Miss Shetty.. Mr. Polishetty: అనుష్క సౌతిండియాలో ఒకప్పుడు టాప్ హీరోయిన్. ఏజ్ పెరిగినా తరగని అందంతో ప్రేక్షకులను కట్టిపడేసింది. 41 ఏళ్ల వయస్సులో ఇప్పటికీ గ్లామర్ క్వీన్ గానే ఉంది. రెండున్నర ఏళ్లుగా ఆమె వెండితెరపై కనిపించలేదు. చివరి సారిగా నిశ్శబ్దం మూవీలో తెరపై మెరిసింది. కానీ ఇప్పుడు మిస్ శెట్టి.. మిస్టర్ పొలిశెట్టి మూవీతో సినీ అభిమానులను అలరించేందుకు సిద్ధమైంది. ఈ మూవీలో నో..నో..నో.. పాటను తాజాగా చిత్రబృందం విడుదల చేసింది. ఈ సాంగ్ లో అనుష్క గ్లామర్ కు ఫ్యాన్స్ ఫిదా అవుతున్నారు. కాస్త బొద్దుగా కనిపించినా ముద్దుగా ఉందని అంటున్నారు. ఆమె ఒంపుసొంపులు వన్నెతరగలేదని ఈ సాంగ్ నిరూపిస్తోంది. ఆ చూపులు కుర్రకారుకు మత్తెక్కిస్తున్నాయి.
మిస్ శెట్టి..మిస్టర్ పొలిశెట్టిలో హీరో నవీన్ పొలిశెట్టి. ఏజెంట్ సాయి శ్రీనివాస ఆత్రేయ మూవీతో హీరోగా పరిచయమైన నవీన్ మంచి కామెడీ టైమింగ్ తో అభిమానులను సంపాదించుకున్నాడు. జాతిరత్నాలు మూవీతో అతని రేంజ్ పెరిగిపోయింది. జాతిరత్నాలు మూవీ తర్వాత ఈ యువహీరో నటిస్తున్న సినిమా ఇదే కావడంతో ప్రేక్షకుల్లో ఆసక్తి మరింత పెరిగింది.
అనుష్క, నవీన్ పొలిశెట్టి కాంబినేషన్ కు క్రేజ్ వచ్చింది. యు.వి.క్రియేషన్స్‌ పతాకంపై నిర్మాతలు వంశీ – ప్రమోద్‌ నిర్మిస్తున్న ఈ మూవీని మహేష్‌ తెరకెక్కిస్తున్నాడు. ఈ సమ్మర్ సీజన్ లో తెలుగు, తమిళం, కన్నడ, మలయాళ భాషల్లో ప్రేక్షకుల ముందుకు ‘మిస్ శెట్టి.. మిస్టర్ పొలిశెట్టి’ రాబోతోంది.
ఈ చిత్రంలో కథానాయకుడు నవీన్ పొలిశెట్టి స్టాండప్‌ కమెడియన్‌ పాత్రలో నటిస్తున్నాడు. కథానాయిక అనుష్క… షెఫ్‌ పాత్ర పోషిస్తోంది. ఈ చిత్రానికి రధన్‌ మ్యూజిక్ అందిస్తున్నాడు. ఇప్పటికే షూటింగ్ పూర్తి చేసుకున్న ఈ సినిమా ప్రస్తుతం నిర్మాణానంతర కార్యక్రమాల్ని జరుపుకుంటోంది. మహిళా దినోత్సవం రోజు అనుష్క కొత్త లుక్‌ను చిత్రయూనిట్ విడుదల చేసింది. ఇప్పుడు ఉగాది సందర్భంగా నో..నో..నో.. పాటను రిలీజ్ చేసింది.
Share
Actress Hema : కోట శ్రీనివాస‌రావుపై ఫేక్ న్యూస్‌.. సైబ‌ర్ పోలీసుల‌కు హేమ ఫిర్యాదు
Rangamarthanda : ‘రంగమార్తాండ’ మూవీ రివ్యూ..!
