Shukra Transit: జూలై 26న శుక్ర గోచారంతో ఈ ఐదు రాశుల వారికి పట్టిందల్లా బంగారమే

జ్యోతిష శాస్త్రంలో శుక్రుడికి ఎంతో ప్రాధాన్యత ఉంది. సంపదకు, ఆస్తికి, వైభవానికి, శ్రేయస్సుకు శుక్రుడే కారకుడుగా చెప్పుకుంటారు. శుక్రుడు మేషరాశి నుంచి మీన రాశి వరకు ప్రతిదాన్ని ప్రభావితం చేయగలడు. అయితే ఈ నెల జూలై 26న శుక్రుడు మిథున రాశిలోకి ప్రవేశించబోతున్నాడు. ఆగస్టు 20 వరకు అదే రాశిలో ఉంటాడు. మిథున రాశి అధిపతి బుధుడు. మిథున రాశిలోకి శుక్రుడి సంచారం వల్ల రాశి చక్రంలో ఎన్నో రాశులపై ప్రభావం పడుతుంది. ముఖ్యంగా కొన్ని రాశుల వారికి శుభ ఫలితాలు దక్కుతాయి. శుక్ర సంచారం ఏ రాశుల వారిని అదృష్టవంతులను చేస్తుందో తెలుసుకోండి.

మేష రాశి
ఈ రాశి వారికి శుక్ర సంచారం ఎంతో మేలు జరుగుతుంది. శుభ ఫలితాలు అందుతాయి. ఈ సమయంలో మీకు డబ్బు చేతికి అందుతుంది. కొత్త ఆదాయ వనరులు కూడా మొదలవుతాయి. మీ శత్రువులను మీరు ఓడించే పరిస్థితులు ఏర్పడతాయి. మీరు చేపట్టే పనిలో విజయం సాధిస్తారు. మీరు ఆత్మవిశ్వాసం కూడా పెరుగుతుంది.

సింహ రాశి
శుక్ర సంచారము సింహ రాశి వారికి ఎంతో ప్రయోజనకరమైనది. ఈ సమయంలో ఆకస్మికంగా ఆర్థిక పరిస్థితి మెరుగుపడుతుంది. డబ్బు అనుకునే విధంగా చేతికి అందుతుంది. ఆరోగ్యం కూడా మెరుగుపడుతుంది. కుటుంబం జీవితంలోని సమస్యలను చాలా వరకు పరిష్కరించుకోగలరు. అలాగే మీ జీవిత భాగస్వామితో మీరు ఆనందకరమైన సమయాన్ని గడుపుతారు.

తులా రాశి
తులా రాశి వ్యక్తులకు శుక్రుని సంచారం ఎన్నో సానుకూల ఫలితాలను అందిస్తుంది. కొంతమందికి ఉద్యోగంలో ప్రమోషన్, జీతం పెరుగుదల కనిపిస్తుంది. శుభవార్తలు వింటారు. శత్రువులు కూడా మీ ముందు తగ్గిపోతారు. మీకు మీ స్నేహితుల నుండి మద్దతు లభిస్తుంది. పెండింగ్లో ఉన్న అన్ని పనులు పూర్తి చేస్తారు.

వృశ్చిక రాశి
వృశ్చిక రాశి వారికి శుభ ఫలితాలను అందించే రోజులు జులై 26 నుండి మొదలవుతాయి. ఈ సమయంలో వారి ఆర్థిక పరిస్థితి మెరుగ్గా ఉంటుంది. ప్రేమ జీవితంలో వచ్చిన సమస్యలు చాలా వరకు తగ్గిపోతాయి. వ్యాపారంలో ఉన్నవారికి వృద్ధి కనిపిస్తుంది. వృశ్చిక రాశి వారికి శుక్రుడు 25 రోజులు పాటు మేలే చేయబోతున్నాడు.

కుంభ రాశి
శుక్ర సంచారం ఈ కుంభ రాశి వారికి ఎంతో శుభప్రదమైనది. ముఖ్యంగా విద్యార్థులకు ప్రయోజనకరంగా ఉంటుంది. అలాగే వ్యాపారంలో పెట్టిన పెట్టుబడులపై రాబడిని కూడా పొందుతారు. జీవితంలో పెరుగుదల కనిపిస్తుంది. కెరీర్లో పురోగతి ఉంటుంది. ఆరోగ్యం చాలావరకు మెరుగవుతుంది.

Share

• 
• 
• 
• 
• 
•