Model Schools: స్వేచ్ఛబ్యూరో: రాష్ట్రంలో కొనసాగుతున్న 194 మోడల్ స్కూల్స్ లో 6వ తరగతిలో ప్రవేశాలతోపాటు, 7 నుంచి 10వ తరగతి వరకు ఉన్న ఖాళీల్లో సీట్లను భర్తీ చేయడం కోసం నిర్వహించే తెలంగాణ స్టేట్ మోడల్ స్కూల్స్ అడ్మిషన్ టెస్టును ఆదివారం నిర్వహించనున్నారు. ఇందుకు సంబంధించిన ఏర్పాట్లను అధికారులు పూర్తి చేశారు.
6వ తరగతిలో ప్రవేశాల కోసం 208 పరీక్ష కేంద్రాలను, 7 నుంచి 10వ తరగతి వరకు అడ్మిషన్ల కోసం నిర్వహించే పరీక్షకు 204 పరీక్ష కేంద్రాలను ఏర్పాటు చేసినట్టు మోడల్ స్కూల్స్ అడిష నల్ డైరక్టర్ శ్రీనివాసాదారి శుక్రవారం ఒక ప్రకటనలో తెలిపారు. రాష్ట్ర వ్యాప్తంగా దరఖాస్తు గడువు ముగిసేనాటికి 37,216 మంది దరఖాస్తు చేసుకున్నారు. 6వ తరగతిలో ప్రవేశాల కోసం 23,958 మంది, 7వ తరగతిలో ప్రవేశాలకు 5117, 8వ తరగతిలో చేరడానికి 4709 మంది, 9వ తరగతిలో చేరడానికి 2820 మంది, 10వ తరగతిలో చేరడానికి 612 మంది దరఖాస్తు చేసుకున్నారు.
6వ తరగతిలో ప్రవేశాల కోసం ఈ నెల 19న ఉదయం 10 గంటల నుంచి మధ్యాహ్నం 12 గంటల వరకు పరీక్షను నిర్వ హించనున్నారు. 7వ తరగతి నుంచి 10వ తరగతి వరకు ఖాళీగా ఉన్న సీట్లను భర్తీ చేయడానికి ఈ నెల 19న మధ్యా హ్నం 2 గంటల నుంచి సాయంత్రం 4 గంటల వరకు పరీక్షను నిర్వహించనున్నారు. మోడల్ స్కూల్ అడ్మిషన్ టెస్ట్ కోసం దరఖాస్తు చేసుకున్న వారికి ఈ నెల 10 నుంచే హాల్ టికెట్లను అందుబాటులో ఉంచారు. మోడల్ స్కూల్ అధికారిక వెబ్ సైట్ నుంచి విద్యార్థులు తమ హాల్ టికెట్లను డౌన్లోడ్ చేసుకోవచ్చు.
Also read: బఫర్ జోన్లో అక్రమంగా గోదాం నిర్మాణం.. పట్టించుకోని అధికారులు..?
Share
స్లీపర్ బస్సులు బ్యాన్.. ఏపీ సర్కారు సంచలన నిర్ణయం!
టాలీవుడ్ బాక్సాఫీస్ అట్టర్ ప్లాప్.. థియేటర్ల దగ్గర ఈగలు తోలుకోవాల్సిందేనా?
