారు. ఈ కథ రొమాంటిక్గా, భావోద్వేగభరితంగా ఉంటుంది. మరి మీరు కూడా ఈ మూవీ స్ట్రీమింగ్ కోసం ఈగర్ గా వెయిట్ చేస్తున్నారా ? అయితే మరో నాలుగు రోజులు వెయిట్ చేయాల్సిందే. కానీ ఓటీటీలో ఈ మూవీని డోంట్ మిస్.
Share
ఓటీటీ ప్రియులు ఎగిరి గంతేసే ఆఫర్.. రూ.99లకే సోనీ లివ్, ఆహాతో పాటు 20 ఓటీటీలు ఫ్రీ!
టేస్టీ బ్రేక్ఫాస్ట్ కావాలని పిల్లలు మారం చేస్తున్నారా? ఇది ఒక్కసారి తింటే మళ్లీ మళ్లీ తింటారు
