Viral News : అమెరికాలో స్టోర్లను లూటీ చేయడం.. ఓనర్లను టార్గెట్ చేసి దాడులు చేయడం కామన్‌గా మారిపోయింది. అందినకాడికి దోచుకోవడం.. అడ్డొస్తే కాల్చేయడం కూడా కామన్‌గా మారిపోయింది. కానీ ఓ దొంగ ఎరక్కపోయి వచ్చి ఓ ఇండియన్‌ స్టోర్‌లో ఇరుక్కుపోయాడు. అందినకాడికి దోచుకుందామని వచ్చిన దొంగకు.. చేతికందిన కర్రతో పిచ్చి కొట్టుడు కొట్టి.. ఇంకోసారి చోరి చేద్దామంటే భయపడేలా బుద్ది చెప్పాడు ఓ పంజాబీ.
కాలిఫోర్నియాలో భారత్ లోని ఓ పంజాబీకి ఓ స్టోర్ ఉంది. ఎవ్వరూ లేని సమయంలో స్టోర్‌లోకి దూరిన దొంగ.. అందినకాడికి దోచుకెళుదామని స్కెచ్‌ వేశాడు. స్టోర్ లోకి దూరాడు.. ఓనర్‌ను అక్కడ పనిచేసే వారిని బెదిరించాడు. ఇక్కడి వరకు అంతా బాగానే జరిగింది. ఓ వైపు అక్కడున్న వారిని బెదిరిస్తూ.. ఓ పెద్ద ట్రాష్‌ క్యాన్‌లో సామాన్లను సర్దుతున్నాడు. ఓనర్‌ చోరి చేయవద్దంటూ బతిలాడుతున్నాడు.
కాసేపటికి సీన్‌ ఒక్కసారి మారిపోయింది. ఎప్పుడైతే దొంగ బయటికి వెళ్లేందుకు రెడీ అయ్యాడో.. అక్కడ పనిచేస్తున్న సిబ్బందిలో ఒక వ్యక్తి అతడిని అడ్డుకున్నాడు. ఇక మన పంజాబీ పక్కనే ఉన్న కర్రతో దొంగకు బుద్ది చెప్పడం ప్రారంభించాడు. ఇంకోసారి దొంగతనం చేస్తావా అంటూ చితకబాదాడు. చివరకు పోలీసులు ఎంట్రీ ఇచ్చే వరకు దొంగకు దెబ్బలు పడుతూనే ఉన్నాయి. మధ్యలో దొంగ మొరపెట్టుకున్న కనికరించలేదు పంజాబీ.
ఇప్పుడీ వీడియో వైరల్‌గా మారింది. దీనిపై నెటిజన్లు రకరకాలుగా స్పందిస్తున్నారు. పోలీసులు వచ్చే వరకు చూడకుండా దొంగకు సరైన బుద్ది చెప్పాడని కొందరు అంటుంటే.. ఇలా చేయడం ప్రాణాలకు ముప్పు అంటూ మరికొందరు కామెంట్లు చూస్తున్నారు. ఏదీ ఏమైనా ఇంకోసారి దొంగలు ఆ స్టోర్ వైపు చూడాలంటేనే భయపడేలా చేశాడు ఆ పంజాబీ.
Share
Chandra babu punganur meeting : చంద్రబాబు పర్యటనలో రాళ్ల దాడి.. తలలు పగిలాయ్.. పోలీస్ ఫైరింగ్..
Medak News today: బెట్టింగుల కోసం అప్పులు.. తీర్చలేక స్టూడెంట్ సూసైడ్..
