OPPO A6 Pro Mobile: టెక్ ప్రపంచంలో ప్రతి బ్రాండ్కి తనదైన ప్రత్యేకత ఉంటుంది. కానీ అందరిలో కాస్త వెరైటీగా, డిజైన్, కెమేరా, బ్యాటరీ లైఫ్లలో కొత్త ప్రయోగాలు చేయడంలో ముందుంటుంది ఒప్పో. ఈ బ్రాండ్ ఎప్పుడూ వినియోగదారుల అవసరాలను గుర్తించి, వాటికి తగ్గ అద్భుత ఫీచర్లతో కొత్త ఫోన్లు తీసుకురావడంలో ప్రసిద్ధి. ఇప్పుడు అదే ఒప్పో నుంచి మరో సూపర్ హిట్ ఫోన్ మార్కెట్లోకి రావడానికి రెడీగా ఉంది. అదే ఒప్పో ఏ6 ప్రో.
డిజైన్ చాలా స్లిమ్
ఇప్పుడు దీని డిజైన్ గురించి మాట్లాడితే, ఏ6 ప్రో చాలా స్లిమ్గా, ప్రీమియం ఫినిష్తో కనిపిస్తుంది. వెనుక భాగంలో మెట్ లుక్తో పాటు మెరుస్తున్న కెమెరా మాడ్యూల్ ఫోన్కి రిచ్ ఫీలింగ్ ఇస్తుంది. పెద్ద బ్యాటరీ ఉన్నా కూడా ఫోన్ చేతిలో బరువుగా అనిపించదు. ఒప్పో ఈసారి డిజైన్ మీద చాలా శ్రద్ధ పెట్టింది.
అమోలేడ్ స్క్రీన్తో డిస్ప్లే
డిస్ప్లే విషయానికి వస్తే, ఇది 6.7 ఇంచుల ఎఫ్హెచ్డి ప్లస్ అమోలేడ్ స్క్రీన్తో వస్తోంది. 120Hz రిఫ్రెష్ రేట్ సపోర్ట్ ఉన్నందున, స్క్రోలింగ్, గేమింగ్, వీడియో ప్లేబ్యాక్ అన్నీ చాలా స్మూత్గా ఉంటాయి. కలర్స్ కూడా విపరీతంగా బ్రైట్గా కనిపిస్తాయి, అంటే సినిమాలు, యూట్యూబ్ వీడియోలు చూడడానికి ఇది సూపర్గా ఉంటుంది.
7000 mAh కెపాసిటీ బ్యాటరీ
ఇప్పుడు ప్రధాన విషయం బ్యాటరీ. 7000 mAh కెపాసిటీ అనగానే పెద్దదే కానీ, ఒప్పో దీనిని స్మార్ట్ పవర్ మేనేజ్మెంట్తో కలిపింది. అంటే బ్యాటరీ ఎక్కువగా నిలబడడమే కాదు, వాడకం కూడా సమర్థవంతంగా ఉంటుంది. ఒకసారి పూర్తిగా చార్జ్ చేస్తే రెండు రోజుల వరకు సులభంగా కొనసాగుతుంది. అంతేకాదు, 80W సూపర్వూక్ ఫాస్ట్ ఛార్జింగ్ సపోర్ట్ కూడా ఉంది. అంటే కేవలం అరగంటలో 70 శాతం వరకు చార్జ్ అవుతుంది.
50 మెగాపిక్సెల్ ప్రైమరీ సెన్సార్ కెమెరా
కెమెరా సెక్షన్లో 50 మెగాపిక్సెల్ ప్రైమరీ సెన్సార్తో పాటు 2 మెగాపిక్సెల్ డెప్త్ సెన్సార్ కూడా ఉంది. డేలైట్ ఫోటోలు, పోర్ట్రెయిట్ షాట్లు చాలా క్లియర్గా వస్తాయి. రాత్రివేళ తీసిన ఫోటోలు కూడా ఒప్పో ప్రత్యేక ఏఐ ఎన్హాన్స్మెంట్ వల్ల బాగానే క్వాలిటీ ఇస్తాయి. ఫ్రంట్ కెమెరా 16 మెగాపిక్సెల్గా ఉంది కాబట్టి సెల్ఫీ లవర్స్కి ఇది సరైన ఎంపిక. వీడియో రికార్డింగ్లో కూడా స్థిరత్వం ఉంది, అంటే హ్యాండ్హెల్డ్గా తీయినా ఎక్కువ షేక్ కనిపించదు.
Also Read: Luxury Mattresses: అమెజాన్లో లగ్జరీ మెట్రెస్పై భారీ తగ్గింపు.. ఈ ఆఫర్ మిస్ అవ్వకండి..
7000 సిరీస్ చిప్సెట్
పెర్ఫార్మెన్స్ విషయానికి వస్తే, ఇందులో మీడియాటెక్ డైమెన్సిటీ 7000 సిరీస్ చిప్సెట్ వాడారు. ఇది గేమింగ్, వీడియో ఎడిటింగ్, మల్టీటాస్కింగ్ వంటి పనుల్లో చక్కగా పనిచేస్తుంది. కలర్స్ ఓఎస్ ఆధారంగా ఆండ్రాయిడ్ 14 ఆపరేటింగ్ సిస్టమ్తో ఇది వస్తోంది. ఇంటర్ఫేస్ కూడా క్లిన్గా, యూజర్ ఫ్రెండ్లీగా ఉంటుంది.
256జిబి ఇంటర్నల్ స్టోరేజ్
8జిబి ర్యామ్, 256జిబి ఇంటర్నల్ స్టోరేజ్ కలిపి వస్తుంది. అవసరమైతే మైక్రో ఎస్డి ద్వారా మెమరీని పెంచుకోవచ్చు. ఐపి69 రేటింగ్తో నీరు, దుమ్ము వంటి వాటికి కూడా ఇది రక్షణ కల్పిస్తుంది. అంటే బయటి పరిస్థితుల్లో కూడా ఫోన్ సురక్షితంగా ఉంటుంది.
ఫోన్ వేడెక్కకుండా కూలింగ్ సిస్టమ్
ఒప్పో ఈసారి హీట్ మేనేజ్మెంట్ మీద కూడా ఫోకస్ పెట్టింది. గేమింగ్ లేదా వీడియో రికార్డింగ్ ఎక్కువగా చేసినా, ఫోన్ వేడెక్కకుండా కూలింగ్ సిస్టమ్ పనిచేస్తుంది. దీని వల్ల దీర్ఘకాల వాడకంలో కూడా పనితీరు తగ్గదు.
ధర ఎంతంటే?
ఈ ఫోన్ మొదట చైనా మార్కెట్లో లాంచ్ అయింది, అక్కడ దీని ధర సిఎన్వై 1,799 అంటే ఇండియన్ కరెన్సీ ప్రకారం దాదాపు రూ.22,500 వరకు ఉంది. త్వరలో ఇండియాలో కూడా లాంచ్ అయ్యే అవకాశాలు బలంగా ఉన్నాయి. అదే రేంజ్లో లేదా కొంచెం తక్కువ ధరలో మార్కెట్లోకి రాబోతుందని టెక్ వర్గాల సమాచారం.
ఇండియాలో లాంచ్ ఎప్పుడు?
ఇప్పుడు అందరికీ ముఖ్యంగా తెలిసుకోవాల్సింది ఇండియాలో ఇది ఎప్పుడు రానుంది, ఎలాంటి ధరలో లభిస్తుంది అన్న విషయం. కంపెనీ ఇంకా అధికారిక తేదీ ప్రకటించకపోయినా, రాబోయే నెలల్లో ఇది ఇండియాలో లాంచ్ అవుతుందని సమాచారం. ఆన్లైన్ ప్లాట్ఫామ్లలో ఫ్లిప్కార్ట్, అమెజాన్ ద్వారా అందుబాటులోకి వచ్చే అవకాశం ఉంది. లాంచ్ ఆఫర్లలో బ్యాంక్ డిస్కౌంట్లు, ఎక్స్చేంజ్ ఆఫర్లు కూడా ఉండే అవకాశం ఉంది. 2025లో మధ్యస్థ రేంజ్ ఫోన్లలో ఇది మంచి పోటీని ఇవ్వడం ఖాయం. ఇండియా లాంచ్ తర్వాత ధర తక్కవ ఉంటే, ఇది మార్కెట్లో హాట్ సేలర్ అవ్వడం ఖాయం.
Share
Tattoo: పచ్చబొట్లు తెగ వేసుకుంటున్నారా.. అయితే ఈ విషయాలు తప్పనిసరిగా తెలిసుండాలి!
AI Smart Glasses: సోనీ కెమెరా, AI అసిస్టెంట్.. లెన్స్ కార్ట్ స్మార్ట్ గ్లాసెస్ చూస్తే మతిపోవాల్సిందే!
