Bahishkarana Teaser: అచ్చ తెలుగందం అంజలి ప్రస్తుతం ఒకపక్క సినిమాలు, ఇంకోపక్క వెబ్ సిరీస్ లు అంటూ బిజీగా మారింది. కథ నచ్చితే ఎలాంటి పాత్రలోనైనా పరకాయప్రవేశం చేసే అంజలి ఈ మధ్యనే గ్యాంగ్స్ ఆఫ్ గోదావరి చిత్రంలో వేశ్యగా నటించింది. ఈ సినిమా ఆశించిన ఫలితాన్ని అందుకోలేకపోయినా అంజలికి మాత్రం మంచి పేరే వచ్చింది. ఇక తాజాగా అంజలి హీరోయిన్ గా తెరకెక్కిన వెబ్ సిరీస్ బహిష్కరణ.
ముఖేష్ ప్రజాపతి దర్శకత్వం వహించిన ఈ సిరీస్ ను పిక్సెస్ పిక్చర్స్ ఇండియా బ్యానర్ నిర్మిస్తోంది. ఈ సిరీస్ లో కూడా అంజలి వేశ్యగానే కనిపిస్తోంది. అంజలి మాత్రమే కాకుండా ఈ సిరీస్ లో మరో ముద్దుగుమ్మ అనన్య నాగళ్ల కూడా కీలక పాత్రలో కనిపించనుంది. ఎప్పుడో షూటింగ్ పూర్తి చేసిన ఈ సిరీస్ కొన్ని కారణాల వలన విడుదలకు నోచుకోలేదు.
ఇక ఇప్పుడు ఈ సిరీస్.. జీ5 లో జూలై 19 నుంచి స్ట్రీమింగ్ కానుంది. ఇప్పటికే బహిష్కరణ నుంచి రిలీజైన పోస్టర్స్ ప్రేక్షకులను విశేషంగా ఆకట్టుకున్నాయి. ఇక తాజాగా ఈ సిరీస్ టీజర్ ను డైరెక్టర్ హరీష్ శంకర్ సోషల్ మీడియా ద్వారా రిలీజ్ చేసి టీమ్ కు బెస్ట్ విషెస్ తెలిపాడు. టీజర్ ఆద్యంతం ఆకట్టుకుంటుంది. ” ఈ ప్రపంచం లొంగిపోయేది రెండింటికే.. ఒకటి సొమ్ముకి.. రెండు సోకుకి” అనే డైలాగ్ తో టీజర్ మొదలయ్యింది.
కథ ఏంటి అనేది క్లారిటీగా చూపించలేదు కానీ.. ఎంతో అమాయకంగా ఉండే అంజలి.. ఒకపక్క సుఖాన్ని అందిస్తూ.. ఇంకోపక్క అతికిరాతకంగా వారిని చంపడం చూపించారు. అసలు అంజలి ఎందుకు వేశ్యగా మారింది.. ? ఎవరిని చంపుతుంది.. ? ఆమెను ఊరి నుంచి బహిష్కరించారా.. ? అనేది తెలియాలంటే సిరీస్ వచ్చేవరకు ఆగాల్సిందే. టీజర్ లోనే అంజలి నట విశ్వరూపం కనిపిస్తుంది. ప్రస్తుతం ఈ టీజర్ నెట్టింట వైరల్ గా మారింది. మరి ఈ సిరీస్ తో అంజలి ఎలాంటి విజయాన్ని అందుకుంటుందో చూడాలి.
Share
Viral Video: 30 చొక్కాలు వేసుకుని ఫ్లైట్ ఎక్కిన ప్యాసింజర్.. ఇలా ఎందుకు చేసాడో తెలిస్తే షాక్ అవుతారు..
Sunita Kejriwal: ఎంపీ తప్పుడు స్టేట్‌మెంట్ వల్లే కేజ్రీవాల్ అరెస్ట్: సునీత కేజ్రీవాల్
