Tanveer Ahmed: ఇండియన్ ప్రీమియర్ లీగ్ 2026 టోర్నమెంట్ ( Indian Premier League 2026 Tournament) నేపథ్యంలో వైభవ్ సూర్యవంశీ (Vaibhav Sooryavanshi) మరోసారి రెచ్చిపోయాడు. తప్పక గెలవాల్సిన లక్నో మ్యాచ్ లో బౌలర్లకు చుక్కలు చూపించాడు. నిన్న జైపూర్ వేదికగా జరిగిన మ్యాచ్ సందర్భంగా కేవలం 38 బంతుల్లో 93 పరుగులు సాధించాడు వైభవ్ సూర్యవంశీ. ఇందులో 10 సిక్సర్లు అలాగే ఏడు బౌండరీలు ఉన్నాయి. 244 స్ట్రైక్ రేటుతో దుమ్ము లేపాడు. అయితే వైభవ్ సూర్య వంశీ ఇరగదీసిన నేపథ్యంలో పాకిస్తాన్ మాజీ క్రికెటర్ తన్వీర్ అహ్మద్ ( Tanveer Ahmed) వివాదాస్పద వ్యాఖ్యలు చేశారు. 15 ఏళ్ల వయసులో వైభవ్ సూర్య వంశీ ఇరగదీస్తున్నాడు… కానీ అతని వయసు 20 ఏళ్లు వచ్చేసరికి ఇంత ఊపు ఉండదు అంటూ ఘాటు వ్యాఖ్యలు చేశారు. 20 ఏళ్ల వయసు వచ్చే సరికి వైభవ్ సూర్యవంశీ నాశనం కావడం గ్యారెంటీ అని తెలిపారు. ఒకవేళ అలా కాకపోతే పాకిస్తాన్ వీధుల్లో బట్టలు లేకుండా తిరుగుతానని శపథం చేశాడు తన్వీర్ అహ్మద్. దీంతో తన్వీర్ అహ్మద్ చేసిన వ్యాఖ్యలు దుమారం రేపుతున్నాయి.
ఇండియన్ ప్రీమియర్ లీగ్ 2026 టోర్నమెంట్ లో భాగంగా నిన్న లక్నో సూపర్ జెయింట్స్, రాజస్థాన్ రాయల్స్ మధ్య జైపూర్ వేదికగా మ్యాచ్ జరిగింది. ఇందులో 220 పరుగులు చేసింది లక్నో సూపర్ జెయింట్స్. అయితే ఈ లక్ష్యాన్ని చేదించే క్రమంలో అదరగొట్టింది రాజస్థాన్. కేవలం 19.1 ఓవర్లలో మూడు వికెట్ నష్టానికి లక్ష్యాన్ని చేదించింది. ఈ క్రమంలో వైభవ్ సూర్య వంశీ సిక్సర్లు అలాగే బౌండరీలతో చెలరేగాడు. అయితే సూర్య వంశీ బ్యాటింగ్ విధానం పై మరోసారి పాకిస్తాన్ మాజీ క్రికెటర్ తన్వీర్ అహ్మద్ వివాదాస్పద వ్యాఖ్యలు చేశారు.
15 ఏళ్ల వయసులో వైభవ్ సూర్య వంశీ రెచ్చిపోయి ఆడుతున్నాడు.. కానీ ఈ పస 20 ఏళ్ల వయసు వచ్చేసరికి ఉండదని తెలిపారు తన్వీర్ అహ్మద్. కాస్త జోరు తగ్గించుకొని వైభవ్ సూర్యవంశీ బ్యాటింగ్ చేస్తే బెటర్ అన్నారు. ఎలాంటి క్రికెట్ ఆడుతున్నాడో అతడికి కూడా అర్థం కాదని పరువు తీశారు. క్రీజ్ లో సెట్ కావడానికి అతడు కొంత సమయం తీసుకోవాలని సూచనలు చేశారు. లేకపోతే త్వరగా ఔట్ అవుతాడని సంచలన వ్యాఖ్యలు చేశారు. ఎంత ఆడిన బాబర్ ఆజం ముందు వైభవ్ సూర్య వంశీ పనికిరాదని పరువు తీశారు.
వైభవ్ సూర్యవంశీ వయస్సు విషయంలో కూడా తన్వీర్ అహ్మద్ వివాదాస్పద వ్యాఖ్యలు చేశారు. ఇప్పటికీ కూడా తనకు అతని వయస్సు పైన అనుమానాలు ఉన్నాయన్నారు. కచ్చితంగా డిఎన్ఏ పరీక్షలు చేయాల్సిందేనని డిమాండ్ చేశారు. అతని వయస్సు కనీసం 22 సంవత్సరాలు ఉంటుందని అనుమానాలు వ్యక్తం చేశారు తన్వీర్ అహ్మద్.
https://www.facebook.com/photo/?fbid=122225728850289704&set=a.122097672758289704
Share
చిరంజీవి ‘మెగా158’ ప్రాజెక్ట్లోకి థమన్ ఎంట్రీ.. ఓపెనింగ్కు చీఫ్ గెస్ట్ ఎవరంటే?
పాక్ సంచలన నిర్ణయం.. 'లాహోర్ వీధులకు' హిందూ పేర్లు.. అసలేం జరుగుతోంది?
