Telangana Assembly: అసెంబ్లీలో బీఆర్ఎస్ తీరుపై ఓ రేంజ్లో మండిపడ్డారు మంత్రి సీతక్క. బీఆర్ఎ ను అన్ని కోణాల్లో ఏకిపారేశారు. హరీష్ రావును కవిత ఏదో అన్నారని ఆమెని పార్టీ నుంచి ఎందుకు బహిష్కరించారని ప్రశ్నించారు. ఈ విషయంలో ఏం జరిగిందో దేశానికి అంతా తెలుసన్నారు. ఈ విషయంలో ఆత్మపరిశీలన చేసుకోవాలన్నారు. మా సీఎంని అంటే మేం ఊరుకుంటామా? అంటూ ఎదురుదాడి చేశారు.
మంగళవారం అసెంబ్లీలో సోమవారం జరిగిన ఘటనపై అధికార-విపక్షాల మధ్య మాటల యుద్ధం తారాస్థాయికి చేరింది. ఒకరిపై మరొకరు ఆరోపణలు సంధించుకున్నారు. స్పీకర్ను దూషించిన వారిని సభ నుంచి బహిష్కరించాలని మంత్రి సీతక్క డిమాండ్ చేశారు.
మహిళా పోలీసులపై బీఆర్ఎస్ ఎమ్మెల్సీ నవీన్ రెడ్డి అసభ్యంగా చేతులు వేసి నెట్టి వేశారని, అందుకు సంబంధించిన దృశ్యాలు ఇప్పుడే చూశామన్నారు. దీనిపై మహిళా కమిషన్ లో ఫిర్యాదు చేస్తామని సభలో వెల్లడించారు. మహిళా ఎమ్మెల్యేలపై పోలీసులు దురుసుగా వ్యవహరిస్తే విచారణ జరిపి చర్యలు తీసుకుంటారన్నారు.
గిరిజన, దళిత వ్యతిరేక నైజం బీఆర్ఎస్ దని ఆరోపించారు. ఎస్సీ, ఎస్టీ, అణగారిన వర్గాలు ఎదిగితే ఓర్చుకోలేని భూస్వామ్య విధానం ఆ పార్టీదని మండిపడ్డారు. మహిళా ఎమ్మెల్యేలను ముందు పెట్టి ఎందుకు రాజకీయం చేస్తున్నారో తెలీదన్నారు. కేటీఆర్.. మహిళా పోలీసులపై చేతులు వేశారన్నారు. ఎస్సీ-ఎస్టీ వ్యక్తులను దూషిస్తే యాక్ట్ వర్తిస్తుందన్నారు.
వీళ్లకు తల్లులు లేరా? లకారంతో ఏలా తిడుతారని రుసరుసలాడారు. వారి తల్లులను తిడితే.. వారు బాధ పడరా? 2018 లో స్పీకర్ పై దాడి చేశారని ఆనాడు కాంగ్రెస్ ఎమ్మెల్యేలపై అర్టికల్ 194 (3) ప్రయోగించి సస్పెండ్ చేశారని గుర్తు చేశారు మంత్రి సీతక్క. అదే రూల్ బీఆర్ఎస్ సభ్యులకు వర్తింప చేయాలని డిమాండ్ చేశారు.
అసెంబ్లీలో హరీష్రావు స్పీకర్ పోడియం మీదకు ఉరుకుతున్నారని, స్పీకర్ను కొడతారా? నిన్న దూషించారు? గుర్తు చేశారు. సభలో నైతిక విలువలు, సంప్రదాయాలు ఉండాలన్నారు. సోమవారం జరిగిన ఘటనపై ఇప్పటివరకు స్పీకర్ కు బీఆర్ఎస్ క్షమాపణ చెప్పలేదని, ఆ పార్టీ వైఖరిని తీవ్రంగా ఖండిస్తున్నామని అన్నారు.
ALSO READ: హరీష్రావుపై స్పీకర్ ఆగ్రహం.. నా తల్లిని తిట్టారు.. నాకు ఆవేశం ఉండాలి?
మహిళా పోలీసులపై BRS MLC నవీన్ రెడ్డి అసభ్యంగా చేతులు వేసి నెట్టి వేశారు: మంత్రి సీతక్క
మహిళా కమిషన్లో ఫిర్యాదు చేస్తాం
మహిళా ఎమ్మెల్యేలపై పోలీసులు దురుసుగా వ్యవహరిస్తే..విచారణ జరిపి చర్యలు తీసుకుంటాం pic.twitter.com/8z9pIcDcEc
— BigTV APP (@BigtvApp) September 8, 2026
Minister Seethakka Fires On Harish Rao | మా సీఎం అంటే ఉరుకుంటామా..సీతక్క ఆగ్రహం | BIG TV #telanganaassembly #cmrevanthreddy #ktr #bigtvlive pic.twitter.com/UieyX4AR8C
— BIG TV Breaking News (@bigtvtelugu) September 8, 2026
Share
నాగార్జునసాగర్ లో రంగు మారుతున్న నీళ్లు, అసలేం జరుగుతోంది?
ఇంత తక్కువ ధరకేనా? Nothing Phone 3పై ఏకంగా రూ.30,000 డిస్కౌంట్ ఇచ్చిన అమెజాన్!
