Linkedin Jobs : ఉద్యోగాన్వేషణ కోసం మంచి ప్రొఫైల్ను రూపొందించి జాబ్ సెర్చింగ్ వేదికల్లో అప్లోడ్ చేయడం తెలిసిన విషయమే. అందులో తమకు కావల్సిన ఉద్యోగం, జాబ్ అర్హతలు తదితర విషయాలను అప్లోడ్ చేస్తుంటారు. అయితే ఇలాంటి ప్లాట్‌ఫామ్‌లో లింక్డ్ ఇన్ ముందు వరుసలో ఉంటుంది. చాలా మందికి ఈ లింక్డ్ ఇన్ గురించి తెలిసే ఉంటుంది. ఉద్యోగాన్వేషణ కోసం ఎక్కువ మంది ఈ ప్లాట్ ఫామ్నే అన్వేషిస్తుంటారు.
లింక్డ్ ఇన్ చాలా పెద్ద సోష‌ల్ మీడియా, జాబ్ సెర్చింగ్ ప్లాట్‌ఫామ్‌. ఫేస్ బుక్‌, ఇన్‌స్టా లాగా లింక్డ్ ఇన్ అకౌంట్ను కూడా చాలా సులభంగా వినియోగించవచ్చు. అందుకే ఈ ప్లాట్ ఫామ్లో అకౌంట్ ఉండటం, కేవలం ఉద్యోగుల‌కు మాత్ర‌మే కాదు ఫ్రీ ల్యాన్స‌ర్ల‌కు, బిజినెస్ ప‌ర్స‌న్ల‌కు ఎంతగానో ఉపయోగపడుతుంది. దీంతో ప్రతి ఒక్కరినీ ఇది బాగా ఆకట్టుకుంటోంది.
బిజినెస్ను విస్త‌రించ‌డానికి కూడా ఈ లింక్డ్ ఇన్ బెస్ట్ సోష‌ల్ మీడియా ప్లాట్ ఫామ్ అని ఇప్పటికే చాలా సార్లు నిరూపితమైంది. అలానే ఉద్యోగం మారాల‌నుకునేవారికి, కొత్త‌గా ఉద్యోగం కోసం ప్ర‌య‌త్నించేవారికి, ముఖ్యంగా మ‌న రిలేటెడ్ పీల్డ్కు సంబంధించిన జాబ్ ప్రొఫెష‌న‌ల్స్‌తో ప‌రిచ‌యాలు పెంచుకునేందుకు, వారి ద్వారా ఉద్యోగం సంపాదించుకోవడం వంటివి మరింత సుల‌భం అవుతుంది. అలానే త‌మలో ఉన్న ప్రతిభ, తెలిసిన టెక్నాల‌జీల‌కు సంబంధించిన వివ‌రాల‌ను ప‌బ్లిక్ ప్రొఫైల్లో ప్ర‌ద‌ర్శించ‌డం వల్ల, ఎంప్లాయిర్‌ల‌ను, కంపెనీ యాజమాన్యాన్ని బాగా ఆకర్షించవచ్చు.
అయితే ఈ లింక్డ్ ఇన్లో కేవలం అకౌంట్ క్రియేట్ చేస్తే సరిపోదు. అందులో ప్రొఫైల్ను కూడా ఆకర్షణీయంగా రూపొందించాలి. అప్పుడే మనం ఎదుటువారిని ఆకర్షించవచ్చు. అందుకే ఆకర్షణీయమైన ప్రొఫైల్ తయారు చేసేందుకు కొన్ని చిట్కాలను మీ ముందుకు తీసుకొచ్చాం. .
అసలు ప్రొఫైల్ అంటే ముందుగా టక్కున గుర్తుకొచ్చేది ఫొటో. ఇదే ముందుగా అందరి దృష్టిని ఆకర్షిస్తుంది. అందుకే సెల్ఫీలు, బర్ల్ ఫొటోలు, క్యాండిడ్ ఫొటోలు కాకుండా మంచి ప్రొఫైషన్ ప్రొఫైల్ ఫొటోను అప్లోడ్ చేయడం చాలా ముఖ్యం. అదే మీ ప్రొఫైల్ చూసేవారికి మొదటి ఇంప్రెషన్ ఇస్తుంది.
ALSO READ : స్మార్ట్‌ రింగారే – 6 రంగులతో 12 రకాల సైజులలో… తక్కువ ధరకే, సూపర్ ఫీచర్స్తో!
కాబట్టి ప్రొఫైల్ ఎంత ప్రొఫైషనల్ ఉంటే అంత ఆకర్షణీయంగా రిక్రూటర్లకు బాగా కనిపిస్తుంది. అయితే ఎంచుకున్న రంగానికి అనుగుణంగా ప్రొఫైల్ ఉండటం మరింత ముఖ్యం అని గుర్తు పెట్టుకోవాలి. అలాగే దాన్ని ఎప్పటికప్పుడు అప్డేట్ కూడా చేస్తుండాలి.
ఈ ప్రొఫైల్లో మీ ఎక్స్పీరియన్స్, స్కిల్స్, ప్రస్తుతం చేస్తున్న పని వివరాలు గురించి స్పష్టంగా పేర్కొనాలి. ఇందుకోసం ముఖ్యమైన కీవర్డ్లను ఉపయోగించాలి. అప్పుడు అది మరింత మందికి చేరువ అవుతుంది.
అలానే ఎక్కడ ఉద్యోగం చేయాలనుకుంటున్నారో ఆయా సంస్థల ప్రొఫైల్ను ఫాలో అవ్వాలి. ఎందుకంటే ఆ సంస్థల్లో ఏవైనా ఓపెనింగ్స్ పడినప్పుడు, లేదంటే కంపెనీకు సంబంధించిన సమాచారం తెలుసుకోవడానికి ఇది బాగా ఉపయోగపడుతుంది.
ఇంకా బడా కంపెనీల హెచ్ఆర్ మేనేజర్లు, రిక్రూటర్లను కూడా ఫాలో అవ్వాలి. ఇది మీ నెట్వర్క్ను పెంచుకొనేందుకు బాగా సాయపడుతుంది.
లింక్డ్ ఇన్ ఓపెన్ టు నెట్వర్క్ ఫీచర్ను యాక్టివేట్ చేయాలి. దీంతో ఫలానా ప్రొఫైల్ ఉద్యోగాన్వేషణలో ఉందనే విషయం రిక్రూటర్లకు పక్కాగా తెలుస్తుంది.
లింక్డ్ ఇన్లో మీ టాలెంట్ను నిరూపించుకునేందుకు, మీలో ఉన్నా సత్తా తెలిపేందుకు ఎప్పటికప్పుడు ఆర్టికల్స్, పబ్లిష్ చేస్తుండాలి. అప్పుడు మీరు పని చేస్తున్న రంగంపై మీకున్న పట్టు, జ్ఞానం, దానిపై ఉన్న అభిరుచి కూడా రిక్రూటర్లకు తెలుస్తుంది. లింక్డ్ ఇన్లోని ప్రొఫైషనల్ గ్రూప్లు జాయిన్ అవ్వాలి. అప్పుడు మీరున్న రంగంలోని కొత్త పోకడలు తెలుసుకునేందుకు కూడా ఇది సాయపడుతుంది.
Share
Weekly Horoscope: వచ్చే వారం రోజుల పాటు మీ జాతకం ఎలా ఉండబోతుందో తెలుసా ?
Grah Dosh Nivaran in Navratri 2024: నవ రాత్రులలో ఈ మహా మంత్రాలను జపిస్తే అతి పెద్ద గ్రహ దోషాలు కూడా క్షణంలో తొలగిపోతాయి !
