Balakrishna NBK 109 Movie Title: బాలయ్య బాబు సినిమా వస్తుందంటే చాలు బాక్సాఫీసు బద్దలే అని అభిమానులు ఫిక్స్ అయిపోతారు. గతేడాది భగవంత్ కేసరి సినిమాతో వచ్చి సూపర్ డూపర్ హిట్ అందుకున్నాడు. అనిల్ రావిపూడి దర్శకత్వం వహించగా.. కాజల్ అగర్వాల్ హీరోయిన్‌గా నటించింది. శ్రీలీల ఇందులో బాలయ్య పెంచుకున్న కూతురిగా కనిపించింది.
ఈ మూవీ బాక్సాఫీసు వద్ద మంచి కలెక్షన్లు రాబట్టింది. ఇక ఈ సినిమా తర్వాత బాలయ్య బాబు ఇప్పుడు మరొక సినిమా చేస్తున్నాడు. బాబీ దర్శకత్వంలో ‘NBK 109’ వర్కింగ్ టైటిల్‌తో పక్కా మాస్ ఎంటర్‌టైనర్‌గా తెరకెక్కుతోంది. గతేడాది సంక్రాంతి కానుకగా చిరంజీవి ‘వాల్తేరు వీరయ్య’, బాలకృష్ణ ‘వీర సింహారెడ్డి’ సినిమాలు రిలీజ్ అయి మంచి హిట్లు అందుకున్నాయి. ఇక ‘వాల్తేరు వీరయ్య’కు దర్శకత్వం వహించిన దర్శకుడు బాబీ ఇప్పుడు ‘ఎన్‌బీకే 109’ మూవీకి దర్శకత్వం వహిస్తుండటంతో సినిమాపై అంచనాలు భారీగా పెరిగాయి.
అంతేకాకుండా ఇటీవల రిలీజ్ చేసిన గ్లింప్స్‌తో సినిమాపై మరింత హైప్ క్రియేట్ చేశారు. అందులో బాలయ్యబాబు మాస్ యాక్షన్ లుక్ అబ్బో వీరమాస్‌లో ఉంది. ఫస్ట్ నుంచే ఈ మూవీలో బాలయ్యను ఎప్పుడూ చూడని రేంజ్‌లో చూస్తారంటూ దర్శకుడు చెప్పుకుంటూ వచ్చాడు. దానికి తగ్గట్టుగానే ఈ గ్లింప్స్‌లో బాలయ్యను మాస్ లుక్ లో చూపించి అదరగొట్టేసాడు. రెండు గొడ్డళ్లతో విలన్లను నరుకుతున్న తీరు ప్రేక్షకుల్లో, అభిమానుల్లో కొత్త ఎనర్జీని తెచ్చిపెట్టింది.
Also Read: హమ్మయ్య.. ఈ సారి ఎలాంటి లొల్లి లేదు.. మరోసారి ‘మా’ అధ్యక్షుడిగా మంచు విష్ణు
ఇదిలా ఉంటే ఈ మూవీకి టైటిల్‌ను ఇంతవరకు ప్రకటించలేదు. దీంతో చాలామంది ఈ మూవీ మాస్ రేంజ్‌లో ఉంటుంది కాబట్టి టైటిల్ కూడా అదే రేంజ్‌లో ఉంటుందని చర్చించుకుంటున్నారు. ఈ నేపథ్యంలో తాజాగా ఈ చిత్రానికి టైటిల్ ఫిక్స్ అయిందని సోషల్ మీడియాలో కొన్ని వార్తలు చక్కర్లు కొడుతున్నాయి. దర్శకుడు బాబీ ఈ సినిమాకి ‘వీరమాస్’ అనే టైటిల్‌ను ఖరారు చేసినట్లు సినీ వర్గాల సమాచారం. దీంతో ఈ వార్త నందమూరి అభిమానుల్లో ఫుల్ జోష్ నింపింది.
ఈ టైటిల్ పెట్టారో లేదో కానీ, ఫ్యాన్స్‌కి అయితే అద్భుతంగా నచ్చేసింది. దీంతో నిజంగా ఈ టైటిల్‌నే ఫిక్స్ చేస్తే బాగుంటుంది అని అభిమానులు అనుకుంటున్నారు. ఇదిలా ఉంటే ఈ మూవీలో మలయాళ స్టార్ హీరో దుల్కర్ సల్మాన్ ఇందులో కీలకపాత్రలో నటిస్తున్నట్లు తెలుస్తోంది. దీనికి సంబంధించి కొన్ని సన్నివేశాల్ని కూడా చిత్రీకరించినట్లు తెలుస్తోంది.
Share
Atchannaidu Vs Kalamata Venkata Ramana: కలమట కలకలం.. అచ్చెన్న గరంగరం..!
Kavitha Bail Petition Hearing: కవితకు బెయిల్ వచ్చేనా? బీఆర్ఎస్ నేతల్లో ఒకటే టెన్షన్?
