IPL 2026 Finals: ఇండియన్ ప్రీమియర్ లీగ్ 2026 టోర్నమెంట్ లో (Indian Premier League 2026 Tournament) భాగంగా ఇవాళ గుజరాత్ టైటాన్స్ వర్సెస్ రాయల్ ఛాలెంజర్స్ బెంగళూరు ( Royal Challengers Bengaluru vs Gujarat Titans, Final) మధ్య ఫైనల్స్ జరగనుంది. అహ్మదాబాద్ లోని నరేంద్ర మోడీ స్టేడియం (Narendra Modi Stadium, Ahmedabad) వేదికగా ఈ రెండు జట్లు తలపడనున్నాయి. ఇవాళ రాత్రి 7:30 గంటలకు ప్రారంభం కానున్న ఈ మ్యాచ్ నేపథ్యంలో ఆసక్తికర సంఘటన చోటు చేసుకుంది. బెంగళూరు జట్టును ఇటీవల కొనుగోలు చేసిన ఆదిత్య బిర్లా గ్రూప్ వారసురాలు అనన్య బిర్లా (Ananya Birla) ఏ జట్టుకు సపోర్ట్ చేస్తుందని సోషల్ మీడియాలో ఓ వార్త వైరల్ గా మారింది. ఈ మేరకు ఆమె రెండు జట్లకు సంబంధించిన జెర్సీలను ధరించిన ఫోటోలను వైరల్ చేస్తూ రచ్చ రచ్చ చేస్తున్నారు క్రికెట్ ఫ్యాన్స్.
2026 ఐపిఎల్ ప్రారంభం కంటే ముందు రాయల్ ఛాలెంజర్స్ బెంగళూరు జట్టును సొంతం చేసుకుంది ఆదిత్య బిర్లా గ్రూప్. మొత్తం నాలుగు కంపెనీలు బెంగళూరు జట్టును కొనుగోలు చేసినప్పటికీ… మెజారిటీ షేర్స్ మాత్రం ఆదిత్య బిర్లా గ్రూప్ కొనేసింది. ఏకంగా రూ.16, 706 కోట్లకు ఈ జట్టును కొనుగోలు చేసింది ఆదిత్య బిర్లా గ్రూప్. ఈ క్రమంలో ఈ జట్టుకు ఆర్యమన్ బిర్లా చైర్మన్గా ఉన్నప్పటికీ, మిగతా అన్ని బాధ్యతలు అనన్య బిర్లా చూసుకుంటున్నారు. బెంగళూరు ఆడే ప్రతి మ్యాచ్ కు వెళ్తున్నారు. ఇక అదే సమయంలో ఈసారి గుజరాత్ టైటాన్స్ జెర్సీ స్పాన్సర్ గా ఆదిత్య బిర్లా గ్రూప్ బరిలోకి దిగింది. డ్రీమ్ ఎలెవన్ పైన బ్యాన్ విధించిన నేపథ్యంలో, వాళ్ల స్థానంలో ఆదిత్య బిర్లా గ్రూప్ నకు సంబంధించిన బిర్లా ఎస్టేట్స్ కంపెనీ స్పాన్సర్ గా వ్యవహరిస్తోంది.
ఇక ఈ జెర్సీ లాంచ్ సమయంలో కూడా గిల్ తో పాటు వేదికను పంచుకుంది అనన్య బిర్లా. అంటే ఇప్పుడు అనన్య బిర్లాకు రెండు జట్లు రెండు కళ్ళలాంటివి. అలాంటి రెండు జట్లు ఫైనల్స్ లో ఇవాళ తలపడుతున్నాయి. దీంతో ఆమె ఏ జెర్సీలో వస్తుంది? ఎవరికి సపోర్ట్ చేస్తారు? అని చర్చ సోషల్ మీడియాలో జరుగుతోంది. ఒక క్రీడా విశ్లేషకుల సమాచారం ప్రకారం… బెంగుళూరు జట్టు గెలిస్తే ఆమె ఫుల్ హ్యాపీగా ఉంటారని అంటున్నారు. ఎందుకంటే బెంగుళూరు జట్టును కోట్లు పెట్టి కొనుగోలు చేసింది ఆదిత్య బిర్లా గ్రూప్. కాబట్టి వాళ్లకి ఎక్కువ లాభాలు వస్తాయి. అందుకే బెంగళూరు జట్టుకు ఆమె సపోర్ట్ చేయనుందని అంటున్నారు. ఒకవేళ బెంగళూరు ఓడిపోయి గుజరాత్ గెలిచినా, ఆదిత్య బిర్లా గ్రూప్ నకు పెద్దగా నష్టం జరిగే ఛాన్స్ లేదని అంటున్నారు.
ఇండియన్ ప్రీమియర్ లీగ్ 2026 టోర్నమెంట్ ప్రారంభానికి కంటే ముందు అనన్య బిర్లా… ఫైనల్స్ పై అంచనా వేసింది. రాయల్ చాలెంజర్స్ బెంగళూరు వర్సెస్ గుజరాత్ టైటాన్స్ మధ్య ఫైనల్స్ జరుగుతుందని వెల్లడించింది. ఆమె చెప్పినట్లుగానే, ఇప్పుడు ఫైనల్ జరుగుతోంది.
BOTH RCB AND GT IN THE IPL FINAL 😎 👌
Ananya Birla ❤️ pic.twitter.com/rriDKppEUs— Jaya Prakash (@JPdza28791) May 30, 2026
It is Royal Challengers Bangalore vs Gujarat Titans in the IPL Final 2026 and the happiest person in the world is Ananya Birla @AnanyaBirlaX pic.twitter.com/cuk3jGPPPS
— Krunal Jani (@KruJaN7) May 30, 2026
Share
మాజీ ఎమ్మెల్యే బాల్కసుమన్కు 14 రోజుల రిమాండ్.. చంచల్గూడ జైలుకు తరలింపు, అసలేం జరిగింది?
Intinti Ramayanam Today Episode: మీనాక్షిని కొట్టిన పల్లవి.. నిజం చెప్పేసిన చక్రధర్.. రాజేశ్వరి కండీషన్ సీరియస్..
