Agent Twitter Review : అక్కినేని అఖిల్ హీరోగా నటించిన ‘ఏజెంట్’ మూవీ థియేటర్లలో సందడి చేస్తోంది. అఖిల్ ఈ సినిమాలో వైల్డ్ లుక్ లో కనిపించాడు. సినిమా షూటింగ్ నుంచి ప్రమోషన్ల వరకు ఎంతో శ్రమించాడు. సురేందర్రెడ్డి దర్శకత్వంలో స్పై థ్రిల్లర్గా ఈ సినిమా తెరకెక్కింది.
ఈ మూవీలో మలయాళ మెగాస్టార్ మమ్ముట్టి కీలక పాత్ర పోషించాడు. అఖిల్ సరసన కొత్త హీరోయిన్ సాక్షి వైద్య నటించింది. ఇప్పటికే ఈ సినిమా చూసిన అభిమానులు ట్విట్టర్ లో అభిప్రాయాలు వ్యక్తం చేస్తున్నారు. ‘ఏజెంట్’ కథేంటి? ఎలా ఉంది? అన్న విషయాలు చర్చిస్తున్నారు.
ఈ సినిమాపై మిక్సడ్ టాక్ వచ్చింది. యాక్షన్ బ్లాక్స్, ప్రొడక్షన్ బాగున్నాయని కొందరు నెటిజన్లు అంటున్నారు. అఖిల్ నటనపై మరికొందరు నెగిటివ్ కామెంట్లు చేస్తున్నారు. నటనతో అంతగా ఆకట్టుకోలేకపోయాడని అంటున్నారు.
ఈ సినిమా ఫస్టాఫ్ బాగుందని కొంతమంది నెటిజన్లు కామెంట్ చేస్తున్నారు. సెకండాఫ్ ఆ స్థాయిలో లేదని అభిప్రాయపడుతున్నారు. ఇంటర్వెల్, అఖిల్ వైల్డ్ యాక్టింగ్ బాగుందని మరికొందరు ట్వీట్లు చేశారు.
సెకండాఫ్లో బలమైన కథ ఉంటే బాగుండేదనే అభిప్రాయాలు వ్యక్తమవుతున్నాయి. ఫస్టాఫ్ ఓకే అయినా.. సెకండాఫ్ సాగదీతగా ఉందని విమర్శలు వస్తున్నాయి. అఖిల్, మమ్ముట్టి అదరగొట్టారని కామెంట్లు పెడుతున్నారు. సినిమా చూసిన ప్రేక్షకుల నుంచి ఇలా భిన్న అభిప్రాయాలు వ్యక్తమవుతున్నాయి.
Share
Viveka Murder Case : అవినాష్ ముందస్తు బెయిల్ పై నేడు మళ్లీ విచారణ.. హైకోర్టు తీర్పుపై ఉత్కంఠ..
Tirumala Sri Balaji Idol :- తిరుమల శ్రీవారి విగ్రహం వెనుక దాగి ఉన్న రహస్యం
