Ugadi Festival 2025: ఉగాదిని తెలుగు సంవత్సరాది అని అంటారు. తెలుగు వారి మొదటి పండగ ఉగాది. హిందూ పంచాంగం ప్రకారం ఏటా చైత్ర శుద్ధ పాడ్యమి రోజు ఉగాది పర్వదినాన్ని జరుపుకుంటారు. ఉగాది రోజు కృత యుగం ప్రారంభమైందని చెబుతారు. పురాణాల ప్రకారం మహా విష్ణువు వేదాలను అపహరించిన సోమకుడిని వధించి ఆ వేదాలను బ్రహ్మదేవుడికి అప్పగించిన రోజు నుండి ఉగాది పండగను జరుపుకుంటున్నారని చెబుతారు.
వసంత బుుతువు ప్రారంభంలో వచ్చే ఈ ఉగాది పండగను ప్రకృతి పండగగా చెబుతారు. శిశిర రుతువు సమయంలో ఆకులు రాలిపోయి మోడుగా మారిన చెట్లన్నీవసంత బుుతువులో కొత్త చిగుళ్లు తొడిగి పచ్చగా మారతాయి. ఆరోగ్య పరంగా చూస్తే.. వసంత రుతువు ప్రారంభంలో వచ్చే కొన్ని రకాల వ్యాధులకు విరుగుడు వేప పువ్వు వేసిన ఉగాది పచ్చడి.
ఉగాది పండగ రోజు ఉదయం నిద్ర లేచి తలస్నానం చేసి కొత్త బట్టలు ధరించాలి. తర్వాత మామిడి తోరణాలు, పూలతో ఇంటి గుమ్మాలను అలంకరించాలి. అనంతరం గణపతి, లక్ష్మీదేవి, ఇష్టదైవాలను పూజించాలి. దీపారాధన చేసి అష్టోత్తర శతనామాలతో ఇష్టదైవాన్ని పూజించాలి. ఇవే కాకుండా సూర్యుడికి అర్ఘ్యం ఇవ్వడం వల్ల కూడా మంచి జరుగుతుందని చెబుతారు.
తెలుగు కొత్త సంవత్సరం:
ఉగాది అనేది తెలుగు పంచాంగంలో కొత్త సంవత్సరానికి ప్రారంభం. ఇది పంచాంగం ప్రకారం చైత్ర మాసం యొక్క కొత్త సంకల్పాలు తీసుకునే రోజు.
ప్రకృతితో సమన్వయం:
ఉగాది రోజున ప్రకృతి మార్పులు స్పష్టంగా కనిపిస్తాయి. కొత్త పువ్వులు, ఆకులు, ఫలాలు ఏర్పడతాయి. అంతే కాకుండా ఈ రోజుల్లో ప్రకృతిలో ఉత్సాహం, సమృద్ధి, శాంతి పెరుగుతాయి.
ఉగాది పచ్చడి:
ఉగాది రోజు ప్రత్యేకంగా తయారుచేసే పచ్చడికి చాలా ప్రాముఖ్యత కలిగి ఉంటుంది. ఇది మామిడి కాయలు, ఉప్పు, వేప పువ్వు, బెల్లం, వంటి మొదలైన పదార్థాలను కలిపి తయారుచేస్తారు. ఇది అన్ని రుచులను అనుభవించేలా ఉంటుంది. అలాగే జీవితంలోని అన్ని అంశాలను సమర్థవంతంగా అంగీకరించే ప్రేరణ కూడా కల్పిస్తుంది.
భవిష్యత్తు కోసం ఆశలు:
ఉగాది రోజు కొత్త సంవత్సరం ప్రారంభం. వ్యక్తిగత జీవితంలో మంచి మార్పులు, విజయాలు, ఆరోగ్యం, సంతోషం సంతరించుకోవాలనే ఆశలతో పండగ ప్రారంభం అవుతుంది.
ఉగాది పండుగ ప్రకృతి, సంస్కృతి, మన జీవితంలో కొత్త మార్పులు తీసుకొచ్చే అనుభూతిని వ్యక్తం చేస్తుంది.
Share
Nara Lokesh-TDP : మూడు సార్లు.. లోకేశ్ దెబ్బకు ఎవరికి ప్రమోషన్? ఎవరికి గ్యాప్?
Nithiin : నెరవేరని కల.. నితిన్ భవిష్యత్తు ఏమిటీ?
