BCCI : గిల్ ఎందుకు లేడు? క్లారిటీ ఇచ్చిన అగార్కర్

BCCI : టీమిండియా క్రికెట‌ర్ శుబ్ మ‌న్ గిల్ గురించి దాదాపు అంద‌రికీ తెలిసిందే. శుబ్ మన్ గిల్ ను ఇటీవ‌లే వ‌న్డే, టెస్ట్ జ‌ట్ల‌కు కెప్టెన్ గా కూడా ఎంపిక చేసింది బీసీసీఐ. కానీ తాజాగా ఓ షాక్ ఇచ్చింది. వ‌చ్చే ఏడాది జ‌రుగ‌బోయే టీ-20 వ‌ర‌ల్డ్ క‌ప్ న‌కు భార‌త జ‌ట్టును ప్ర‌క‌టించింది బీసీసీఐ. అయితే ఈ జ‌ట్టులో టీమిండియా స్టార్ బ్యాట్స్ మెన్ శుబ్ మ‌న్ గిల్ కి చోటు ద‌క్క‌క‌పోవ‌డం గ‌మ‌నార్హం. వ‌న్డే జ‌ట్టుకు, టెస్ట్ జ‌ట్టుకు రెగ్యుల‌ర్ కెప్టెన్ గా కొన‌సాగుతున్న శుబ్ మ‌న్ గిల్ కి ఐసీసీ ఈవెంట్ లో చోటు ద‌క్క‌క‌పోవ‌డం పై అంద‌రూ ఒక్క‌సారిగా షాక్ కి గుర‌య్యారు. వాస్త‌వానికి శుబ్ మ‌న్ గిల్ టీ-20 మ్యాచ్ ల్లో ఫేల‌వ ప్ర‌ద‌ర్శ‌న క‌న‌బ‌రుస్తున్నాడు. గాయం కార‌ణంగా ఇటీవ‌ల సౌతాఫ్రికాతో జ‌రిగిన టీ-20 సిరీస్ లో చివ‌రి మ్యాచ్ ల‌కు సైతం దూర‌మ‌య్యాడు.

Also Read : T20 World Cup 2026 India Squad: గిల్ పీడ విరగడైంది.. టి20 ప్రపంచ కప్ 2026 ఆడే టీమిండియా జట్టు ఇదే

అగార్క‌ర్ క్లారిటీ..!

టీమిండియా ఆట‌గాడు శుబ్ మ‌న్ గిల్ కి టీ-20 జ‌ట్టులో చోటు ద‌క్క‌క‌పోవ‌డం పై చీఫ్ సెలెక్ట‌ర్ అజిత్ అగార్క‌ర్ వివ‌ర‌ణ ఇచ్చాడు. గిల్ చాలా అద్భుతంగా నైపుణ్యం ఉన్న ఆట‌గాడు అన‌డంలో ఎలాంటి సందేహం లేద‌ని తెలిపాడు అజిత్ అగార్క‌ర్. కానీ ఇటీవ‌ల కాలంలో గిల్ పెద్ద‌గా ప‌రుగులు చేయ‌లేదు. త‌మ‌కు గిల్ బ్యాటింగ్ సామ‌ర్థ్యం పై ఎలాంటి అనుమానం లేద‌ని చెప్పాడు. గ‌త వ‌ర‌ల్డ్ క‌ప్ లో విభిన్న కాంబినేష‌న్ కార‌ణంగా గిల్ తృటిలో అవ‌కాశం కోల్పోయాడ‌ని వెల్ల‌డించాడు. ఇక ఈసారి కూడా జ‌ట్టు అవ‌స‌రాల దృష్ట్యా శుబ్ మ‌న్ గిల్ ను ప‌క్క‌కు పెట్టాల్సి వ‌చ్చింద‌ని స్ప‌ష్టం చేశాడు. ప్ర‌ధానంగా టాప్ ఆర్డ‌ర్ లో ఇద్ద‌రు వికెట్ కీప‌ర్లు ఉండాల‌నేది త‌మ ఆలోచ‌న అని అగార్క‌ర్ వెల్ల‌డించారు.

వైస్ కెప్టెన్ గా అక్ష‌ర్ ప‌టేల్

ప‌రుగుల విష‌యంలో కాస్త వెనుక‌ప‌డిన‌ప్ప‌టికీ.. గిల్ క్వాలిటీ ప్లేయ‌ర్ అని చెప్పారు. టీమ్ కాంబినేష‌న్ లో భాగంగా టాప్ ఆర్డ‌ర్ లో ఇద్ద‌రూ వికెట్ కీప‌ర్ల‌ను తీసుకోవాల్సి రావ‌డంతో గిల్ కు చోటు ద‌క్క‌లేద‌న్నారు. వ్య‌క్తిగ‌త సామ‌ర్థ్యాన్ని బ‌ట్టి కాకుండా టీమ్ బ్యాలెన్స్ ప్రాధాన్య‌త ఇచ్చిన‌ట్టు తెలిపారు. అటు కెప్టెన్ సూర్య‌కుమార్ యాద‌వ్ కూడా దాదాపు ఇదే అభిప్రాయాన్ని వ్య‌క్తం చేశాడు. గిల్ జట్టు నుంచి తప్పుకోవడంతో, ఆల్ రౌండర్ అక్షర్ పటేల్‌ను మళ్ళీ వైస్ కెప్టెన్ పదవి వరించింది. గతంలోనూ ఈ బాధ్యతలు నిర్వహించిన అక్షర్, జట్టులో సీనియర్ ప్లేయర్‌గా ఎదిగాడు. దక్షిణాఫ్రికా సిరీస్ చివర్లో అనారోగ్యం వల్ల అతను దూరమైనప్పటికీ, ప్రపంచకప్ సమయానికి పూర్తి ఫిట్‌నెస్‌తో తిరిగి వస్తాడని బీసీసీఐ నమ్మకం వ్యక్తం చేసింది.

Also Read : Team India Squad: న్యూజిలాండ్ తో ఆడే టీం ఇండియా జట్టు ఇదే.. గిల్ పై వేటు, అక్షర్ పటేల్ కు బంపర్ ఆఫర్