Madhusudan Rao: ఎన్నో సినిమాల్లో విలన్ పాత్రలు చేసి తనకంటూ ప్రత్యేక గుర్తింపు సంపాదించుకున్నాడు నటుడు మధుసూధన్ రావు. తాజాగా ఈ నటుడు ఆసక్తికర విషయాలు పంచుకున్నాడు. ఆయనను విలన్‌గా ఓ డైరెక్టర్ గుర్తించినట్లు తెలిపాడు. అయితే ఓ సినిమాలో తన నటన చూసి చాలామంది బాగా చేశావ్ అన్నారే కానీ.. ఏ ఒక్కరు కూడా అవకాశాలు ఇవ్వలేదని తెలిపాడు. అంతేగాక ఆయన కుమారుడు తనకు తెలియకుండానే ఓ సినిమా చేసి షాక్ ఇచ్చాడని వెల్లడించాడు. ఇంతకీ ఆయన్ను విలన్‌గా గుర్తించిన డైరెక్టర్ ఎవరు?.. ఆయన కుమారుడు తీసిన సినిమా పేరేంటి? అనే విషయానికొస్తే..
కింగ్ నాగార్జున హీరోగా ఆషికా రంగనాథ్ హీరోయిన్గా నటిస్తోన్న తాజా చిత్రం ‘నా సామిరంగ’. ఈ చిత్రం జనవరి 14న ప్రేక్షకుల ముందుకు రానుంది. ఈ నేపథ్యంలో ఈ మూవీలో విలన్‌గా నటించిన మధుసూధన్ రావు తాజాగా ఓ ఇంటర్వ్యూలో ఆసక్తికర విషయాల్ని పంచుకున్నాడు. తనను విలన్‌గా గుర్తించిన డైరెక్టర్ దేవ కట్టా అని అన్నాడు. ఆయన డైరెక్షన్‌లో వచ్చిన ‘ఆటోనగర్ సూర్య’ సినిమా తర్వాత తన దశ మారిపోయిందని తెలిపాడు. అయితే ఆ మూవీలో తన నటన చాలా అద్భుతంగా ఉందని చెప్పారే తప్ప.. ఎవరూ అవకాశాలు ఇవ్వలేదని అన్నాడు.
అయితే ఈ నటుడికి ఇద్దరు కుమారులు. అందులో ఒక కుమారుడు ప్రీతం.. తనకు తెలియకుండానే సినిమా చేశాడని అన్నాడు. ఆ సినిమా పేరు ప్రభుత్వ జూనియర్ కళాశాల అని తెలిపాడు. ఇక సినిమా మొత్తం పూర్తయిన తర్వాతనే తనకి చెప్పాడని.. దీంతో ఒక్కసారిగా తాను షాక్ అయ్యానని తెలిపాడు. తన కళ్ళముందే ఎదుగుతున్న కుమారుడు ప్రీతంను చూసి ఆనందం పట్టలేక ఏడ్చేశానని చెప్పుకొచ్చాడు.
Share
Allu Sneha Reddy: అల్లు అర్జున్ భార్య యాక్టింగ్ ఇరగదీసింది..!
Kadam Haat : గడ్డితో రూ.2 కోట్ల ఆదాయం!
