Rains: కొన్నిరోజులుగా ఎండలు మండిపోతున్నాయి. బాబోయ్ సమ్మర్ వచ్చేసిందంటూ జనం బేజార్ అవుతున్నారు. ఉదయం సైతం ఫుల్ ఎండ కొట్టింది. సాయంత్రం అయ్యేసరికి సీన్ మారిపోయింది.
ఉన్నట్టుండి సడెన్‌గా వెదర్ ఛేంజ్ అయింది. సూర్యుడికి మబ్బులు చాటేశాయి. ఎండ పోయి చల్ల గాలి మొదలైంది. అది కాస్తా వానగా మారింది. చూస్తుండగానే భారీ వర్షం కురిసింది. హైదరాబాద్ నగరం తడిచిముద్దైంది.
సిటీ అంతా వాన పడలేదు. జూబ్లీహిల్స్, బంజారాహిల్స్, ఫిల్మ్ నగర్, మాదాపూర్, హైటెక్ సిటీ, ఎస్సార్ నగర్, అమీర్ పేట్, ఖైరతాబాద్, మెహిదీపట్నం, నాంపల్లి సమీప ప్రాంతాల్లో గట్టిగా వాన పడింది. జస్ట్ వాన మాత్రమే కాదు.. బోనస్‌గా ఉరుములు, మెరుపులు, ఈదురుగాలులు.
ఆఫీస్ అయిపోయే సమయం కావడం.. ఉద్యోగులు బయటకు రావడం.. అదే టైమ్‌లో భారీ వర్షం కురవడంతో హైదరాబాద్ మరోసారి ఆగమాగం అయింది. భారీగా ట్రాఫిక్ జామ్స్ అయ్యాయి. పలు జంక్షన్ల దగ్గర గంటల తరబడి ట్రాఫిక్ నిలిచిపోయింది. వాన రాత్రి కూడా కంటిన్యూ.
హైదరాబాద్‌లో పలు ప్రాంతాల్లో వర్షం పదే అవకాశం ఉందని వాతావరణ శాఖ తెలిపింది. గురు, శుక్రవారాల్లో ఉరుములు, మెరుపులతో కూడిన వానలు పడతాయని తెలిపింది. గంటకు 30 నుంచి 40 కి.మీ. వేగంతో గాలులు వీస్తాయని.. వడగళ్ల వానలు పడే ఛాన్స్ ఉందని హెచ్చరించారు.
Share
Shaakuntalam:- అంచ‌నాల‌ను పెంచేస్తోన్న ‘శాకుంతలం’ రిలీజ్ ట్రైలర్
Ustad Bhagat Singh:- ‘ఉస్తాద్ భగత్ సింగ్’ను మొదలెట్టేసిన పవన్ కళ్యాణ్
