TVS Apache RTR 160 vs Yamaha XSR 155: TVS అపాచీ RTR 160 vs యమహా XSR 155.. మైలేజీలో దుమ్మురేపే బైక్ ఇదే!

TVS Apache RTR 160 vs Yamaha XSR 155 Comparison: యమహా, టీవీఎస్ కంపెనీల నుంచి క్రేజీ బైక్స్ అందుబాటులో ఉన్నాయి. వాటిలో ముఖ్యమైనవి TVS అపాచీ RTR 160, యమహా XSR 155. ఈ రెండూ 150-160cc విభాగంలో మంచి పవర్, స్టైల్ ను కలిగి ఉన్నాయి. అపాచీ 159.7cc ఇంజన్‌ తో ఎక్కువ మైలేజ్ ఇస్తుంది. XSR 155 రెట్రో డిజైన్, శక్తివంతమైన ఇంజన్, ప్రీమియం లుక్‌ను కలిగి ఉండగా, అపాచీ మెరుగైన మైలేజ్, ఫీచర్లతో వాల్యూ ఫర్ మనీగా ఉంటుంది.

TVS అపాచీ RTR 160, యమహా XSR 155 కీలక తేడాలు

ఇంజిన్, పవర్

TVS అపాచీ RTR 160 159.7 cc, ఎయిర్ కూల్డ్, సుమారు 15.82 – 17.31 bhp పవర్, 13.85 – 14.73 Nm టార్క్ ను కలిగి ఉంటుంది. యమహా XSR 155.. 155 cc, లిక్విడ్ కూల్డ్, 18.15 – 18.4 PS పవర్, 14.2 – 14.7 Nm టార్క్ ఉత్పత్తి చేస్తుది. మైలేజ్ విషయానికి వస్తే.. TVS అపాచీ RTR 160 లీటర్ పెట్రోల్ కు సుమారు 45-61 కిలో మీటర్ల వరకు మైలేజ్ ఇస్తుంది. యమహా XSR 155 లీటర్ కు సుమారు 45-50 కిలో మీటర్ల వరకు మైలేజ్ అందిస్తుంది.

ధర వివరాలు

TVS అపాచీ RTR 160 సుమారు రూ. 1.12 నుంచి రూ. 1.16 లక్షల వరకు ఉంటుంది. యమహా XSR 155 సుమారు రూ. 1.50 లక్షల నుంచి ప్రారంభమవుతుంది.

డిజైన్, ఫీచర్లు

అపాచీ అగ్రెసివ్ స్ట్రీట్ ఫైటర్ డిజైన్ ను కలిగి ఉంటుంది. XSR 155 రెట్రో స్టైల్ డిజైన్ తో వస్తుంది. అపాచీలో అర్బన్, రైన్, స్పోర్ట్ రైడింగ్ మోడ్స్ ఉంటాయి. బ్లూటూత్ కనెక్టివిటీ, స్లిప్పర్ క్లచ్ లాంటి లేటెస్ట్ ఫీచర్లు ఉన్నాయి. ఇక XSR 155లో LED హెడ్‌ లైట్, USD ఫోర్క్స్, వెనుక మోనోషాక్ సస్పెన్షన్ ఉన్నాయి.

ఏ బైక్ కొనుగోలు చేయడం మంచిది?

బడ్జెట్, ఫీచర్లు, మెరుగైన మైలేజ్ కోసం చూస్తుంటే TVS అపాచీ RTR 160 బెస్ట్ ఆప్షన్ గా చెప్పుకోవచ్చు. అలా కాకుండా రెట్రో లుక్, ఎక్కువ పవర్, లిక్విడ్ కూల్డ్ ఇంజన్ కావాలనుకుంటే యమహా XSR 155 సరైన ఎంపిక. రెండు బైక్స్ కూడా చూడ్డానికి చాలా మోడ్రన్ గా, అద్భుతమైన ఫీచర్లను కలిగి ఉంటాయి. వీటిలో మీకు ఏ బైక్ బాగా నచ్చిందో చెప్పేయండి.